ظلام الابهر

البارت الثامن عشر

وكيفَ تكفُّ الروحُ عَن الروح ،
والروحُ في الروح تُقيمُ .

asawer_Abdullah

ايفين:-كعدت الصبح وكبل سبحت ولفيت شالي وطلعت امشي بالممر اريد انزل وشفت سيليا طلعت من الغرفه ركضت لعندي وصرنا نمشي سوا نلزنا وشفنا رتاج وساره ينضفن ونور وفاطمه جايات وهم ينضفن اليوم حنة الولد ومانلحك نحك راسنه سليمه تشتغل بدون صوت وام شاهين وامي وكلها تشتغل والولد اعصاب ولا عبالك حنة مصطفى كلساع وصيح واحد منهم طلعت للحديقه الخلفيه رشيتها وجانو كلهم جوا بالديوان خلصتها وصارت نضيفه رتبت الكعده عدل ومسحت الطاوله ودخلت جوا وجانو الولد يجهزون الكراسي برا لان راح ينصبون الحنة بالشارع لان المعازيم هواي مو مال قاعه دخلت جوا واشوف وتر تبجي بحرگة كلب اخذتها اسكتها غسلتلها وبدلتلها ونومتها ورحت لشهم شفته كاعد ويبجي سكته ورجع نام نزلت ونكسر ضهرنا من الـ 7 الصبح لل 8 بليل احنه ننضف ونشتغل بدت الحفله مالت الولد وام شاهين وامي وسليمه يطبخون العشه
والبنات الباقيات الي تسوي زلاطه والي تسوي خضره وشربت وهيج صعدت على صوت البنات فوك كلهن صاعدات بالسطح يشوفون الولد شون يركصون چوبي صعدت يمهن بس حجابي على راسي وسيليا جوا تنضف والبنات ولا وحده لابسه شال ويركصن
شوي وسمعنه صوت شاهين يرعد ويصيح
شاهين:-الي ماتنزل من السطح اشعل يومهاااااا
ايفين:-نزلت ركض سويت روحي جاي انزل لغرفتي
شاهين:-فدوه ايفين صيحي لسيليا اريد ملابس
ايفين:-صار من عيوني نزلتت ادور سيليا لكيتها تسوي جاي خليتها تصعد واخذت شغلها  .. 
سيليا:-صعدت فوك ميته تعب غسلت وجهي ودخلت للغرفه انشف بي ها حبيبي شنو تريد من ملابس؟
شاهين:-اريد دشداشه وشماغ الفه على راسي
سيليا:-صار بعيوني رحت فتحت الكنتور وطلعت دشداشه لونها رصاصي وشماغ لونه اسود بدل ورش عطر ونزل والولد كلساع جاي ماي اخر شي صبو العشه وانه صعدت ارتاح لان ميته تعب اخذت وتر وصعدت ميته تعب نومتها وطلعت حذاء كعب ابيض وطلعت فستان وتر طويل وتصميم كلش حلو وحذاء لوتر وطلعت ملابس الابهر الي جانن بنطرون اسود وقميص اسود وحذاء اسود وستره جوزي وجهزت المكياج وكلشي علمود بس اخلص شغل باجر ادخل اجهز ماعندي شي  .. 
