လူမှားလက်ထပ်ပြီးတဲ့​နောက် ငါထွက်မသွားနိုင်​တော့ဘူး (ဘာသာပြန်)

5

ZAWGYI >>> Next Page

ထန်ယွဲ့ ​နေတဲ့အ​​ဆောင်က အ​တော်​လေးကို ကျယ်ပြီး ရှေ့မှာ ဧည့်ခန်းနဲ့ဝရန်တာ​တောင် ရှိ​သေးတယ် ။ အပြင်အဆင်ကလည်း အဆင့်အတန်းမြင့်ပြီး ​ဆေးရုံ​တွေမှာ ရ​နေကျ ​အနံ့မျိုးလည်း လုံးဝမရှိဘူး ။ ​မြင်ဖူး​နေကျ အေးစက်ပြီးဖြူ​ဖျော့​နေတဲ့ ​ဆေးရုံ​တွေနဲ့ ကွဲပြား​နေတဲ့ အခန်းတစ်ခုပါပဲ ။ အ​မေဖြစ်သူ ​ဆေးရုံတက်ရတုန်းက စုန့်လင်ချူဟာ ​ဆေးရုံကို အိမ်လိုမျိုးသ​ဘောထားပြီး ​နေခဲ့ရဖူးတယ် ။ သူ့အတွက် ​နေသားကျ​နေပြီးသား ပတ်ဝန်းကျင်နဲ့ မတူညီ​​တဲ့​နေရာတစ်ခုကို မြင်လိုက်ရ​တော့ နည်းနည်း​တော့ မသက်မသာဖြစ်ရတာ​ပေါ့ ။
မသိတဲ့လူဆိုရင် ဒီ​နေရာကို အဆင့်မြင့်ဆုံး ဟိုတယ်​တွေထဲကတစ်ခုလို့​တောင် ထင်ကြမှာပဲ ။
အရာအားလုံးအတွက် ​ဖော်ပြနိုင်တဲ့စကားသုံးလုံးက
'Evil Rich People'

(Note : မတရားကို ချမ်းသာလွန်းတဲ့လူ​တွေ)

"ဥက္ကဌ ...ဧည့်သည်​ရောက်လာပါပြီ"

ထန်ယွဲ့ရဲ့အတွင်း​ရေးမှူးလူငယ်​လေး ချန်ပင်းက ​ပြောလိုက်တယ် ။

ထန်ယွဲ့က Email တစ်​စောင်ပြန်ပို့​နေရာက​နေ စကားသံ​ကြောင့် ​မော့လာပြီး လမ်း​လျှောက်လာတဲ့ ​ကောင်​လေးဆီ လှမ်းကြည့်လာတယ် ။
ဓါတ်ပုံထဲမှာ မြင်​နေရတာနဲ့ အပြင်မှာ တကယ့်လူကို ​တွေ့လိုက်ရတာနဲ့က ခံစားချက်ချင်း ကွာ​တော့ကွာသားပဲ ။

​ကောင်​လေးက မီးခိုး​ရောင် မာဖလာနုနုကို လည်ပင်းမှာ ပတ်ထားပြီး ထူထဲတဲ့ မာဖလာကြားက​နေ သူ့ရဲ့ ချစ်စရာမျက်နှာ​လေးက ​ပေါ်လွင်​နေတယ် ။ အ​ဆောင်တွင်းကအပူချိန်​ကြောင့် သူ့ပါး​တွေနီရဲ​နေပြီး မျက်လုံး​တွေ ကြည်လင်​တောက်ပ​နေတဲ့ပုံစံက သူ့ကို ပိုပြီး ထင်ထင်ရှားရှားဖြစ်​​စေပါတယ် ။

ဒီလိုဆိုရင်​တော့ အဖိုးက သူ့ကို နည်းနည်းနားလည်တယ်လို့​ပြောရမယ် ၊ သူက အ​တွေ့အကြုံမရှိ ၊ ကြိတ်ပြီးကြံစည်တာမျိုး​တွေမရှိတဲ့​ကောင်​လေး​တွေကို သ​ဘောကျတတ်မှန်း သိ​နေတယ်​​လေ ။

စုန့်လင်ချူကလည်း ထန်ယွဲ့ကို ကြည့်​နေခဲ့တယ် ။
သူ့ရဲ့ ပထမဆုံးအမြင်က​တော့ မယုံနိုင်ခြင်း ပဲ ။
သူက ထန်မင်ချင့်ရဲ့အ​ဖေ သူငယ်ချင်း​တွေကြားထဲမှာ ရိုက်ထားတဲ့ဓါတ်ပုံကို မြင်ခဲ့ဖူးတယ် ။ အသက် ၄၀​ကျော်အမျိုးသားကြီးက အသက် ၃၀​ကျော်လိုပဲ အရပ်ရှည် ၊ နုပျို​ချော​မောပြီး ကြည့်​ကောင်း​နေခဲ့တာ​လေ ။