ظلام الابهر

البارت الخامس

البارت الخامس .
ضلام الابهر .
اساور عبدلله .

ٱيفين-باجر حنة سيليا وكلهااا مخبوصه والبيت هوسه ننضف ماننضف مايبين
وهوسه مانكدر ننام وانه ميته تعب يا روحي يا تعاي يا امشي يا سوي اكل جوعانين ...
الابهر-ها ٱيفينه شبيج
ٱيفين-احجي وشوي وابجي من الساعه ب 8 الصبح لهسه انه ب المطبخ غدا عشى ريوك تنظيف كله براسي احس ضهري انكسر ولله
الابهر-دمشي كعدي خلي هنه يكومن
ٱيفين-ولك غير جابن الاماعين مال الغدا وراحن يسولفن وطاحن براس ام شاهين خطيه ولله ماجاي نلحگ نحگ راسنه اريد بس انام بمكان هادء ماكو هوسه وين ماتروح جهال ماكو هدوء ابد
الابهر-تعاي نامي بغرفتي
ٱيفين-عساس غرفتك مابيها هوسه؟
الابهر-لا شحدهم يدخلون غرفتي
ٱيفين-خوش عفت من ايدي الطباخ ورا مانصفت ونص نام ونص يسولف عفتهم وصعدت دخلت غرفته بس طلع نزعت حجابي ونمت اهخخخ ضهرييي يمههه ... خليت راسي ع المخده ونمت بسرعه
الابهر-يااا خرب حضي نسيت الشاحنه دخلت ع كيف ادور وينها تذكرت مخليها ع الميز مشيت ع اطراف اصابيعي حتى ماتحس وتكعد مشيت نايمه عبالك طفل نايم اخذت الشاحنه اريد اطلع كأنو اكو شي منعني ماعرف شنو هوا بس منعني ضليت اباوعلها شوي ومشيت استغفرلله شجاي تسوي ...

ٱيفيني-كعدت الصبح يووو اليوم هوسه اكثر اليوم حنة سيليا وراها بيوم حنة الولد
...