سيليا:-فرشت للكبار بالصاله والصغار وامهاتهم بالاستقبال والباقيين بالغرف والزلم كلهم بالديوان ونص الولد اجو لغرفهم ينامون وانه ضهري تكسر كلساع صاحني احد جاي ماي وماكو غيري كلها نامت بس ام شاهين وامي يسولفن وسليمه تسولف وياهن مادري شعجب اخر شي خلصت كلشي وكعدت امسح بالكاونتر ودخل غيث تعبان ضل يضحك على شكلي
غيث:-خاب مدكليلي شبيج عبالك جاي تشتغلين عماله ديلاا سوي جاي 15 استكان وخلي 15 كاسة ماي
سيليا:-كتله وصوتي رايح..  خوش سويتله واجه اخذه شوي وجاب الصينيه غسلت الستكاين والصينينه وطلعت للصاله شفت مصطفى دخل يدور على احد بس ماكو كلها نايمه رحتله  ..  ها مصطفى
مصطفى:-بعد اخوج ولله ادري تعبتي اريد 4 كهوه
سيليا:-صار من عيوني لا شسالفه تعبكم راحه دخلت للمطبخ وسويت كهوه ودخل شاهين شافني امشي محنيه راسي وامسح بالطباخ
شاهين:-بعصبيه شبيججج مدكليلييي دخلي جوا
سيليا:-كتله واريد ابجي والعباس جاي اسويلهم جاي وماي وكهوه متت تعب
شاهين:-دخلي جوا ماشوفين شصاير بحالج
سيليا:-تمام صعدت للغرفه دخلت سبحت وطلعت لبست دشداشه كصيره وشغلت السبلت وجهزت ملابس شاهين الي جانن بنطرون اسود وتشيرت اسود وحذاء ابيض وساعه ومناضر سوده وفستاني
وتمددت حتى انام لان ميته تعب كعدت على صوت شاهين يكعدني فزيت بسرعه كمت غسلت وغسلت لشهومي وياي وسبحت وبدلت دشداشه طويله مرتبه  لفيت حجابي بترتيب ونزلت شفت ايفين تنضف وبتها تبجي كتلها روحي اخذي بتج وانه انضف بدالج رفضت خليت شهم يم امي ووتر يم امي هم واحنه ننضف ونشتغل وميتين تعب منا لحد ماصارت ب 1 دخلت للغرفه سبحت وغسلت وجهي عدل ورطبت وكعدت اخلي مكياج كملت مكياجي
الي جان سموگي على ترابي كلش حلو طلع
ايفين:-سويت مكياج وردي خفيف ولبست فستاني
كملت واخذت وتر الي جان فستانها يشبهه فستاني بس كصير وحذاء ترانشوز لان متكدر على الكعب نزلت جوا وجان هوسه اكو مخلصين واكو لا نزلت سيليا وصعدنه انه وياها ويا غيث و فاطمه ونور
وطول الزفه اغاني واجواء تجنن كلش حلوه وصلنه للقاعه وركص وهمه ركصو وجان ركصهم يخبل حرفياً كملو وورا نص ساعه طلعنه متوجهين للفندق دخلناهم للغرفه ورجعنه متوجهين للبيت ..
مريم:-كعدت ثاني يوم رحت لبيتنه جهزت ملابسي وبدلت وجانن ملابس رسميه لونهن ابيض وحجاب وجنطه وحذاء كعب اسود وطلعنه متوجهين للناصريه رحنه لبيت خالي جبر اول شي مصطفى ماقبل بس من حجه ويا ابوي وافق منحرج صارت الحنه مالت مصطفى وانه اشوف جماله وفرحته وادعي احبه ونعيش حياتنه بهدوء وسعادة خلص اليوم بين التجهيز وبين العنايه والتنضيف ونمت تعبانه واحس ضهري متكسر عليه من كد ماطلعت وفتريت ثاني يوم رحت للصالون من 7 الصبح تريگت وطلعت وجنت انه وحدي ماقبلت احد يجي وياي بس أصرت تجي ملاك بت خالي كملت مكياجي الي جان يجنن وحرفيا تعجبت من شفت نفسي ولا عبالك انه متغيره خلصت ولبست فستاني ..
خلصت واجه مصطفى علمود نروح للقاعه والتوتر احسه يمشي بعروگي طول الطريق لازم ايدي وكلساع يبوسها وانه اضحك احاول انسى او اتناسى توتري وصلنا للقاعه وماشاءالله جمال الحفله كلش حلوه وللحضه نسيت انو انه العروس ركصت ويا البنات هواي وركصنه انه ومصطفى وكلساع يتغزل بأذني وانه اطيح من الخجل وهوا يضحك ويصيح باع وجها باع صار احمر العوبه خلصنا وطلعنا للزفه زفونا بالفندق وطلعو طلع هوه يجيب عشه دخلت اشوف الغرفه جانت حرفياً مو غرفه سويت يعني غرفه ومطبخ وبيها صاله صغيره دخلت بدلت ملابسي ولبست ملابس نوم مرتبه وفتحت التسريحه وغسلت المكياج كله ورحت اشرب ماي لان عطشت ونفتحت الباب دخل يضحك  .. 
مصطفى:-لاتنزعين البدله خلي اشوفج بيها
مريم:-طلعت وانه لازمه بطل الماي بيدي وهوه مصدوم اتلاشت ابتسامته من شافني بدون مكياج وبهيج ملابس خله الاكل على الميز وسد الباب
مصطفى:-عابتلج عود ردت اسوي حركات الهنود افتحلج انه الفستان ونوب شسمه
مريم:-شسمه حگ راسه وكال..
