Next Chapter >> Zawgyi
Voice message နားထောင်ပြီးတဲ့နောက်မှာ စုန့်လင်ချူ သူ့ရဲ့ဦးနှောက်များတစ်ခုခုဖြစ်သွားသလားလို့တောင် ထင်မိတယ် ။ ထန်ယွဲ့ တကယ်ပြောနေတယ်ဆိုတာ သေချာတဲ့အထိ ထပ်ကာ ထပ်ကာ နားထောင်မိနေတုန်းပဲ ။
ခဏလေး...ဒါဆို ဒီက်ိုရောက်နေတာတောင်မှ သူ့ကို စိတ်ဆိုးအောင် စာပို့နေတာပေါ့? လွန်လွန်းလိုက်တာနော်...
အရင်က တစ်ခါမှ အရိုက်မခံရဖူးဘူးထင်တယ် ။
သူ့အတွေးတွေကို ခဏခေါက်ထားလိုက်ပြီး စုန့်လင်ချူက KFC ထဲက ထွက်လာကာ ဝင်ပေါက် ၁ ဆီ ဦးတည်လိုက်တယ် ။
အချိန်က သန်းခေါင်ရောက်ခါနီးပြီမို့ Mall တစ်ခုလုံးက 24 နာရီဖွင့်တဲ့ဆိုင်တွေကလွဲရင် တိတ်ဆိတ်ခြောက်ကပ်နေပြီ ။ အပြင်ကို ထွက်လိုက်တော့ လူသွားလူလာတစ်ယောက်မှမရှိတော့ဘူး ၊ အလိပ်လိုက်ရှုသွင်းလိုက်ရတဲ့ မြူတွေက အပြင်မှာ ဘယ်လောက်အေးတယ်ဆိုတာကို ဖော်ပြနေတယ် ။
သူက ဂျက်ကက်ကခေါင်းဆောင်းကို ခေါင်းပေါ်ရောက်အောင် စွပ်လိုက်ပြီး ဝင်ပေါက် 1 ဆီ ပြေးသွားလိုက်တယ် ။ Square ကို ဖြတ်ပြီးတဲ့နောက် ရေပန်းဘေးမှာ ခဏတာရပ်ထားတဲ့ အနက်ရောင်ကားတစ်စီးကို တွေ့လိုက်ရတယ် ။
ဒီလောက် အဖိုးတန်ပြီး အဆင့်မြင့်တဲ့ကားနဲ့ နံပါတ်ပြားကို ကြည့်လိုက်တာနဲ့ ထန်ယွဲ့ပိုင်တဲ့ကားဆိုတာ စုန့်လင်ချူ တန်းသိပါတယ် ။
Passenger ဘက်က ပြတင်းပေါက်မှန်က အနည်းငယ် ဟ နေတာမို့ စုန့်လင်ချူ အထဲကို ချောင်းကြည့်လိုက်တယ် ။ ထန်ယွဲ့က ကားမောင်းသူနေရာမှာ လက်တစ်ဖက်က စီယာတိုင်ကို ထိထားပြီး လက်တစ်ဖက်ကတော့ ခေါင်းကို မှီထားကာ ထိုင်နေတယ် ။
" ဘာလို့ ကိုကို ကိုယ်တိုင် လာတာလဲ?"
စုန့်လင်ချူ တံခါးကို ဆွဲဖွင့် ဝင်ထိုင်ရင်း မေးလိုက်တဲ့လေသံက မမျှော်လင့်ထားတဲ့အံ့သြမှုတွေနဲ့ ပြည့်နှက်နေတယ် ။
ထန်ယွဲ့က သူ့ကို ကျောင်းဆီ ပြန်ပို့ပေးဖို့ ဒရိုင်ဘာလွှတ်လိုက်တယ်လို့ပဲ ထင်နေတာ ၊ ထန်ယွဲ့ကိုယ်တိုင် ကားမောင်းပြီးရောက်လာလိမ့်မယ်လို့ တစ်ခါမှ မထင်ထားခဲ့ဖူးဘူး ။
![](https://img.wattpad.com/cover/343211951-288-k694163.jpg)
YOU ARE READING
လူမှားလက်ထပ်ပြီးတဲ့နောက် ငါထွက်မသွားနိုင်တော့ဘူး (ဘာသာပြန်)
General FictionAuthor : 肆月十七 comedy , romance , shounen ai , yaoi 61 chapters + 19 extra