ظلام الابهر

البارت السادس عشر

الكاتبه asawer_Abdullah

البارت السادس عشر .

ضلام الابهر .

الابطال يقرون التعليقات فـ خلوها أيجابيه 💙.

مريم:-مصطفى شبيك ولله ماكدر اجي لبيتكم
مصطفى:-ليش ليش مريمي
مريم:-شنو راح يكولون عليه اهلك؟
مصطفى:-طُز بأهلي انتِ اهلي
مريم:-مصطفى ولله اخاف عليك انه ابوي ماراح يتركني بحالي راح يدور عليه الى أن يلكاني
مصطفى:-معليج انتي من تجين يمي لاتخافين لان ماخليج بيوم تحسين بالخوف ولله
مريم:-راسي راح ينفجر ولله
مصطفى:-يابعد اهلي وعشيرتي ودنيتي انتِ
مريم:-راح ارجع لاهلي
مصطفى:-مريم انتي مخبله؟
مريم:-افهمنيي مصطفى شبيكك
مصطفى:-لا حرفياً انتي مخبله
مريم:-شسوي كلي شسويي؟؟
مصطفى:-انه الي شسوي
مريم:- هزيت رأسي مادري

لزم ايديه وباسهن واستنشق عطرهن ..

مصطفى:-مريم احبج انه
مريم:-ضليت ساكته بس وجهي يحجي شكد مستحيه ومنحرجه
مصطفى:-اذا ترجعين لبيتكم واخطبج توافقين؟
مريم:-اي راح اوافق
مصطفى:-تمام
مريم:-صعدنه سياره للبصره وطول الطريق انه شارده وافكر شنو ردة فعلهم وكفت كدام الباب
دكيته وأشرت لمصطفى يروج علمود لاتصير مشكله
انفتح الباب وطلعت امي بس شافتني ضلت تبجي حضنتني وهيه تبجي وانه احس مشاعري انطفت ماجاي احس بشي بوستني ودخلنا جوا
امينه:-مشتاقتلج يابعد امج وعشيرتهاا
مريم:-انه هم ولله..  دخلت للصاله باوعلي ابوي ونضرته جان كلها عصبيه وغضب دخلت لغرفتي وسمعت صوته يعارك امي غمضت عيوني مستسلمه للنعاس الي اجاني وغفيت.. فزيت الساعه ب 9
شفت هواي رسائل جايتني...
مصطفى:-مريم احنه راح نجيكم
باعي متوتررر هوااااي
شسمه شنو البس اسود لو زيتوني؟
ولج مريم مامصدككك راح تصيرين الييي
مريمي نايمه الحلوه؟
خاب مشتاقلج
ولج الطريق كله افكر بيج
ماضل شي ونوصل يروح مصطفى انتي
مريم:-ركضت للحمام سبحت ونزلت لامي
امينه:-صباح الخير يمه
مريم:-صباح نور
امينه:-ها خيرج احسج عندج كلام؟
مريم:-يمه اكو واحد وياي بالكليه يريد يخطبني
امينه:-ها يخطبج؟
مريم:-اي ليش
امينه:-هيج ماكو
مريم:-صعدت فوك وكتبتله ..
*تمام كل الهلا بيكم
سمعت صوت هورنات احس كلبي وكف والرجفه سرت بجسمي عدلت شعري بالمرايه ونزلت باوعت من الشباك واحس وجهي نگلب احمر من شفت ...
ايفين:-اندك الباب بقوة عبالي واحد من الجهال لبست حجابي بعدني مانازعه الصايه طلعت امشي كوه بطني كبرانه فتحت الباب غمضت عيوني احاول اتأكد صحيح الي كدامي شفت ابو الابهر..
ابو الابهر:-سلام عليكم دخليني جوه لو اضل واكف؟
ايفين:- احتاريت دخل ضل كاعد بالحديقه وانه دخلت جوا اتصلت على الابهر بسرعه رد ومبين صوته تعبان ويمه احد لان هوسه
الابهر:-ها حبيبي
