♣️الجزء :1204
بعد اسبوعين
بعض من افراد الاسرة جالين على طاولة الافطار ، الحزن بادي عليهم حتى حد مافرحان وافراد تانين مازال مانزلو
عصام من نهار جا من لوبيطال وهو ساد عليه فالبيت ماباغيش ينزل عندهم ماباغيش يدير الترويض باغي يبقى غير ناعس بوحدو
نزلات سحر لابسة كوستيم لونو اسود وصباط طالون عاالي جامعة شعرها كوتشوفال سلمات عليهم
سحر :صباح الخير
ذكرى :صباح الخير ابنيتي عصام مازال على ديك الحال مابغاش ينزل
سحر هزات يديها دلكات عينيها وتنهدات :مابغااش عييت نحاول معاه قال صافي طلعليه كلشي فراسو حتى رجليه مابقاش باغيها ترجع كيف كانت قال مابقاتش هاماه
يوسف : الالات لي دخلنا لبيتكم كيستعملهم ؟
سحر حركات راسها بلاا :مابغاش بسبابو دخلت درت دورات فالترويض باش نقدر نعاونو وهو راسو قاصح ماباغيش ينوض من بلاصتو
ذكرى :الله يهديه غادي يسطيني
سحر تنهدات :انا غادية نالخدمة خاص ضاروري نضرب دورة لشركاتو حتى هو
بلقيس :وا اجي ابنيتي تفطري حتى نتي
سحر حركات راسها بلا :لا انا غادي نشرب غير قهوة كحلة فالشركة
ذكرى : عصام فطر ؟
سحر :بصعوبة بززت عليه يفطر ماتنساوش وقت الغدا تطلعو ليه وحاولو معاه باش يتغدا ، انا غادي نحاول نكمل الخدمة ونرجع
مراد :كون غير خليك جالسة فدار يوسف وفهد يتكلفو بخداميكم
سحر حركات راسها بلا : لا حتى هوما عندهم مشاريعهم ماكيساليوش انا قادة بخدمتي وخدمة راجلي
ضارت عطاتهم بالضهر خرجات ركبت فطموبيلتها وكسيرات
ذكرى : هو معذب وحتى هي نفسيتها مريضة معاه حتى الفطور مابقاتش تفطر
يوسف :عصام ربي كيبغيه ملي لاقاه بوحدة بحال سحر قوية وفوقت الحزة واقفة جنبو
ذكرى : سحر ماكاينش بحالها غير داكشي لي دارت عليه شحال هادا عمرنا ننساوه
بلقيس شافت فابرار جالسة وساكتة ماكاتاكلش
بلقيس : بنتي حبيبة كولي اماما باش تمشي نالمدراسة
ابرار سمعاتها غمضات عينيها
بلقيس وقفات قربات عندها كتمد ليها وتحط فالطبسيل
بلقيس :ضاروري تاكلي راك هازا معاك روح ابنتي
ابرار عينيها دمعو : ماقادرااش باغية غير ننعس