مصطفى:-هيج انسي شسمه اتعشى بيج لو جوعانه؟
مريم:-مصطفى والعباس اطلع من الغرفه ترا سوالف السرسريه اتركهن
مصطفى:-عيوناتي ماكدر اتركهن انه سرسري من زمان
مريم:-باوعتله وخازرته بنفس الوقت دخل يضحك اكلنه وكملنه شلت الماعين ونضفت ورحت غسلت ورجعت شربت ماي لان يخفف التوتر وبدأ الخوف
مصطفى:-ميمي وين صرتي
مريم:-دخلت للغرفه لكيت ضوا احمر وشموع ونفاخ واجواء تجنن  ..  ها مصطفى
مصطفى:-بلله هاي شنو على راسج
مريم:-خليت ايدي على راسي ادور وين ماكو شي برمشة عين صار بصفي ايديه على راسي وهوا ايدينه لازمات خصري وانه احس الخوف والرجفه سيطرن عليه ودخت كعدت على القنفه وهوا كدامي
جابلي ماي وشربت وخف التوتر شوي ضل يسولف وياي يحاول يخفف توتري وكلساع ضحك يكول
مصطفى؛-وين القويه والشرسه شو صرتي بزونه يمي
مريم:-ضربته على فخذه على كيف انجب مادري جنيت على نفسي صار راسي على القنفه وايديه على صدره وبدأت ليلتنا همس بأذني  .. 
مصطفى:-وهسه صرتي ملك الي احبج يا احلى ملك
مريم:-احبك اكثر
مصطفى:-شنو كلتي؟
مريم:-احبك كلساع وكال رجعي عوديها وصرنا نخطط لمستقبلنا ولجهالنا ورا شكد يالله غفينه كعدنه الصبح وبدلت لبست فستان بيجي كلش مرتب ولزم بأيدي وطلعنا طول الطريق متوتره شون راح يشوفوني وهوه يضحك عليه دخلنا وكلها تسلم علينا وتبارك النه ورا شوي صعدت للغرفه مالتي جانت كلش حلوه بدلت ملابسي وكعدت ع الجربايه شوي ارتاح شوي ودخل مصطفى باوعلي نضره طفوليه  .. 
والعباس تعبانه ومابيه حيل وهم متأذيه
مصطفى:-مأذيج مره ثانيه هسه ولله
مريم:- ورا شوي دخلت اسبح وطلعت نمت ومرت الايام هيج بدون اي احداث ومر شهر ونص على زواجي من مصطفى بيوم واكفه اسوي الزلاطه وسيليا وايفين واكفات ع طباخ طبعاً سيليا وايفين رجعن للبيت لان مايقبلن يضلن وحدهن وهنه عدهم جهال ف اجو هنا يمي وانه كلش احب شهم ووتر حسيت بلعبان نفس قوي حاولت الزم نفسي وماكدرت ركضت ع التواليت وتقيأت وايفين تدك ع ضهري وسيليا تسألني شبيج شنو اكلتي  ..  مبيه
ايفين:-خاف حامل؟
مريم:-لا مو حامل
ايفين:-يجوز شبيج
مريم:-احم لا يابه مو حامل قبل شسمه كم يوم جانت نازله يعني ماكو
سيليا:-يلا خيرها بغيرها
مريم:-اي ابتسمتلها ومرت الايام وماكو اي شي جديد حرفياً الايام ملل وشغل وتتضيف وبليل مصطفى يدلعني بانواع الغزل والكلام ودوم يحرجني ويحب يشوفني من اخجل واصير حمره وانه اضوج بيوم جنت جاي اغسل الطارمه ورافعه دشداشتي لان الولد كلهم ببغداد ف مستحيل احد يجي والي يجي يدك الباب والشال مالتي ع الحبل دايره وجهي واغسل واغني بأغنيه لازكه براسي  .. 
يعاملني بطيبه واحساس..
يدلعني قدام الناس..
بيعرف اني رومنسيه..
بيلعب على الوتر الحساس..
بيذوب روحي يذوبني..
