- නෑනයි මස්සිනයි - (✓)

21

පහුවදා උදේම ජිමිනුයි මායි ආපහු පාරක් ගියේ ටේටේව බලන්න. ඩොක්ටර් කියපු විදියට නම් ටේටේව ඩිස්චාජ් කරන්න තව සතියක් විතර යයිලු. අපි එහෙන්ම ටේටේවත් බලන් කෙළින්ම ආවෙ ඔෆිස් එකට.

" මන්දනා මන් කැබින් එකට යනවා. තමුසෙ අර දැක්කා කියපු ටැටූ එක තියන ගර්ල්ව හොයනවා. "

" හරි. "

ජිමින් මගේ කොණ්ඩෙත් අවුස්සලා යද්දි මන් ගියේ මේකප් ආටිස්ට්ලා ඉන්න රූම් එකට. තාම උදේ නිසා කම්පැනි එකේ ඉන්න හැම මේකප් ආටිස්ට් කෙනෙක්ම එතන ඉන්න නිසා මන් වැඩි ලේසියට හැමෝටම කෝපි අරන් ගියේ එයාලට සැක නොහිතෙන්න.

" ඔන්න ඔයාලට කෝපි ගෙනාවෝ... "

මන් එහෙම කියලා කෑ ගහද්දි හැමෝම මගේ ළඟට ඇවිත් කෝපි ගත්තත් මන් එදා දැකපු ටැටූ එකවත් ඒ ගර්ල්වත් එතන හිටියෙ නෑ. එහෙම වෙන්න බෑනේ. එයා මේකප් ආටිස්ට් කෙනෙක් නම් අනිවාරෙන්ම මෙතන ඉන්න ඕනිනෙ. අද වැඩට ආවෙ නැද්ද දන්නෑ.

හිතාගෙන ආපු කිසිම දෙයක් හොයා ගන්න බැරි උනු නිසා මන් ආපහු ජිමින්ගෙ කැබින් එක පැත්තට යද්දි සේහා මැඩම් මට කතා කළා.

" රෂ්.. මෙන්න මේ කොස්ටියුම් එක 40 වෙනි ෆ්ලෝර් එකට ගෙනිහින් දෙන්න. එතන අද සාරා අ'වෝඩ් සෙරමනි එකට රෙඩි වෙනවා. "

" ආ හරි. "

අනේ මේක ඇඳුමක්ද. මෙයිට වඩා ලස්සනයි වැද්දොන්ගෙ ඇඳුමක්. නිකන් එහෙන් මෙහෙන් රෙදි පටි එල්ලිලා මල සමයමක් වගේ. මට එදා කරපු ඒවට මේ රෙදි කෑලි ටික කම්බියක පැටලිලා යන්න ඕන හූම්...

මන් ඒකත් අරන් ඇවිත් සාරා ඉන්න රූම් එක හොයන් යද්දි එතන එකම කලබලයයි.

" ඕ ෂිට්. මේ මේකප් එක සෙට් නෑ. මට වෙන එකක් දානවා. බලනවා මේ කලර්ස්. කිසි ගැලපීමක් නෑනේ.. මට කවුරුහරි කෝපි එකක් ගෙනත් දෙන්න.... කෝ මගේ ෆ්‍රොක් එක රෙඩිද..... තමුන්ලට තේරෙන්නැද්ද අද මට කොච්චර ඉම්පෝටන්ට් දවසක් කියලා. ඉක්මන් කරලා වැඩ කරනවා... කෝ මගේ හීල්ස් දෙක...  අයියෝ මේක උස මදිනේ... වෙන දෙකක් ගේනවා ඉක්මනට... මට රස්නෙයි. මේ AC එක කැඩිලද. කවුරුහරි ඇවිත් මට පවන් ටිකක් ගහනවලා.. මට බඩිගිනියි.... සැන්ඩ්විච් ගේන්න කන්න මට... කොණ්ඩෙ අයන් කරන්න එපා... අද කර්ල් කරලා යන්න ඕන මට... ඔය නෙක්ලස් එක කැතයි. අර රතු පාට ගල් අල්ලපු එක ගේන්න. "