سيليا-التوتر يقرا 1000 اليوم حنتي وبعد يومين عرسي من الشخص الي ممكن يكون صح او يكون خطأ خايفه كلش اكون تسرعت بقراري ياربي ساعدني ... اخذوني للصالون من الساعه ب 2 الضهر استلمتني تنضيف بشره حفافه صبغ لبخ مناكير بداكير وكلشي ... بحيث انتهيت انه وياها من التعب مكيجتني وخلصت وٱيفين اخذتلي البوم كامل مال صور وخذت البومين لنفسها وانه ميته ضحك عليها بس صدك طلعت حلوه
ٱيفين-شنو هاييي سيلياااا راح ابجييي
سيليا-ليش
ٱيفين-مجاي اصدك راح تروحين لغير بيت
سيليا-شون يعني
ٱيفين-وكبر ماتدرين عساس غير شاهين اشترا بيت الكم ... حجيت هيج وبجيت
سيليا-شبيج فيفيي
ٱيفين-ولله العضيم ماكدر اتخيل البيت بدونج شون هسه راح ترحين منو يونسني منو يسولف وياي للصبح ...
سيليا-كأنو جنت انتضر سبب حتى ابجي حضنتني وضلت تبجي وام شاهين ميته ضحك ...
ام شاهين-يا يمه ترا بيتها بداية الشارع واحنه بنهايته يعني بيناتنه تقريباً 5 بيوت يمته ماتردين روحيلها ياخذونج الولد وهسه كافي لايخرب مكياجن ونوب تعال سوي من جديد
ام الصالون-ما شاء الله جنتج تخبل ام شاهين لو تقبلون اخذلها صور واخليها ع صالون
ام شاهين-لا فدوه ابني معقد مالنه خلگه
ام الصالون-براحتج حبيبتي
سيليا-رجعنه من الصالون للقاعه لان ماسويت خطوبة ف سوولي الحنه بقاعه دخلنه وضحك والبنات غيرلي جو ونسني سالفه شاهين
وسوو هواي فعاليات وياي وبدوني وكلش تونست ... رجعنه للبيت ميته تعب سبحت بدون ما امشط خليت راسي ونمت ...
اليوم حنة الولد وقررو يسوها هنا مو بالقاعة
نزلت اشتغل رتبت غراضي كلهن تأكدت ما ناسيه شي لحضه ادراك باجر عرسي من الشخص الي لايحبني ولا احبه هههه
الولد كلهم لبسو شماغ ودشداشه وشاهين لبس دشداشه لونها رصاصي والباقي ابيض لو اسود يعني كلش مرتبين وحلوين
ٱيفين-عيوني ع الابهر ماعرف ليش احسها هوا الوحيد مميز وفعلاً هوا الوحيد مميز لان كلها لابسه اسود ورصاصي وابيض بس هوا لابس نيلي وشماغ بس طالع يموت كتبتله رساله
🗯️-شنو هاي ولك كرشتتتتت طالع تخبل والبنات كلهن ماتن عليك وزحفن ولعباس
🗯️-انطيهن رقمي
🗯️-انطيهن صخام بوجهك اركص عليك الله
🗯️-اي وصوريني ونشريني
🗯️-تمام ... كام يركص وانه اصوره واصور الولد خلصت حنتهم ع خير راحو الولد يباتون بيت شاهين وانه صممت مقطع لل ابهر ونشرته وكتبت ... جميل ال سواعد
رد عليه بسرعه ...
-ولج عزااا اخجل
-كبر عزا شنو
-انجبي ولي خلي اروح يم الولد جاي نشرب
-ششربون؟
-جاي نشرب ببسي امريكي يفوتج
-ولقرأن انزل هسه اكول لام شاهين
-لاولج جاي يركصون ويشربون نركيله
-هااا يلا ولي ... عافني وطلع وانه دخلت للتواليت قفلت الباب وسويت ايديه ورجليه وسبحت طلعت بدون محد يدري كصيت شعري شوي وصبغته كله صار احمر ناري كلش حلو طلع عليه ... نمت ميته تعب كعدت الصبح تريكنه ورحنه للصالون سوتلي شعري كيرلي من جوه شوي وخلتلي مكياج خفيف بس حمره حمره وانه بيضه طلعت اشق بنص
سيليا-اكلج شو هاي طلعت احلى مني
ام الصالون-بضحكه ثنينجن تخبل بس هيه ماشالله بياضها ويا لون شعرها يخبل
سيليا-اي ولله
ام الصالون-مخطوبه هيه؟
سيليا-لا مو مخطوبه
ام الصالون-هسه يصير عليها ب الاسلحه
ٱيفين-لاحبي انه محجوزه
سيليا-رفعتلها حاجبي غمزتلي ... وصلنه بين الركص وبين الحفله ماحسيت ب الوقت كالو راح يدخل شاهين احس رجليه ثكلن ونفسي صار ثكيل دخل بكل هيبة ورزانته شون يمشي هادء عكس عصبيته تماماً ...
تقدم تجاهي باسني براسي ركصنه شوي بدلنه الحلقات وطلعنه للزفه زفونه ب البيت
البيت حلو كلش غرفتين وتواليت وحمام وصاله ومطبخ وديوان وطارمه جبيره ...
دخلنه للغرفه واحس كلبي صارن دكاته سابع جار يسمعه من خوفي ... ورا شوي دخل هوا
شاهين-ماسويلج شي لاتخافين انتي طلبتي نكون اصدقاء وراح نكون اصدقاء ...
