♣️الجزء :1000
يوسف ساط بعصبية ومشى جبد الجبانية وحطها قدامها ودار شاف فليليان لقاها مامسوقاش كتاكل فالشكلاط ومجلخة وجهها
يوسف: وبقاااي تاكلي فالحلاوة حتى تنفخيه
ليليان ماداتهاش فيه وبقات كتلحس فالمعلقة
ابرار حلات الطحين وكباتو فالزلافة وبقات كتفكر وضارت عند ليليان
ابرار : دابا البغرير غادي تدهنيه بالشكلاك
ليليان عينيها فالقرعة دالشكلاط: اممممم
ابرار:يعني البغرير غادي يكون حلو
ليليان:امممم
ابرار مشات كتجري هزات السكر ورجعات عمرت كاس بالسكر وزادتو على الطحين وبدات كتكب الحليب على الطحين
ابرار: خاصها تكون خفيفة ياااك
يوسف لاح الموس من يديه وشاف فيها
يوسف: طلعيييي لبيتك ولا غادي نرتاكب فيك شي جريمة
ابرار زادت الحليب وبدات كتخلط: ههههههه لا لا والله حتى عارفة غير فمي كياكلني كنبغي نسول
خففات العجينة وحركاتها مزيااان
ابرار: خاصنا دابا نطيبوه فين المقلة
يوسف: ياك هادا المطعم ديالك
ابرار حركات راسها: اه اه ديالي وانا عاارفة غير باغية نشوفكم واش عارفين
مشات كتقلب بين المقالي جبدات وحدة من الطرف دايرة راسها كتفهم
ابرار: هاهي
يوسف شدها من عندها وشللها حطها فوق البوطة وشعلها خلاها تسخن
يوسف: ياالاه جيبي داك العجب لي صايبتي
ابرار عضات على شنايفها ومشات جابت الزلاقة حطاتها قدامهم وليليان حطات المعلقة ديال الشكلاط وناضت وقفات قدامهم
ابرار : المقلة كيدهنوها بالزيت ولا بالزبدة
يوسف تنهد ودوز على جبهتو :شوفي نتي
ابرار : احم وااقيلة بالزيت
مشات جابت الزيت وخواتو فوق المقلة وحركات المقلة شوية . عمرات مغرفة بالعجينة وخواتها فوق المقلة
دازو تواني من الصمت وهوما بتلاتة كيطللو على العجينة لي كتعوم فوق الزيت