ايفين:-كتله بدون سابق انذا.. ابوك هنا ادخله؟
الابهر:-ذبيت حسره دخلي
ايفين:-تمام..طلعت للحديقه وشفته كاعد وصافن بالفضاء دخلته جوا وانطيته ماي .. شونك عمو
ابو الابهر:-الحمدلله
ايفين:-حسيت انو احنه بالحديقه وتداركت الموضوع بسرعه.. شسمه عمو ادخل جوا شعندك هنا
ابو الابهر:-بابتسامه تمام
ايفين:-احس جاي اشوف الابهر كدامي حتى بالابتسامه ابتسمت على ابتسامته شوي واندك الباب دخل الابهر معصب.. شبيك حبيبي؟
الابهر:-مابيه بس دخلي لغرفتج ارتاحي تركيني ويا ابوي وحدي اريد احجي ويا شوي
ايفين:-تمام حبيبي.. دخلت للغرفه وانه بالي مشوش واريد اعرف شنو جاي يحاجي ابو
الابهر:-جنت مشغول بالمستشفى وكلها واكفه يم سيليا وننتضرها بخوف وواكف ويا شاهين وكلساع واحد من شغل يتصل عليه وارفضه لو مارد لو اكلهم امي مسويه حادث عصبت كلش شفت رقم ايفين ماردت ارد بس تذكرت هيه وحدها بالبيت وكلشي يصير اخاف عليها شي او صاير شي رديت ووجهي نكلب احمر من العصبيه من عرفت ابوي بالبيت
وفجأة اجه بالي من رحتله وعبالي تغير وصار خوش انسان دخلت للمحل مالته مبتسم ابشره انو ايفين حامل وراح يصير جد شفت كدامي شخص بهيئة ابوي ومبين من شكله خبيث دخلت يم ابوي ولكيت يمه ثلث اشخاص عرفتهم لان مشهورين باكبر تجار بالمخدرات انصدمت ابوي وين يريد يوصل ويييين
ضل فتره يضغط عليه علمود اتاجر وياهم وصرت اضوج وماروح اله وبيوم وليله صار يهدد ف كتله بعد لاتتواصل وياي لان ماراح يعجبك تصرفي
فزيت من صفنتي على صوت شاهين وهوا يكلي
شاهين:-شبيك صافن؟
الابهر:-هيج صار امر طارى وانه حروح للبيت باجر الصبح اجي تمام لاتضوج مانتضرته يحجي او يرد عليه ركضت للسياره شغلتها وانطلقت.. اضطريت اطلع ايفين علمود لاتعرف شغلات اكبر من عمرها وانه ادري بيها شكد بريئه.. شتريد شعندك جاي؟
ابو الابهر:-هيج تستقبل ابوك؟
الابهر:-هه ابوي انه ابوي مات ابوي سلطان مو انت
ابو الابهر:-هه ليش رافت يعض؟
الابهر:-لا رافت مو بشر لك انته حتى الحيوان يستحي يصير نفسك والعباس كافييي ياخيي فك ياخة عنيي اتركني بحالي شسويت بحياتي حتى هيج ابتلي بيك انته رجال تحب الحرام وتحب الشر ابتعد عني وعن عائلتي لاتشوف شي ميعجبك ترا
ابو الابهر:-هه جاي اشوف حفيدتي مو لعيونك
الابهر:-بعصبيه.. ماتشوفها يعني ماتشوفهاااااا
ابو الابهر:-لاتصيح لاتخترع البنيه
الابهر:-مدخلك ويلا ماتشرف اخلي مجرم وتاجر مخدرات ببيتي اطلع بأحترام لا اخابر الشرطه
ابو الابهر:-تقربت وهمست يم أذنه.. راح اندمك باغلى شي عليك ولتكول ماكتلك ههه تاجر المخدرات
الابهر:-طلع من البيت واجتني ايفين تباوعلي وبيدها وتر الي صايره تخبل اخذتها العبها  صايره حلوه
