ظلام الابهر

الـبـارت الـسـادس عشـر

ملاحظه ؛البارت يحتوي على مشاهد غير ملائمه لـ بعض المشاهدين  ...

ضلام الابهر .
البارت السادس عشر .
بقلمي اساور عبدلله .
ٱيفين؛اجت يمي سيليا ومر وقت طويل حيل صارت دنيا ليل والابهر ماكو .. سيسي اتصلي ع الابهر شوفي وين
سيليا؛تمام .. شو مايرد مغلق؟
ٱيفين؛گلبي ضل يوجعني بس لابي شي؟
سيليا؛يمعوده كولي يالله
ٱيفين؛سيليا شسوي شلون حبابه وعلي گلبي ضل وجعني حاسه بي شي
سيليا؛بابه ستهدي ب الرحمان ماكوشي خلي اكوم اشوف دكتورج شنو يكول واجي لاتتحركين خوش؟
ٱيفين؛تمام .. راحت نص ساعه وهيه ماكو يابو فاضل نخيتك رجعلي عيوني بس خلي اشوف الابهر بخير وخلي اعمى طول عمري ..
ٱيفين تكول وانه بلاشوفتك شينفعن عيوني ..
لزمت ب سرير ومشيت ماعرف وين بس مشيت حسيت نفسي طلعت برا اجاني هوه قوي بارد كلشي يهون لعيونه كلشي يهون مشيت ماعرف لوين حسيت بماي جاي ينزل عليه كلت اكيد مطرت سجدت ياربي ياربي خليني ارجع اشوف بس لخاطر الابهر ولله ماريد شي بس اريد اشوفه يا الهي يا كافل الايتام رجعلي نضري يابوفاضل ماترد احد لاتردني خايبه رجعلي نضري ياربي .. ضليت ابجي واشهك وادعي من گل كلبي يرجعلي النظر بس علمود اشوف الابهر وين شوي وعيوني بدت تغوش والعباس ابو فاضل عيوني غوشت راح الضلام شوي شوي وضحت عندي الصوره صرت اشوف !!!!! گزبر جلدي من الموقف ياربي مارديتني خايبه اشكرك يابو فاضل ماخيبت ضني وانطيتني الي اريده ضليت اسجد وابجي واشكر بأهل البيت ورب العالمين الي يشوفني يكول مخبله بس انه قشعرت من الموقف الي صار بيني وبين رب العالمين شون لطف بحالي تذكرت ٱيه قرأنيه تكول ..
               ((فإنك بأعيننا))
اجت سيليا تركض تريد تشوفني وين اختفيت ركضتله حضنتها وابجي
سيليا؛مصدومه من الموقف الي صار سيليا ساجده تبجي ركضت الها اجت الي تركض وتبجي حضنتني تشهك ماردني خايبه .. منو منو  ولج ايفين منو ؟؟
ٱيفين؛ابو فاضل ورب العالمين طلبت منهم يرجعلي النظر سيليا لو تشوفين الموقف مطرت الدنيا وصار رعيد عبالك جاي يكلي لاتخافين انه موجود سيليا ماعرف شحجي ولله العضيم
سيليا؛گزبر جلدي من الموقف والي حجته ٱيفين وخرت من حضني تشهك وتمسح بدموعها الي اختلطن ويا قطرات المطر .. ها وين رايحه؟؟؟
ٱيفين؛اله الههه رايحهه
سيليا؛انتي مخبله هسه يجيج شبيج
ٱيفين؛ما انتظره يجيني .. عدلت حجابي وملابسي وركضت من المستشفى اسئل الكل مثل المخبله حسيت روحي راحت ليش مارجع وهوه وعدني راح يرجع
ضليت ادور عليه تعبت حيل من الـ 8 بليل لل 3 ادور عليه ومالگيته ومأيست
ضليت ادور وانطيت خبر للكل يدور
وكلها ضلت تدور عليه كعدت ب الكاع ابجي ياربي ياربي انطيني اشاره اريد اعرف وين ياربي دليني ع طريق الصح
كمت مشيت للبيت خايبه الضن  .. بنص الطريق شخص ملثم سحبني وحضني
