ظلام الابهر

الـبـارت الـخـامـس عـشـر

ضلام الابهر .
البارت الخامس عشر .
بقلمي اساور عبدلله .

حبايبي عذروني اذا اتأخر ب البارت بس التأخير من ٱيفين وسيليا مو مني ..

ٱيفين؛كعدت احس اكو ثگل ع رجليه توترت حيل حجيت وصوتي مخنوک .. منو منووو انتت يمهه شنو هاي ع رجليه
الابهر؛هممم .. انه شبيج
ٱيفين؛ليش نايم ع رجليه؟
الابهر؛مو انتي لزمتي ايدي ونمتي وماتقبلين تتركيني ما شاء الله لهلدرجه تحبيني فـ نمت ع رجليج
ٱيفين؛اهاا ..
الابهر؛اي يلا راح اكوم اشوف دكتورج واجيب ريوک نتريگ سوا ها شتكولين؟
ٱيفين؛تمام روح جيب  ..
الابهر؛خليت حجتي ب الريوک ورحت للدكتور .. ها دكتورنا هسه شون؟
الدكتور؛عندكم بعد مناا ليوم واحد
يوم واحد اذا مارجع الها النضر وضلت تشوف فـ انصحك تفقد الأمل لان يمكن برا هم علاج ماكو الها
الابهر؛ههه مستحيل افقد الامل
الدكتور؛كيفك بعد يا ابني ولو اكدر اسوي شي جان اكيد ماقصرت ..
الابهر؛مشكور ماقصرت .. عفته ورحت جبت ريوک .. ضليت امشي وافكر .. شراح يصير بيها اذا عرفت ميرجعلها النظر؟؟ يعني مستحيل شوفني بعد .. لا مستحيل مافقد الأمل راح احاول كل يوم وكل ساعه وكل دقيقه ارجعلها النظر لو انطيها عيوني هم عادي .. ها حبيبي
ٱيفين؛ها عيوني .. بيك شي ؟
الابهر؛مسحت وجهي مستغفر .. لا
ٱيفين؛هاا .. سكتت شوي وهوا يرتب ب الريوک .. احسك ضايج او بيك شي
الابهر؛مابيه شي ولله
ٱيفين؛اوك .. كعد يوكلني وكلساع يستغفر وع كلشي يتنرفز .. ضايج مني جا كاعد توكلني ؟؟
الابهر؛لا ولله مو هيج
ٱيفين؛ احس لزمتني غصه اريد بس اسكت احس شفايفي يرجفن .. شعور انو احد يشفق عليك بسبب حالتك شعور صعب كلش وخاصتاً اذا قريب منك
الابهر؛ضلت ترجف حتى شفايفها ضلن يرجفن وجها صار اصفر شبيج أيفي؟
ٱيفين؛حجيت احاول اخفي الغصه الي بصوتي .. مابيه شي سلامتك
الابهر؛تخفين عليه؟
ٱيفين؛اي لان انت هم تخفي عليه
الابهر؛أيفي لاصيرين طفله شبيج
ٱيفين؛مابيه شي مابيهههه شبيك لزگت على عمري مامجبور تكعد توكلني ولا مجبور تاخذني للتواليت وترجعني ولا مجبور تبقى يمي من انام مامجبور تشربني روح ماريدك يمي روححح
الابهر؛شبيج أيفي تخبلتي؟؟؟
ٱيفين؛اي اي اييي تخبلتتتتت لان انت هسه جاي توكلني وتشربني وتطلعني وهاذ كلههههه شفقهههه جاي تشفق عليه
الابهر؛انطمي وسكتي لا اشفق ولاشي
ٱيفين؛بلاااا بلااااا وضايج خاف مايرجعلي النضر وتبقى هيج طول عمرك تخدمني ماريدك ياخيي ماريدك طلكني
الابهر؛لاتتخبلين 
ٱيفين؛ماريدك هيه گوه
الابهر؛استغفرلله يمعوده كسري الشر
ٱيفين؛معليككك معليككك مدخلككك
الابهر؛خوش انه راح اطلع وهاي هيه الي تردينه يصير ننفصل عادي .. كمت مشيت للباب فتحته وسديته ورجعت وكفت فوك راسها انهارت تبجي  ..
