ملحمة السابع

part78

الفصل التالث :نهاية السرداب

" ،تتفاخر البغال بأن أسلافها كانو خيولا"

مثل الماني
----------------------------------------------------------------------------------------------

..............

بعد مؤتمر فيينا في عام 1815 مملكة الصقليتين. -لكتشمل صقلية ونابولي- صبحات تحت حكم الاسرة البوربون الاسبانية، ومعروف في هاد الفترة لحكمو فيها هاد الاسبانيين انتاشر الفساد والاستبداد والظلم تجاه الايطاليين بطريقة بشعة، الشيء لجعل من الشعب غير راضي على الحالة الصعيبة لصبحو عايشين فيهل

وفساد وحكم هاد الاسرة استمر حتى منتصف القرن 19 اي. حتى سنوات ل1850 وكانو صقليين كيعانو من الضرائب المرتفعة وعدم المساواة بين السكان الاصليين والمحتلين ،وبين حتى الطبقات الاجتماعيات وزاد الظلم طغا وانتاشر بين ارياف وشوراه صقلية و صبحات العدالة نادرة مكتحقق

السخط والحقد تولد في انفس الايطاليين ، والفلاحين والمزارعين كانو كيعانيو بزااف من طغاة ديك الحقبة وجميع الاراضي الزراعية والفلاحية كانت في ديك الوقت ملك غير الطبقة النبيلة والثرية ، وفلاحين مكان عندهم حتى درع يحميهم وكانو كيتعرضو للضرب والاختطاف وحتى الابتزاز وللاسف القانون مكيخادش حقهم

وفي عمق هاد الظلام ومن رحم المعاناة، تولدات الكازانوسترا وكان هدفها في الاول تدافع على حقوق هاد المزراعين والفلاحين المضطهدين ومع الوقت بدات كتفرض سيطرتها وقوتها في الأرياف، وكانت كتقدم خدمات حماية بعض الافراد مقابل واحد الرسوم معينة وكانت كتفرض العدالة بين الاقرياء والفلاحين على رغم من الاستبداد لكان طاغي

وبعد حركة التحرير الشهيرة لقادها غاريبالدي سنة 1860 كانت دولة ايطالية مزال هشة وهنا استغلت كازانوسترا نفوذها وبدات كتنقل سلطتها نحو الحكومات والسلطات وبدات اعمالها غير القانونيك في السرقة والترهيب والابتزاز وبعض من العائلات الكبرى لكانو ضمن كازانوسترا هاجرت لأمريكا وهنا فين كانت بداية الحقيقية ديال منطقة الايطالية كازانوسترا لمن مجرد تجمع محلي صبحات منظمة ذو هيكل قوي كيتكون من عائلات او وحدات تحكم حكم العائلة الام هي عائلة الخياندرو دي رينييا اب سكايلر الشرعي، ولهي الآن تحت حكم الألفا لجعلها ماشي غير منظمة بالاسم ولكن ضمها لوحدة من اقوى منظمات السبع في التاريخ

كازانوسترا كان ليها مجلس ايداري معروف بالكوميش كانو كيتجمعو فيه جميع عائلات وكان كيتاخدو فيه غير القرارت الكبرى والخطيرة لتقدر تغير جذريا مصير المنظمة وفي هاد الكوميش كان كيحضر كابو دي توتي كابي اي بمعنى زعيم الزعماء لهو الالفا وكيكونو ليكابو اي زعماء كل عائلة برفقة سوتر كابو الخاص بكل واحد فيهم لكان معناه هو النائب المباشر للكابو وفي حالة عائلة الام اي لكازانوسترا الام كان هو سكايلر، وكان متواجد حتى كونسيليري اي الممسشتار الرئيسي لحل النزعات، كانو مرات كيتخلقو سوء فهم ونقاشات لتقدر تخلق عداوة بالدم بين عائلتين داكشي علاش كان دور مستشار هو يحل هاد النزاعات ويعمل على تهدئة الامور ورأيو كيكون محايد وكل عامين كيتم ترشيح شخص لكيمر من مجموعة من الاختبارات حتى كيتقبل من طرف الزعيم الاكبر وكاينين باقي الرتب لفارضة كازانوسترا على كل واحد من الاعضاء ولكن في كوميش كانو كيحضرو غير النخبة الحاكمة