الابهر؛مشتاقلج وحق گل دگه گلبي يدكها من يشوفج مشتاقلج هواييي هواييي
اخيراً رجعتي تشوفين اخيراً
ٱيفين؛هوه حاضني ويحجي وانه بس ابجي .. وين جنت دورت عليك هواي
الابهر؛راح ارجع اختفي باعي خليني ببالج ماطول ابقي انتضريني ولله ماطول وعد مني الج بس ارجع اسويلج احسن واحلى عرس وطز بكلشي بس لاتبجين عندي حساب ويا واحد اصفي واجيلج ٱيفينه احبج هواي
ٱيفين؛انه هم احبك هواي احبك .. لاول مره ابوسه انه تقدمت بسته وهوا بادلني 10 دقايق وحضني وباسني وراح .. رجعت للبيت فرحانه لان شفته وخايفه عليه يارب رجعه الي بسلامه يارب يرجع بسلامه دخلت للبيت وكلها مصدومه يردون يعرفون شون رجعلي النظر قررت اسكت وكلت لسيليا تسكت كتلهم معجزه وهاي هيه عفتهم وصعدت الغرفتي لازمه شفايفي ومبتسمه بس ابجي گلبي يوجعني ماعرف ليش احس راح يصير شي ياربي ياربي مثل ماخليتني احبه ويحبني خلينه ننجمع مره ثانيه ..
الابهر؛ضليت اتعذب ساعات وانه ساكت .. اطلب منك طلب قسَم
قسَم؛تفضل
الابهر؛بس خلي اودعها واجي شتسوي بيه سوي بروح ابوك
قسَم؛خوش وترا رجعلها النظر
الابهر؛احس صاعقه واجت لعقلي شلون شلون رجعلها النظر گلي منا لل 4 الفجر اذا مارجعت اجيب ٱيفين بدالك خرب حضي عرف نقطة ضعفي رحت ادور عليها بكل مكان حتى للبيت رحت وكعدو يسئلون كتلهم ايفين وين كالو ماكو تلثمت حتى جماعة قسَم مايعرفون بيتنه طلعت من البيت جاي امشي وشفتها تمشي وتبجي حضنتها وودعتها واحس اخر مره اشوفها ووعدتها ارجع وجنت ناوي انتقم من قسَم انتقام بس الله الي يعلم بي .. رجعت لقسَم والساعه ب 5 بس دخلت تلگاني
قسَم؛شو جنك تأخرت بس لا مالكيتها
الابهر:مدخلك
قسَم؛سوي زين وذب ب الشط شبيك بويه؟؟ فوكاها كبر اي ولله
الابهر؛رحت تكامشت ويا وحرامات تحاصرت من كل مكان لزموني علگوني ب سنسله وضهري صار ازرك من الگدمات والضرب بالحزام ومتسمر يضرب جان اكو كدامي مرايه وورايه مرايه ف اشوف كلشي يصير وراي وكدامي حسيت طاقتي خلصت بروح ابوك اتركني بغلاة شكو شخص اتركني
قسَم؛انههه مجرد يكلولي وانفذ معليه
رافت؛اتركه اتركه
الابهر؛زين انه شنو ذنبي اذا انه ماعرف بيك شنو ذنبييييي ذنبي انو انتركت ؟؟؟؟؟ ذنبي انو انتركت بالميتم من جان عمري 9 سنين وورا ثلث سنين يالله اجه خالي وطلعني شنوووو ذنبييي غير انهههه ابنك المفروض تدور عليههه حتى تنطيني لحنان تعيش وياي اخر ايامك بسعاده مو تأذيني باكثر ناس احبهم ليش هيج خبيث انتتتت ليششش
رافت؛امي جابتني خبيث شسوي
الابهر؛خبيثثث بس مو وياااا ابنككك
رافت:ولله انه ماعندي شي اسمه ابني وخالي وجدي وعمي الي اريده اسوي
الابهر؛ولله انتتت مو صاحييي مريضضض مريض انتههههههه
رافت؛هههههههههههههه مدخلك لك
الابهر؛ركعني بوكسي ويصيح احح واخخ حسيته سادي يستلذ بتعذيبي ..