ٱيفين؛احس من طلع كسر گلبي هيج عنده بكل سهوله هيججج هيجج يريد ينهي كلشي وانه الحبيته وهتميت وانتضرت وصبرت وهيج تاليتي يبتعد عني هيجج الحقيرررر الحقيرر الثور اصلا مو صوجك صوجي انه احبك يا مطي ياحقير .. ضليت أمثل انو هوه كدامي واحجي ويا واغلط
الابهر؛انه مطي وحقير ؟
ٱيفين؛احس من الصدمه اريد اضحك ع نفسي شون فشلت روحي
الابهر؛اي ماتحجين شبيج سكتي مساع تهددين ومدري شنو ومطي وحقير
ٱيفين؛شتريد ؟
الابهر؛هسه انه الي اريد ننهي كلشي مو؟
ٱيفين؛ضليت ساكته بس ابجي .. اجه الشي الي جنت منتضرته من زمان اجه حضني ويمسح ع راسي مسحت دموعي بتشيرته تمسح ع راسي چلبه انه؟
الابهر؛كبر حتى كبر جاي اسوي السوالف الي كالو عليهم ب اليوتيوب
ٱيفين؛ضحكت بصوت عالي .. وشنو بعد
الابهر؛شنو؟
ٱيفين؛شنو يكولون تسوي
الابهر؛جيب لمرتك الاكل الي تحبه واحضنها دائماً حتى تحس بالامان وياك امسح ع راسها حسسها بالاطمئنان
ٱيفين؛احس ماكدرت اسكت بعد .. انفجرت اضحك وهوا يكلي شبيج
الابهر؛جاي تضحكين عليه مو؟
ٱيفين؛لا حبيبي مو عليك
الابهر؛انجبي انجبي ادري عليه مو صوجج صوجي انه احجيلج
ٱيفين؛تعال خلي امسح ع راسك احسسك بالاطمئنان
الابهر؛انجبي انجبي
ٱيفين؛ سكتت اضحك بدون صوت .. احم اكلك الدكتور شنو يكول بخصوص وضعي يعني شسمهه يمته يرجعلي النظر
الابهر؛باجر اخر يوم اذا مارجعلج نروح لـ امريكا هناك تسوين عمليه وترجعين
ٱيفين؛ارجع؟
الابهر؛اي
ٱيفين؛اخاف من العمليه انه
الابهر؛ماتخوف يخلولج تخدير وماتحسين بشي ولله
ٱيفين؛الزم ايدي .. لزم ايدي هسه جاي احس ب الحب وهوا انفجر يضحك وانه اضحك ويا ع الواهس .. ابهررري
الابهر؛بتميع اقلدها .. هااااا
ٱيفين؛ابتسمت ع تحشيشه .. يمته ارجع للبيت ولله اختنكت من المستشفى
الابهر؛ولله ياحبيبتي اذا باجر رجعلج النظر نرجع باجر واذا مارجعلج نروح للبيت نجهز الجنط ونوب نسافر لامريكا
ٱيفين؛نزين شكد نبقى
الابهر؛نبقى هناك تقريباً سنه هيج
ٱيفين؛واهلي شون؟
الابهر؛اهلج موافقين بس نتزوج قبل مانروح
ٱيفين؛وماراح اشوفك ولا اشوف نفسي شون طالعه؟
الابهر؛عادي نرجع نسوي العرس
ٱيفين؛احسك جاي تسلكلي شنوو اكلك تكلي صار لو تنطيني حل
الابهر؛بلعكس انه احبج وماريدج تضوجين مني فـ شتريدين اسويلج
ٱيفين؛يعني ماتسلكلي؟
الابهر؛لا ولله
ٱيفين؛تمام اريد انام بحضنك
الابهر؛ سويلي مكان
ٱيفين؛مايكفي
الابهر؛يكفي يكفي انتي چنج فاره اخليج بحضني ويكفي شوي سويلي مجال
ٱيفين؛وانت جنك ثور حبيبي
الابهر؛عابتلج
ٱيفين؛نمت ع صدره و دگات گلبه قويه لدرجه حسيت راح ينفجر گلبه .. ابهري
