♣️الجزء :1218
فبيت ابرار جالسة فوق الفوطوي وقدامها ليليان جالسة بكريشتها لي خرجات شوية كتعاونها فدروس الماط
ابرار :ليليااان مافهمت واالو منك
ليليان :نتي مامركزاش معايا
ابرار تنهدات بارهاق :كتهضري بزربة اليليان وانا راه بصعوبة كنستوعب مافهمتش والله
ليليان :راه كنحاول نشرح ليك ولكن ماكانعرفش نشرح وزيد وصلات الوحدة خاصك تنعسي
ابرار نزلات ليها دمعة من عينيها وحركات راسها بلا
ابرار : ماغاديش ننعس هاد الليلة حتى نفهم هاد الدرس . غدا عندي امتحان على الصباح وانا مافاهماهش
ليليان :ياك عمتو بلقيس كتزيد ليك السوايع
ابرار : راه بدوك السوايع باش قادرة نتماشى معاهم ولكن هاد الدرس جاني صعيب
علات راسها لفووق وتكات على الفوطوي
ليليان : شوفي خودي بوز ورتاحي
ابرار عينيها دمعو :ماعندييش الوقت مع التمنية داخلة
ليليان :حطي الكتاب ربع ساعة باش تقدري تركزي
ابرار حطات الكتاب وتكات فوق الفوطوي مابقاتش كتقدر تبقى جالسة كتحس بالدوخة
ابرار : قبيلة فقت ملي يوسف قلع ليا السبرديلة ولاحها عليك
ليليان: ماتفكرينيش فهاداك
ابرار بتاسمات بعيااء: مالكم
ليليان :ضربني بالسبرديلة جاتني فراسي دوخاتني وقبيلة تخاصمنا فالبيت جرا عليا من البيت
ابرار : ههه غير كيضحك
ليليان كتدوز على كريشتها : عرفتو كيضحك ولكن غادي نخرجها منو
ابرار : فين هو دابا
ليليان :فالمكتب خداام خاصني شي خطة نديرها نرض دقتي
ابرار :ماشاء الله عليك مازال عندك الجهد انا صافي جهدي تسالا
ليليان : حيت نتي عاد الشهر الاول مازال كتتوحمي انا دابا غادي نقفل خمسة شهور
ابرار: الله ينزل الرحمة من عندو ربي عارفني شحال معذبة وكنقاوم بزز بغيتو غير يعاوني ويوقف معايا
ليليان :غير صبري كلشي غادي يفوت
ابرار تنهدات وجلسات وهزات طابليط دارت استاذ كيشرح
ابرار : ان شاء الله هاني صابرة
ليليان وقفات المهم نخليك انا غادي نمشي نشوف شي جريمة نديرها ليوسف
ابرار بتاسمات ليها وحركات راسها الجهد باش تهضر بزااف ماعندهاش
♣️الجزء :1219