رافت؛شسوي بيكك شسويييي اريد ارتاححح اريد ارتاحححح
الابهر؛هههه شتسوي سوي عسما تحرگني
رافت؛خوش لعد راح احرگ روحك مو بس احرگك شباب جيبوهاااا
الابهر؛اسمعنييي ايفين معليهااااا يابه شبيكككك معليهااااا معليهااااا مخبل انتههههه هيهههه شكو ب الموضووع؟؟؟
رافت؛ههه كلت يابه؟
الابهر؛يمعود رحمه لدينك اذا عندك دين عوف ايفين هيه مدخلها بأي شي حسابك وياي مو ويا ٱيفين
رافت؛عاجبني اخذ روحها كدامك
الابهر؛اسمعني اذا عفتها شتريد انطيك بس اتركهااا اتركهاااا مدخلهااا مدخلهاااا
رافت؛ماريد اي شي اريد أذيك
الابهر؛ضليت اتوسل بي ولاكن لاحياة لمن تنادي شوي وسمعت صريخ ٱيفين احس صريخها يچوي بگلبي
ٱيفين؛ولله العضيم اذا عرف الابهر راح يطيح حضكمممممم جلااااااب تركونيي
الابهر؛دخلت وصرنه عين بعين ضلت ساكته نزلت دمعتها وحجت حجايه وحدها ودارت وجها
ٱيفين؛كرهتك
الابهر؛ٱيفين سمعينييي مو مثل ما انتي مفكرههه انه مدخلني ولله العضيم
ٱيفين؛هاي ثاني مره اتأذه بسبككك ثاني مرههههه
الابهر؛وحق ابو فاضل ماردت يصير هيج
ٱيفين؛لاتحلف لاتحلف جذااااااب جذاب
الابهر؛طلع قسَم يضحك وطلع وراه رافت يسولفون ب الباب وهيه رابطينها بگرسي وانه رابطيني بس تكدر تشوفني واشوفها واحجي وياها .. تدرين روحي بيج شون تفكرين أذيج؟؟
ٱيفين؛بس أذيتني
الابهر؛مـا أذيتج ولله
ٱيفين؛هاي الجرح الثاني يگلبي وبعدك تريده ..
الابهر؛ٱيفين سمعيني .. سولفت الها كلشي لحد ما دخلت
ٱيفين؛بجيت بحرگه .. ليش ليششش شنو يريدد من عدنههه شنو يريدد
الابهر؛مادريي ولله مادرييي يريد يأذيني
ٱيفين؛شنو من أب شنوووووو
رافت؛هسه اوريج شنو من اب
ٱيفين؛لاتقربلي لاتقرب
رافت؛تقربت منها ولزمت شعرها
الابهر؛اتركهاااا لا اسمط جدك اتركهااااا
رافت؛شنو هاذ الشعر الحلو
ٱيفين؛احاول اتحرك حتى مايلزمني ماكو مربطيني عبالك چلب الجلاب
رافت؛ها ها ها لاتغلطين انتي حلوه ليش تموتين وتالي گبل لجهنم ع الاقل نستفاد منج ونوب موتي براحتج
الابهر؛اذا لمست شعره منها وحق ابو فاضل اندمك بگد شعر راسك
رافت؛لاعليك الله دروح بابه روح
الابهر؛اتركها وشتريد تسوي سوي بيه
رافت؛ندري بيك تحبهاا بس مو لهلدرجه
الابهر؛اموت عليها بغلاة امي اتركهاا اذا جنت تحب امي قبل اتركهاا حبابب معليهااا ولله معليهااا اتركها
رافت؛بشرط واحد اتركها وهسه هم
الابهر؛شنو شنووو
رافت؛اتركها منا تنفصل عنها منا
الابهر؛باوعتلي ٱيفين عيونها المتروسه دموع متوسله انفذ الي طلبه وانه احس طگني سجين بگلبي .. تمام راح اتركها
ٱيفين؛نزلت دمعتي ودنكت من بعد ذاك الحب راح نترك وواحد يحب الثاني
الابهر؛اتركها راح اروح وياها وانت تعال ننفصل من الشيخ وهاي هيه كلمن يشوف حياته .. طلعنه للشيخ واحس كلمات الشيخ يغرسن بگلبي لحد ماوصل
الشيخ؛هل انت موافق على الطلاق؟
الابهر؛ نعم موافق .. نزلت دمعتي ومسحتها والله اندمك يا رافت
الشيخ؛هل انتِ موافقه على الطلاق؟
ٱيفين؛حجيت وصوتي گوه يطلع .. نعم موافقه احس روحي طلعت اختنكت
الشيخ؛هاي هيه اولادي الان انتم احرار
الابهر؛طلعنه وٱيفين عيونها بعيوني .. الله يوفقج شوفي حياتج مافيدج انه .. دنگت ومشيت امسح بدموعي الي احسهن نار ع خدي ..