الابهر؛عيونه يرويحتي
ٱيفين؛ليش هيج گلبك يدك قوي؟
الابهر؛لان نايمه بحضني انتي
ٱيفين؛ليش وشنو يعني
الابهر؛حبيبتي سوالف كبار
ٱيفين؛ترا جبيره انه
الابهر؛خوش جبيره يلا نامي باباتي
ٱيفين؛حبيبي عيع شنو باباتي
الابهر؛اهووو هسه شون تنامين لو لا
ٱيفين؛عابتلك مو صوجك صوجي انه ماتريد ٱيفين الانثويه تريد ٱيفين المسترجله مو ؟
الابهر؛لاحبيبتي رجعي بنيه احسن
ٱيفين؛لعد صير خوش ولد
الابهر؛خوش خوش
ٱيفين؛ابهري
الابهر؛استغفرلله .. ها
ٱيفين؛احجيلي قصتك؟
الابهر؛شون يعني؟
ٱيفين:يعني كل شخص وعنده قصه انت شون هيج وصلت وليش جنت مسافر
الابهر؛غير مره مو هسه
ٱيفين؛تمام زين اكلك
الابهر؛يارب الصبر ها
ٱيفين؛يصير اكتب قصتنه وانشرها؟
الابهر؛صخمي وجهي صخمي
ٱيفين؛عابتلك شمسويه حتى اصخمه
الابهر؛شتكتبين بلله؟
ٱيفين؛شوف حبيبي هسه كل البنات من ياخذون شخص يحبونه وهاي يكتبون قصصهم يم بنيه وتنشرها
الابهر؛وانه يلزموني اصدقائي يكلولي هيج وهيج ولله مرتك ناشره قصتكم وشفناك شون استغفرلله شبيج بابه؟
ٱيفين؛حبيبي مايعرفون
الابهر؛وشلون يلذكيه؟
ٱيفين؛ حبيبي اسماء مزيفه
الابهر؛اي وانه اخلي اسمي مزيف علمودج؟ مو؟
ٱيفين؛لا نخلي اسمائنا احنه
الابهر؛وتنشرين حتى صور ومدري شنو؟
ٱيفين؛اذا تقبل عيونه انشرهن واذا ماتقبل كلش عادي انه اقنعك
الابهر؛انجبي وعوفي هاي سالفه مالت القصص مو حلوه
ٱيفين؛مااا مااا اريد اكتب قصتنهههه
الابهر؛اهوووو شلون يعنييي يلا نامي نامي يمكن النعاس أثر عليج
ٱيفين؛حقيييييير .. دفنت راسي بصدره ريحته اخخخ ياربي شكد احب ريحته
الابهر؛ليش تتحارشين حبي؟
ٱيفين؛ماسويت شي ولله بس خليت راسي بصدرك
الابهر؛انه هم  اخلي راسي بصدرج؟
ٱيفين؛انجب انجب شوي شوي لاتصير فاسد كلش نام احترم نفسك من نايمه بحضنك غيرك يتمنون هاي الحضن
الابهر؛اوي فدوه لاتبجين هيه غير تكعد مو نايم بحضن هيفاء وهبي لو فيفي عبدو كلها كلها ٱيفين ام الوصخخ
ٱيفين؛اههه انه ام الوصخخخخ؟؟؟؟؟
الابهر؛انجبي ونامي يلا
ٱيفين؛راح اسكت لان نعسانه
الابهر؛نعسانه وساعه كامله تحجين
ٱيفين؛ نننننن
الابهر؛عيععع طفله انتي؟
ٱيفين؛اشش اسكت اريد انام
الابهر؛من حجيت رادت تنام نامي
ٱيفين؛غفيت وانه مبتسمه ..
الابهر؛غفت وانه طول اليل افكر اذا باجر مارجعلها نضرها شلون ياربي طلعت تلفوني وراسلت الدكتور .. على العلاج .. وطلع لازم تبديل عدسه مدري شنو .. وكال اذا مارجعلها باجر جيبها وتعالو بأقرب وقت علمود العمليه ..
*الكلام چـان ب الانكليزي فـ انه ترجمته الكم 💙✨