ايفين:-طالعه على ابوها
الابهر:-ابتسمت على كلامها.. كرصت خدودها
ايفين:-تضوج ماتحب احد يكرص خدودها
الابهر:-تمام يا زوجتي الغاليه
ايفين:-ابتسمت على كلامه
سيليا:-فتحت عيوني واحس جسمي يوجعني وكلشي بيه يأذيني همست وصوتي تعبان.. ابني وين
شاهين:-هسه يجيبونه الج
سيليا:-شاهين
شاهين:-عيونه وروحه وكلشي
سيليا:-احبك ابو شهم
شاهين:-شهم حلو
سيليا:-احبك هواي ولله
شاهين:-انه اكثر ولله العضيم
سيليا:-ضلينا فتره ساكتين شوي ودخلت ممرضه مبينه صغيره وبيدها شي صغير كلش وملفوف بالكماط وبالطانيه لان الجو بارد خلته على ايدي نزلت دموعي على خدي اخيراً صرت ام
شاهين:-ابتسمت شوفي شون حلو شوفيي
سيليا:-تحب نسمي شهم لو نغيره؟
شاهين:-لا حبيبي شهم شهم
سيليا:-تمام.. مرت الايام بسرعه ويوميه ارضع شهم والعبه شوي وشكله ماكدر اوصفه لان راح يكون قليل يعني كد ما اكول طفولي قليل وجهه بريئ كلش واليوم اطلع من المستشفى اجت ايفين ساعدتني وبدلت ملابسي وصعدنا بالسياره وشهم بحضني والابهر يسوق وشاهين كدام ووتر بحضن ايفين الي بطنها شوي شوي جاي تكبر تحاجيني وانه كوه ارد لان تعبانه شافتني هيج وسكتت وصلنا للبيت دخلت للغرفه انام لان تعبانه وشهم بس يبجي ماكدرت انام هنا اخلي يم ايفين وانام غمضت عيوني وبعد ماحسيت على شي غير من كعدتني ايفين
ايفين:-يلا كومي لج كلها هنا جايين يشوفونج
سيليا:-مابيهه مابيهه حيل ياربييي
ايفين:-انجبي كومي يلا
سيليا:-كمت غسلت وجهي ولبست فستان مرتب شتوي لونه سمائي وحجاب ابيض وخليت مكياج خفيف وبرزت جمال عيوني بالكحل هنه حادات وخليتلهن كحل صارن يجنن بدلت لشهم وطلعت ولازمته بايدي كلها صارت تباوعلي وعيونهم مدمعه لان كلهم مقهورين عليه دوم اسقط بس الحمدلله
اجه شهومي عوضني ع كلشي سلمو عليه وباركولي وانطوني هدايه وانه اشوف الحقد بعيون سليمه وجناينها صارت ب 10 باليل وكلها راحت لبيتها
واحنه انه دخلت للغرفه نومت شهم وطلعت يم ايفين الي جانت تنضف وتنكع باللحم علمود باجر
المن جاي تنكعين من هسه وبعدين شدعوا هلكد؟
ايفين:-سكتي راح ابجي ولله باجر كلها راح تجي تتغدا يمنا واذا يتغدون يعني يتعشون وانه ميته والحمل متعبني فد مره ولله
سيليا:-ولله بس خلي يمر اسبوع اساعدج اصلا لو ما عمليه جان ساعدتج هسه بس ولله اتأذى
ايفين:-انجبي هسه انه كتلج؟
سيليا:-جان رجعنا وياهم بس هذن حقيرات
ايفين:-اي ولله كنست الصاله ونضفت البيت ونكعت اللحم وراحت سيليا بغرفتها تنام وانه دخلت اسبح
ووتر نايمه يمه بناتيي ماضل شي ويصير عمرها 4 اشهر كبرت الحلوه بسرعه طلعت مشطت ونمت
