ملحمة السابع

part61

الفصل الثاني :ملاك وشيطان

----------------------------------------------------------------------------------------------

ايات(رمقاتو بعزم ونطقات بكل ثقة): ولكن الحقنة راها واجدة علاش منعطيوهاش ليها

توماس:لا خاص حتى نكملو مية وربعة وعشرين تجربة

ايات(رمقاتو بعدم تصديق وشارت نحو طابليط لماسكاها بين ذراعها التانية):ولكن هانتا شووف نتائج ايجايبة ومكاين حتى غلط ولا وقع شي تأثير سلبي على الجهاز حيوي ، شوف بعينيك دقات قلبهم وحتى ضغط الدم كلشي طبيعي(تقدمات نحوه بخطوة بغا يهرب ولكن منعو المكتب لخلفو، بلع ريقو وهز عينيه كينظر لخضروتيها لكيرمقوه بحزم):مخاصش نزيدو نتعطلو راه حالتها خطيرة وخاصها ضروري تقوم بزراعة داكشي علاش خاصنا نعطيوها هاد الحقنة، باش على الاقل غدا ولا بعدو تفيق،

توماس(متراجعش هاد المرة للخلف ومخافش من قربها وبقا كينظر لخضروتيها من اسفل نظراتها الزجاجية دائرية الشكل لمن مفترض تحجب لمعتهم ،ولكن جمالهم كان بارز بطريقة ذغذغات كيانو،ابتسامتها لكان هدفها تحفزو وتخليه يوافق على رأيها خلاتتو شارد ويتذكر اليوم لسقط فيها كيخرف بالصدمة وسقط في اعجابها امام الملأ

حمحم ولف وجهو للجهة الثانية بعد ماحماارو خذيه وبشدة الصهدة والتلفة لحصلات معاه بقا غير جامد في مكانو، بحال شي كمبيوتر وقع ليه عطب في المحرك ومفاق من شرودو الا على لمسة يدها فوق يدو،

بغا يدفع يدها كيف المفروض، مسدسو المائي لخلف ظهرو كان متأهب باش يخرجو نحوها،  كثر من خمس مرات وهو كيتفحصو  في صباح وكيعمرو بلما، وكل مرة كيحث على نفسو  بسباب مرضو الوسواس القهري انه يضيف قطرات من معقم ،فقط قطرات وميكثرش حتى صبحات إزازة المعقم فارغة بسباب وساويسو

ا، بغا يدفعها ويسبها ويلقبها بالشريرة ولكن كلام وقف في حلقو، وهو كيشوف ضحكتها وقربها نحوه

شنو كانت سميتو من قبل؟ حيث نساها من مجرد لمعة خضروتيها، لقابع فيهم سحر الطبيعة

توماس(حنحن  ونطق بنبرة نهائية على الرغم من استرجاعه لانفاسو بصعوبة ومزال سيطرة  الفوضى لكيعشر فيها بذاتو مبغاتش تحبس ،وهادشي خارج تمامما عن اطار روتينو،  ومخيخ ديال ذماغو مبغاش يتقبل شعور شاذ خارج المنهج لعاش عليع حياتو كاملة): لااا

ايات(عبسات وزيرات قبصتها عليه ناطقة بحدة): كيفااش لااااا خاص توافق

توماس(زول يدو من عليها وبدا كيصرخ بهستيرية بعد ما وعى فعليا على وضعيتهم): لاااااااااا ه..هي لااااااااا لااااااا لاااااا

ادم(زفر الهواء بحنق والتافت كيرمق توماس بنظرات قاتلة): ياغتسد فمك وتبث ياغخرج ليك مصارنك بيدي