ٱيفين؛تركني وراح اباوعله شون يمشي حاني ضهره رحت للبيت بلغتهم بطلاقنه وكلها تتسائل وين جنتي ليش تطلقتو وينه هوه جاوبت بكلمه وحده مادري
سيليا؛شبيججج شبيججج شنووو ماتدرين شنوووو ليش تطلقتووو
ٱيفين؛هه مطلقه بعمر الـ 17 هههه
سيليا؛لاتسوين بنفسج هيججج
ٱيفين؛عفتهم وصعدت الغرفتي الي صارت ملجئي الوحيد من احتاج حضنه من احتاج حنيته من احتاجه واحتاج صوته صرت كل يوم ابجي واحضن المخده يالله انام دخلت بـ اكتئاب حاد بسبب فراگنه لمدة شهر ما اطلع من الغرفه الاكل گوه اكل الماي احسه نار بداخلي الغرفه شكد بارده وشكد داخلي نار ماتبرد شصار بي عايش ميت .. كل هاي الاسئله براسي لو من اشتاگله احس روحي تريد تطلع ضليت التجئ للصلاة والقرأن عسى ولعل ننجمع مره ثانيه هواي صرت اشتاقله .. أذن الفجر كمت اصلي حسيت گلبي يوجعني اكثر من كل مره دعيت الله يحفضه من أي شر وسجدت ابجي شلت السجادة دخلت سيليا عليه حضنتها ابجي .. مشتاقتلهه
سيليا؛اهخخخ.. بس لو تكليلي شبيكم
ٱيفين:حضنتها ابجي واشهگ مشتاقتله سيليا مشتاقه لعطره لصوته لعصبيته لحنيته لكلشي مشتاقه مشتاقتلهه هواي
سيليا؛شبيدي عليج يابعد عيوني
ٱيفين؛شلون عايش شجاي ياكل مادري مادري بأي شي مادري سيليا جاي اموتتت جاي اموتتت والعباس ابو الفضل جاي اموت احس روحي تتكطع
سيليا؛احجيلي ايفين احجيلي حتى اكدر اساعدكم حبابه احجيلي
ٱيفين؛هه متكدرين .. حجيت وانه اشهك كلشي هل راح تكدرين تساعديني؟
سيليا؛اخخ اخخ شصايرر هايي ليش ماحجيتي من زمان جان ساعدو الولد
ٱيفين؛جنت اتكطع يوميه واكول تهون تهون ليمتهههه ليمتهههه تريد تهوننن ليمتهههههه ماجاي اكدرر انسى ماجااييي صوتههه شكلهه عيونهه التعبانه حضنه حنيته كلشي كلشييي براسيي مايقبل يطلعع احس جاي تطلع روحي ع البطيئ
سيليا؛حضنتها يابعد عيوني انتي ولله العضيم راح اسوي كلشي اكدر عليه ..

اسفه كلش البارحه مانشرت جنت طالعه وعندي ضروف ف انشالله انزل بارت تعويض من يصير عندي مجال

هواي يسئلون يمته تخلص القصه
ولله مادري يا حبايبي بس يمكن
اكثر من 30 ويمكن اقل الله أعلم