ماحس الا صوت احد يهمس بغزل بس مامفهوم درت وجهي واشوف انور ابن عم مصطفى انحرجت كلش واستحيت نزلت الدشداشه واخذت الشال دنكت حتى اغطي رجليه شفته عيونه على صدري بسرعه خليت الشال على راسي وركبتي وخزرته
انور:-هنيال مصطفى ولله انه اكول ليش مايطلع
مريم:-احترم نفسك عيب عليك
انور:-بس شو ماكو اثر لو شي معقوله كل هلكيمر ومايسوي اثر لو ماينام وياج؟
مريم:-نرفزني كلش من حجه بهلطريقه ركعته راشدي ودخلت مذعوره وخايفه تلكني البنات وحجيتلهن
سيليا:-اصلا هاذ فد حقير وسرسري ولله
ايفين:-ايعع ماعرف شنو يحس
مريم:-حبابات لاتكولن لمصطفى ولله يطيح حضي انه مادري بالباب ينفتح هيج جان مالبست هيج
ايفين:-مانحجي ولله
مريم:-دخلت لغرفتي اسبح لان متت تعب. وطلعت امشط ومرن الايام من اخابر مصطفى يحجي بثكل لو بسرعه يعصب ماعرف شبي ورا يومين رجع وانه جنت بالمطبخ اسوي مرگه لحم وباميه هلا حبيبي
مصطفى:-تعاي وراي للغرفه
مريم:-استغربت منه حتى مارد عليه.. تمام بس خلي اكمل المركه واجي
مصطفى:-صريت على سنوني كتلج تعاي هسه
مريم:-أشرت لسيليا تضل يم المركه لاتحترك وصعدت اتراجف ميته خوف شبي يحجي هيج ولا مره حاجي وياي هيج او بهاي الطريقه دخلت للغرفه وسديت الباب صرخ بصوت فززني ودمعن عيوني اخاف من الصوت العالي..
مصطفى:-شفتيني ماموجود بالبيت وضليتي تلعبين براحتج وطلعين وطبين مو؟ 
مريم:-ضليت ساكته اشهك اجه لزمني من زنودي واحس اصابيعه زرفن زنودي ضليت ابجي بالزايد واشهك وهوا يصيح عليه اجت عيونه بعيوني نزلتهن بسرعه حجيت ومن بين كل حرف شهكه.. ماسويت شي ولا طلعت لمكان والل...
مصطفى:-اكلي تبن وانجبي فاهمهههههه
مريم:-ركعني بالكنتور وانه مثل السعفه ارجف
مصطفى:-يعني ماشالله نبي انه مو لو جذااااب؟؟؟؟ منينن دريت قابل عندي جاسوس هناااا؟؟؟
مريم:-شهكت والعباس ماطلعت مكان .. ركعني راشدي احس ركعني بالكلبي مو بخدي اصابيع ايده نطبعن بخدي وانه ارجف وماكدر احجي يسكتني صار يفتر بالغرفه ويصيح وانه كاعده على طرف الجربايه ارجف وابجي ماريد احجي علمود لايأذيني جنت ناويه بعد يومين اعترفله بعيد ميلاده انو احبه بس خرب كلشي خرب كلشييي بتصرفهه هاذ ركع الكنتور برجله وخزرني وطلع بدون مايفهم ولا يفهمني شبي قفلت الباب وضليت ابجي واشهك لحد ماغفيت وانه راسي منكع ولا نشفته ولاشي ولابسه كيمونه وشورت حتى مابدلت فزيت واحس راسي ناررر تشتعل بي وكلبي ناره اكثر قهر وحزن وخيبة امل شفت الغرفه ضلمه وجسمي نار وانه مجمده تعاجزت اكوم اطفي احس جسمي يوجعني احس عبالك واحد مكسرني تكسر ماعرف شون ويمته رجعت غفيت وفزيت على ايد بخدي فزيت ومالكيت احد اخترعت ومتت خوف بس من درت وجهي وشفته كاعد على القنفه سكتت كمت دخلت للحمام غسلت وجهي بماي بارد واحس مثل الثلج وخليته على النار اشتعل جسمي بالزايد صرت ابجي من الخوف والألم الي بجسمي وجسمي صار يرجف بشكل مخيف صرخت بأسمه استنقذ بي اجاني يركض خايف مقهور ومعصب!!!!  على شنو ماعرف شالني يريد ياخذني للجربايه وانه محاوطه ركبته بقوة خايفه اخاف من الموت والمرض بحياتي ماصار بيه الي هسه جاي يصير من اتمرض اشرب حبوب ويروح لو فلاونزه خفيفه بس مو هيج نومني على الجربايه وجاب كمادات وضل يخلي على راسي للساعه ب 2 يخلي كمادات وهم ماكو نتيجه  .. 