كعدت ع صوت المنبهه الابهر وشاهين بالدوام وسيليا نايمه والجهال نايمين فرصتلي قفلت البيبان ولبست برموده وكيمونه واستلمت البيت نضفته وطبخت والاكل ريحته تجنن سبحان الله قبل امي تكلي الله يعين الي ياخذج لان ماعرف اشتغل ولا اعرف اطبخ وهسه صرت ام بيت وام وتر هههه فززني من صفنتي صوت الباب لبست دشداشتي بسرعه ولبست شالي بأهمال عبالي اجو بيت اهلي
بس بعد وكت ستوا يالله ب 9 الصبح فتحت الباب شفت عمو رافت ابو الابهر لزمني من ركبتي وسد الباب وانه اختنكت اريد بس اوخر وهوا يباوعلي وعيونه تجدح نار كانو جاي ياخذ ثار ماعرف شنو خله على وجهي وفقدت الوعي...
الابهر:-جنت بالدوام وكلبي ضل يوجعني ماعرف ليش ضل تلفوني يرن شفته (رافت الحقير) رديت
رافت:-الحك مرتك ههههه
الابهر:-احس توازني اختل وجسمي ضل يرجف سديت الخط وركضت صاحلي المدير
المدير:-وين خيرك شعندك طالع بعده ماخلص دوامك
الابهر:-طززززززززز بكلشييييي تركته يحجي ويدردم وطلعت شغلت السياره وانطلقت للبيت ادك بالباب ماكو محد يرد خفت على الجهال والبنات كسرت الباب ودخلت شفت اميرتي وبنيتي ومرتي وحبي الاول وام بنيتي نايمه ع الارض ودم بكل مكان غركانه بالدم وماتتحرك كلت هاي هيه ماتت تخبلت وتسودنت اتصلت على شاهين ابجي
شاهين:-ولك شبيكككككك خبلتنييييي
الابهر:-الحك اخوك نكسررر ضهره راح سنده
شاهين:-جايكك جايككككك وينككك
الابهر:-بالبيت بالبيت
شاهين:-جنت جاي احاجي احد العمال بالشغل ودك تلفوني شفته (ضلعي ابو وتر) رديت عليه وسمعته يبجي وصوته يرجف تخبلت ومايقبل يحجي انطلقت بسيارتي وبسرعه وصلت دخلت للبيت وشفت ايفين نايمه وغركانه بالدم والابهر حاضنها ويبجي ويصيح راح تروح راحت مرتي دخلت اطمن شفت سيليا نايمه والجهال نايمين سيليا صارت تنام وماتحس على اي شي بسبب العلاج الي تاخذه اخذنه ايفين الي مخليه راسها بحضن الابهر الي دموعه ماسكتن ووجهه احمرر ومبين واصل اخر مراحل العصبيه
شفت سيليا تتصل سديت الخط واتصلت على امي
ام شاهين:-ها يمه
شاهين:-بدون ماتحسسين اي احد ترحين يم سيليا عندي شغله اكملها واسولفلج بيها
ام شاهين:-صار يبعد امك
شاهين:-سديت الخط منها واحس حتى صخنت من العصبيه وانه اسمع شهكات اخوي على حب حياته
الي بدون حركه وكأنو ميته جسد بدون روح
الابهر:-حقدت على ابوي لو الزمه يمكن اشرب من دمه ومايشفى دمي احس شي بداخلي مثل الوحش وطلع دخلت ايفين للعمليات وانه ادعي مابيها شي وتطلع بخير ولو الدكتور كال جمله لهسه تدك براسي (ماتوقع نكدر ننقذها خليكم جاهزين لاي شي) صرت ادعي ماتترك وتر وحدها ولا تتركني اضيع بدونها اضيعع خابرت سيليا اطمنت على وتر كالت وكلتها وجاي تلعب بالالعاب كعدت ع المصطبه الي تصير بالحديقه اشم هوه واحس روحي جاي اختنك بالزايد فتحت قميصي افرك صدري واكول بس يارب انته القادر على كل شيء انقذها ربي انقذهااا شسويتلهااا ابن الكلب شسوييييييت طلعت تلفوني وماسيطر الزمه بسبب ايديه الي يرجفن بشكل مو طبيعي
