ظلام الابهر

البارت السابع

سيليا-يومي صار اشبهه ب الحلم الوردي
كعدت ع صوت شاهين يصيح الريوك جاهز حبيبي كمت دخلت سبحت بسرعه جسمي متكسر وطلعت لابسه كيمونه وشورت قصير كلش تريكنه وغسلت المواعين وضلينه نسولف بعدين اتصلو عليه راح للشغل كمت نضفت البيت وسبحت شفتها ب 4 العصر اتصلت ع شاهين الو اكلك عمري راح اروح بيت جدي اي اي يم البنات ولله تمام بيباي ...
لبست صايه لونها زيتوني وحجاب ابيض ومكياج خفيف وطلعت واكفه ب الباب انتضر اياد يجيني ماجنت متخيله هاذ كله ماجنت متخيله اتزوج بس اجي هنا اتزوج شخص يحبني قطع صوت تفكيري هورن احس أذاني نزرفت باوعتله خازرته شفته سلمان ضليت ارجف نزل من السياره ويا ثنين ولد رشو ماعرف شنو بوجهي وغوشن عيوني ماحسيت ع شي ...

ٱيفين-كعدت ع صوت امي تكعدني
اسينات-يلا كومي صارلج يوم ونص نايمه
ٱيفين-كمت امط بجسمي شفت الابهر مراسلني شكد ... يعنيي حلم؟ ماشافونه انه والابهر رديت هلو
الابهر-يابه صباح النور شنو ميته عدله
ٱيفين-ابتسمت ع رسالته يلا راح انزل
الابهر-براحتج بويه
ٱيفين-غيرت ملابسي وغسلت وجهي ومشطت مابيه حيل اسبح وخليت حجاب كلاوات علمود امي ماتحجي ونزلت ... صباح الخير
ام شاهين-بأبتسامه يا صباح يمه عصر هسه
ٱيفين-هاا
اسينات-خابرتني سيليا كالت ب 4 انه يمكم وهسه ب 4 ونص وماكو كلبي يلعب خايفه
ام شاهين-كولي يالله حبيبة
الابهر-نزلت كاشخ ومرتب ... سلام
ام شاهين-يمه مر على بيت شاهين شوف مرته موجوده ؟
الابهر-اي انشالله
ٱيفين-خلروح وياك
الابهر-امشي
ٱيفين-كمت ع سريع لبست صايه وخليت حجابي سويته كلاوات رزلني الابهر عدلته ومشينه يسولف وانه بصفه
الابهر-اي حلمج يضحك ولله
ٱيفين-اي ولله كأنو انته كتلي احبج ... تلاشت ابتسامته ماعرف ليش سكت يدخن وصلنه لبيت سيليا دكينه الباب ماكو اتصلت عليها هم ماكو ضلينه واكفين ميته خوف ع اختي اتصل الابهر  على شاهين وشاهين تخبل يغلط ويسب على اياد سد الاتصال ...
الابهر-امشي اوصلج للبيت هاذ مخبل
ٱيفين-بدموع ... ما مااا اخذنييي اريد اختي
الابهر-يابه شبيج هسه نروح نشوفها وين قابل طايره مثلا امشي خلي اوصلج للبيت
ٱيفين-حباب حباب اخذنييي اختي وينن
الابهر-صريت ع سنوني متصنع الهدوء عكس الغضب الي بداخلي كتلج امشي للبيت
ٱيفين-بغلاتي اخذني بغلاتي فدوهه
الابهر-استغفرت ... حلفتني باغلى شي امشي
ٱيفين-مشينه للبيت اخذ سويجه وكلها ع وجها علامة الاستفام ركضت ورا صعدت ب سياره وركعت الباب حيل باوعلي خازرني
مشينه ندور صارت دنيا ليل وهم ماكو
شاهين-وحق العباس اذا طلعت شارده لو رايحه لسلمان اخليها تتمنى الموت اخليها تشوف ملك الموت وماتموت الكح... الحقيره
الابهر-تحبهه؟
شاهين-روحيي رايحههه ولك ولله العضيم ميت عليهاا احبهاا واعشگهاا مو بس احبهاا
ٱيفين-واكفه ابجي وعيوني غوشت ماضليت اشوف غير غواش وصوت من بعيد يصيح ايفين ايفين ردي ردي صوت بعيد اريد ارد ماكدر احس كأنو شي سد حلكي ...
الابهر-جاي اسولف ويا شاهين واشوف ٱيفين طاحت ع الارض عيونهه نگلبن وغمضت لزمتهه ترجف بيدي مثل السعفه اخذتهه وطرت للمستشفى احير بيها لو بشاهين الي ساعه يحلف يكتلها اذا لكاها وساعه يحلف ولله ماسويلها شي بس خلي ترجع ...
مرت 10 ايام مثل السم علينا ٱيفين كلساع وطايحه وشاهين النوم مايشوفه اصلاً واكل ماياكل كاضيها جكاير ام ٱيفين المغذي مايطيح من ايدها خوالي كلهم يدورون وخالي محمد السكر مشكل عنده ...