سيليا:-كملت شغلي ودخلت للغرفه انام سمعت صوت صايح فوك ردت اصعد اطمن بس شهم صار يبجي بحرگة كلب اخذته سكته ونومته صعدت فوك شفت مصطفى نازل..  مصطفى وين مريم خلي تنزل تتغدا
مصطفى:-نايمه تركيها
سيليا:-تركتها ونزلت وكلبي مامطمن كملنا غدا ودخلت للغرفه انام لكيت شاهين اجه يبوسني ويحضني واخذ الي يريده وشوي غزل وبوسني وراح سبح ونام لان تعبان وانه سبحت وكعدت اتذكر كل تفاصيل حياتي كلشي يخص حياتي انتبهت على الساعه ب 4 ونص كعدت شاهين وطلع ويا الولد وانه طلعت يم ايفين ومريم هم ماكو صعدنه شفناها نايمه ونزلنه سوينه عشه وغسلنه المواعين ودخلت انام لان ميته تعب بطني ضلت تلويني بشكل مو طبيعي بس من النعاس ماحسيت ونمت فزيت على صوت الباب يندك شفت شاهين بصفي نايم هاي شوكت رجع وشوكت نام كمت خليت الشال على راسي وفتحت الباب بين النايمه وبين الكاعده مصطفى مذعور ويحجي بخوف وتوتر سديت الباب بوجهه وركصت لبست دشداشه طويله وطلعت وحجابي مالفيته عدل دخلت للغرفه شفت مريم حرارتها نااااار طفيت السبلت والبنكه وحرارتها تزيد ماتقل نزلت ركض سويتلها شوربه حتى تخف وهم ماكو صارت الساعه ب 3 نزلت كعدت شاهين كعد مخترع كتله مريم مريضه بسرعه صعد فوك طلعنا ومصطفى ماعرف شنو يحجي بس يمكن يلوم نفسه ماعرف شصار وليش يلوم نفسه ولا اريد اعرف بس اريد سلامة مريم طرنا بيها للمستشفى طلع بيها فقر دم حاد!!!!وقلب بسبب الضغط والقهر الي جاي تتعرضله ومتعرضه لصدمه قويه لدرجه هيج يصير بيها انطوها علاج ورجعنه وانه احاول اخلي مصطفى يحجي شصاير وهوا مايقبل يحجي.. ولله ازعل
مصطفى:-بابه ماكو شي شبيجج
سيليا:-مصطفى احجي شبيهاااا مريمممم
من شافني عصبت حجه وصار يتلعثم بالحجي
مصطفى:-شسمه من جنه ببغداد اتصلت عليه مرت عمي سليمه وكالت مرتك تطلع وتطب وحدها وماتكول لاحد وطلعت للحديقه اريد اسقي الزرع وشفتها واكفه هيه وانور ولازم ايدها من شافوني وخرو وهوا طلع بسرعه حسيت نار صعدت لراسي بس رجعت مافتهمت منها كبل اخذتها حاصل فاصل اصيح ومعصب عليها وحتى مديت ايدي عليها وهيه ترجف ومانتبهت عليها ابد لحد ماطلعت شربت جكاير وهديت يالله رتاحيت ووعيت على السويته
سيليا:-بس اسئلك سؤال واحد
مصطفى:-سئلي
سيليا:-تتوقع مريم تخونك؟
مصطفى:-لا
سيليا:-لعد ليش تسوي هيج بيها وبعدين هيه جانت تغسل الطارمه ولبسها مو عدل سترت نفسها من شافت انور وراها وصار يتغزل بيها وهيه خافت واجت وكالت لاتحجون بس الضاهر سليمه تحب العرايك بس خلي ارجع اذا ماكلها وين اليوجعج دليني وانته غلط من راسك لرجليك ومريم اذا ماتسامحك كلش حقهااا كلششش ومريم هيه الصح وانته الغلط فاهمم اكبر غلط تسوي تمد ايدك عليهااا
وهيه جانت تخطط شون تكلك احبك وكلساع تكلنه على خطه وتالي انته هيج تضربهاا وتسوي بيهااا
بسببك ماضل مرض ماصار بيهااا ياحقيررر
مصطفى:-دنكت راسي خجلان ومستحي
سيليا:-تريد تطلع رجولتك من تضرب مرتك عبالك اذا تضربها يعني انته زلمه مووو؟؟؟ لاحبيبي الي يضرب مره ذرة رجوله ماعنده خوش لو مو خوش  تركته ومشيت حرك دمي الحقيررر كل هاذ صاير واحنه ماندري يابعد عيني مريم شون تحملتي شونن اجاني شاهين يضحك بوجهي وانه معصبه صدمني من كال ...  يــتــبــع ❤!
     ~~~~~~~~~~~~~~~~~~~~~~~~
                  شنو رائيكم بهاذ البارت؟ 
           رائيكم يهمني انه والابطال هواي .

البارت الثامن عشر .

بقلمي      asawer_Abdullah .

                   نحبكم هواي ❤❤.