- නෑනයි මස්සිනයි - (✓)

24

අදට මන් ජිමින්ගෙ කම්පැනි එකට යන එක නවත්තලා දවස් තුනක්. දැන් මට කරන්න දෙයක් නැති නිසා මන් මේ ටිකේම නැන්දගෙ ගාඩ්න් එක ටිකක් සුද්ද බද්ද කරලා ගත්තා. ඒ අතරින් පතර ටේටේව බලන්න හොස්පිට්ල් ගියා. හැම දේම සාමාන්‍යයි වගේ. ඒත් ඒක හරි අමුතුයිනේ. එහෙම වෙන්න බෑනෙ. කොරියාවට පය තිබ්බත් හරි මට තිබුණෙම මහාම මහ අසාමාන්‍ය දවස්නේ.

" සුදු බබා. මොනාද පුතා ඔයා රෝස මල් ගස් අස්සෙ බඩගාන් කරන්නෙ ළමයෝ. ඕවගෙ සත්තුත් ඇති. මෙන්න මෙහෙට වෙලා ඉන්න. "

නැද්දා කතා කරද්දි මන් හිටියෙ නැන්දගෙ රෝස පඳුරක් අස්සෙ රිංගලා ඒක වටේ තිබුණු වල් පැළ ටිකක් ගලවන ගමන්. නැන්දා කතා කරපු නිසා මන් ඒ ටිකත් ගසලා දාලා ගේ ඇතුළට ආවා. තාම උදේ නිසා කම්මැලි කම යවා ගන්න කියලා හිතා ගෙන අභීට කෝල් එකක් ගන්න හැදුවත් පස්සෙ තමයි මතක් වුණේ එහෙට තාම උදේ පාන්දර නේද කියලා. අභීව උදේ පාන්දරම ඇහැරවලා ශබ්ද පූජාවක් අහගන්නවට වඩා හොඳයි ඝාන්ටාරයක් බෙල්ලෙ බැඳන් ඉන්නවා. ඒ නිසා ඒ අදහස මන් එහෙම්ම අතෑරලා දැම්මා.

ඊට පස්සෙ මන් පොඩ්ඩක් සෝෂල් මීඩියා පැත්තෙ කරක් ගහද්දි තමයි දැක්කෙ මේ පාර ආටිස්ට් ඔෆ් දි ඉය' සම්මානය දිනා ගෙන තියෙන්නෙ සාරා කියලා. එහෙම්ම ඒ ගැන විස්තර බලද්දි තමයි දැක්කෙ මෙදා පාර ඒ අ'වෝඩ් එකට නොමිනේට් වුණු අය අතරෙ මින්ජිත් ඉන්නවා කියලා. මගේ ඇස් ගියේ එ නිව්ස් එක යටින් කට්ටිය දාලා තිබුණු කමෙන්ට් වලට.

හොඳ වැඩේ මින්ජිට. හිතා ගෙන ඉන්න ඇත්තෙ මේ පාර අ'වෝඩ් එක ගන්න. අ'වෝඩ් එක ගන්න තියා එයාට අඩුම අ'වෝඩ් සෙරමනි එකට සහභාගී වෙන්නවත් බැරි වුණානේ. මට හරිම සතුටුයි ඒ ගැන.

සාරා තමයි හොඳම. සාරාට මේ පාර අ'වෝඩ් එක ලැබෙනවා කියලා දන්න නිසා තමයි මින්ජි සාරාව රූෆ්ටොප් එකෙන් තල්ලු කරන්න හැදුවෙ. එයා හිරේ ඉන්න එක ගැන මට සතුටුයි. එයාට ඔහොම වෙලා මදි සාරාව මරන්න හැදුවට.

මිනීමරු මින්ජි. එයා කොහොමද මෙහෙම දෙයක් කරන්නෙ. අනික සාරා මින්ජි ටේෂු කියන්නෙ ඒ කාලෙ මේ ඉන්ඩස්ට්‍රි එකේ හිටිය හොඳම යාළුවො තුන් දෙනා. මට නම් විශ්වාස කරන්නත් බෑ මින්ජි සාරාට ඒ වගේ දෙයක් කරයි කියලා.