سيليا-تنفست براحه عافني وراح للغرفه الثانيه سبحت ولبست دشداشه كصيره لونها بيجي ورفعت شعري بقراصه وخليت فلم ههههه ولاعبالك عرسي نمت ورا نص ساعه ...
شاهين-رحت للغرفه الثانيه لان نرفزتني نضراتها انه عيونها نقطه ضعفي ورا تفكير نص ساعه قررت اروح احجي وياها ونتناقش واشوف وين نريد نوصل ... فتحت الباب الغرفه ثلج وهيه نايمه والاكل يم راسها والتلفزيون مشتغل طفيت التلفزيون وشلت الاكل وديته للمطبخ ودخلت للغرفه حشگت روحي بيها حضنتها وجهي صار بركبتها النار عكس جو الغرفه وايدي محاوطه خصرها وايدي الثانيه جوا راسها ضليت اباوعلها حوالي ال ساعه مامصدك حب 5 سنين نايمه بحضني بس اخخخ لو ما غلطانه جان عيشتج اميره ولقرأن اخلي الكل يغار منج ...
سيليا-كعدت احس اكو شي خانكني محاوطني فتحت عيوني غواش ورا شوي وضحت الصوره شفت ايدين شاهين محاوطه خصري وراسه بركبتي ضليت اتحرك حتى يحس ويوخر ماكو هم ماكعد سحبت نفسي گوه وكمت طركاعه عليك عبالك صخره نايمه يمي مو شاهين عفته وطلعت دخلت سبحت ولبست تراك نص ردان وبرموده رفعت شعري سويته ذيل حصان ودخلت للمطبخ شفت الثلاجه متروسه كلشي فواكهه خضار واكو ثلاجه ثانيه بصفها متروسه حلويات اخذت عصير شربت شوي وسويت ريوگ ونكعت الدجاجه كلت اسوي دجاج وكعدت اباوع بجهازي ورا شوي انتبهت الساعه ب 11 كمت ع سريع غسلت ماعين الريوك وسويت الاكل اخخخ الريحه تموت فديتجج سوسيي سيسيي فديتجج هنيالككك شاهين ع هيج مره نادره وحبابه شون ابوس نفسي شونن
شاهين-حسيت ماكو احد يمي فتحت عيوني شفتها مو يمي كمت مشيت سمعت صوت ب المطبخ شفتها تطبخ وتتغزل بنفسها ضحكت من كالت هنيالك شاهين ع هيج مره ضحكت بصوت عالي دارت وجها عليه وجها صار احمرر من الخجل وانه نتهيت من الضحك
سيليا-شنو شبيك؟؟
شاهين-مابيه شي بس صدك طبخج ريحته حلوه هنيالي ع هيج مره
سيليا-احس اذا تذبحوني ماتلكون ولا نقطه دم بيه من الفشله كتله وانه اذا يسويلي بز ابجي صدك ؟
شاهين-ولقرأن بس انتي عروس شون تطبخين انه كلت اجيب من المطعم
سيليا-احم لا عادي
شاهين-براحتج ...
سيليا-عافني ودخل سبح وانه ع سريع سويت زلاطه وطلعت طرشي وخليت بكاسه روبه وشنو شنو بعد ياربي متوترهه خاف مايعجبه الاكل رتبت الاكل ع ميز الطعام ورحت ع سريع بدلت وخليت عطر ومشطت شعري وطلعت شفته مبدل وكاعد ينتظرني احم ليش ما جاي تاكل ؟
شاهين-انتضرج
سيليا-اهاا ... كعدت اكل بهدوء
شاهين-سليا
سيليا-همم
شاهين-لو يرجع بيج الزمن هم تزوجيني؟
سيليا-شون يعني
شاهين-انه هواي أذيتج ب الخطوبه وحتى ماسويتلج خطوبه مثل البنات يعني لو تقدملج سلمان قبلي تاخذيه؟؟
سيليا-توترت من سؤاله لا اكيد ما اخذه واحد حقير ونذل شسوي ماخذته شوف صح انه غلطت بس ولله العضيم متندمه هواي
شاهين-همم
سيليا-اي ... رجع صار هدوء
شاهين-سيسي
سيليا-رفعت عيني صارت عيني بعينه ابتسملي رديت الابتسامه ورجعت اكل
شاهين-اذا اطلب منج تصيرين زوجتي تقبلين
سيليا-ماعرف
شاهين-لاتعرفين
سيليا-شاهين ساعه احسك تحبني وتريدني زوجه الك وساعه احسك تكرهني وماتريد شوفتي اصلاً شتريد ب ضبط حتى اعرف
شاهين-اريدج
سيليا-بتوتر ها؟
شاهين-اريدج انه احبج هواي ولله تخيلي امس أذن يالله نمت لان مامصدك حب 8 سنوات بحضني بس انتي حرمتيني من سعادتي حرمتيني بغلطج هاذ
سيليا-متندمه وحق ربك
شاهين-تخليني اكون راحتج وزوجج واهلج واخوج وابوج وعائلتج وحبيبج ؟
سيليا-تخليني اكون امك واختك وحبيبتك وزوجتك واهلك وعائلتك وراحتك وسعادتك؟
شاهين-اي اخليج سيليا ممكن هسه انتي تكولين يبالغ بس ولله العضيم وحق هاي النعمه الكدامي احبج حب بس الله يعلم بي
سيليا-وانه هم
شاهين-شنو انتي هم؟
سيليا-صح ماصارلنه هواي متزوجين ولا صارلنه سنين متزوجين ولا اخذنه ع حب بس حسيت نفسي احبك بليله ويوم
شاهين-تحبيني؟
سيليا-اكثر مما تتصور

البارت الخامس .
ضلام الابهر .
اساور عبدلله .