عيوني الي غوشن وكوه شفت اسم (رفت الحقير)
اتصلت عليه وكوه احجي تعبان واحس حتى صوتي راح رد عليه ويحجي بخبث ومكر
رافت:-ههههه مو كتلك اندمك باغلى شي
الابهر:-جاي احذرك اذا صار بيها شي..  سكتت كحيت ورجعت اكمل.. راح اندمك والقران وداعة بنتي وتر
سد الخط بوجهي واحس زدت مانقصت جسمي صار يرجف بشكل مو طبيعي كوه امشي كمت اتمشى اجاني شاهين يركض حضني يحاول يسندني وانه جسمي يرجف اكثر وكوه احجي صوتي احسه راح
شاهين:-ولك شبيككككك لاتسوييي هيجج بعمرك
الابهر:-سندي بالدنيا بين الحياة والموت ولك اضيع بدونها والخلقني وخلقها ولك عيونها الي ماعيش بدونهن مغمضات ويمكن ماينفتحن بعد ولك كلبي جاي يحترك شاهين.. سكتت ابجي واشهك رجعت اكمل وكلساع اسكت واكح..  شاهين ولله اضيع بدونها اضيعع احبها احبهااا مرتي هاي ام بنتي اول حب بحياتي ولك زلمه شطولني شعرضني بكلمه منها انسى كلشي احس بروحي طفل بس يمهاا بسسس يمهااااااا رافت اخذ كلشييي منييييي اخذ امي وهسه يريد ياخذ حبيبتي هسه يريد ياخذهااا
شاهين:-دمعت عيوني وانه اشوفه يحجي ويدك على صدره ووجهه الي غرك بالدموع وصار لونه احمر حسيت على ساعه راح ينجلط جبرته يدخل جوا يرتاح شوي كعد كدام غرفتها ومخلي راسه بين ايدينه ويبجي بحركه ويتمتم ماعرف شنو كانو جاي يقره ايات قرأنيه سكتت ضايج على حالنا خابرت خالة اسينات لان بتها هاي تخبلت صارت تصرخ وتبجي دقايق وكلهم اجو والمستشفى انترست ترس بالناس شفت سيليا تمشي على كيف ابتسمت لان شفتها شايله وتر بحضنها وشهم امي شايلته تمشي وهيه مكسوره تمشي ودموعها على خدها الي جاي يحركن كلبي حرك رحت يمها حضنتها وهيه زادت بالبجي مرت 5 ساعات وكلها واكفه والي منهار والي يشمت والي جسد بدون روح والي اقصده الابهر 5 ساعات لاشارب ولا ماكل ومايقبل وخاله اسينات بالغرفه كلساع تطيح علينا وعمي محمد كلساع يطيح اخر شي اجته جلطه نصفيه سيليا محتاره وين تروح والمن تجي احس عين وحسدتنا مايصير نفرح بدون مانحزن بدون مانضوج بدون مانبجي بعدين؟ ياربي الك بيها آراده بس ولله تعبنه ولله

راح تصحى ايفين بخير لو لا؟ 

منو اجه لـ مريم؟

راح اذكر الشخصيات المهمه فقط حتى ماتدوخون
الابهر. شاهين. سيليا. ايفين. مريم. مصطفى. ام شاهين. اسينات. محمد. رتاج. سليمه. ساره. رافت

وعذروني اذا اتاخر بالتنزيل بس ولله اجت المدرسه وراح يكون التنزيل اسبوعي يعني كل اسبوع بارت وماباقي شي وتخلص القصه.. 💙