ملحمة السابع

part64

الفصل التالث :نهاية السرداب

"في نهاية السرداب، تكمن البدايــة الفعلية للقصة"

----------------------------------------------------------------------------------------------

ضحكة صغيرة صادقة فلتات من شفايفها ومعرفش علاش عشقها على باقي ابتساماتها الاخريات، كان مستغرب ماشي من تمييزو الكبير لانواع ضحكاتها ولا نظراتها او ابتساماتها، ولكن مستغرب من   السبب لكيخيله يشعر بشعور الراحة والرضا وحتى الاعجاب فقط يلا شاف ضحكة صادقة منها شيء غريب   ومكيدخلش لعقل خصوصا لشخصية معقدة ومضطربة بحالو ، وفي الاخير كيشعر بهدوء شخصياتو معاها لكان شي سبب كيخليه قليلا مهووس بتملكو ليها فهاد السبب كان هو حجتو الاول ، كانت الانثى الوحيدة لمتأراتش بحيلو وصدق هو لطايح في مصيدتها ماشي العكس ، ناهيك عن انجذابو الكبير ليها لا من حيث عبقريتها لكتبهرو بها كل نهار ولا جمالها هاد اليلة لزاد الفستان لمرتادية وحتى القناع لهداه ليها بينها كملكة هاد المحفل ، كان عندو حدس كبير وبدون سبب قرر يررتادي الابيض ويخالف موضوع الحفل -كأنو كان كيهم الحفل من الاساس-

لمعات الاضواء فوقهم تزامنا مع انطلاق الاوركسترا الحاضرةبالعزف  على معزوفة جديدة خصوصا بعد اعجابهم بمنظر نور ومجد وملابسهم المتناقضة عكس الحضور لكان ملتف حولهم بمسافة بعيدة ولكن الانظار لكانت كتناولهم حرفيا

ابتسامة واسعة شقات المايسترو وهو كينظر لنظراتهم من خلف القناع، التافت نحو فرقتو لاستعشرو رسالتو فقط من خلال نظراتو اللامعة عرفو انه سقط على الهام جديد ، خصوصوا وانه ساعتين لمرات عزف تقريبا العديد من  المعزوفات وخا مزال كيملك العديد في جبعتو ولكن باغي شي شرارة او اشارة ولا مشهد معين يوافق تماما المعزوفة لغادي  تعزف فرقتو باش هكذا تكون  عندها قيمة كثر

حمل عصاه بفخر  للاعلى وعطا اشارة لفرقتو باش تبدا العزف على القطعة الموسيقية الشهسيرة  رقصة الفالس رقم 2 لدميتري ، ، وعينيه مرة مرة كتنتاقل بين نور ومجد

وعلى ذكرهم مجد وضه يد خلف ظهرو بلباقة ويد اخرى بدا كيحرك فيها خصرها بتناغم مع الايقاع

مجد: كنت واثق غتختاري داك الباب

نور(هزات حاجبها فيه وهي مزال محافظة على نفس ابتسامتها): وشنو لخلاك واثق مغنختارش غيرو

مجد: لشنات الحرب ضد هيدرا غادي تفكر مزيان قبل مغادي تختار شي باب اعتباطيا

نور: كان فيه لون غير لون واحد هو  البنفسج

مجد: في الباب اول على يمينك كان حتى اللون الذهبي علاش مختاريتهش مع ان دهبي كيرمز للملكية