♣️الجزء :1494
عند عائشة حلات عينيها مع أذان الفجر ولفات ساعة الاذان ناضت بالزربة مشات لبيتها عاودات الوضوء وصلاة الفجر والصبح دارت الدعاء وقرات حزب من القرأن عاد ناضت من فوق السجادة لبسات تاني النقلب على وجهها ومشات عند دانييل لقاتو ناعس ومرخي . داارت ليه تاني المحرار باش تعبر الحرارة لقاتها طالعة واصلة لربعين . تخلعات ماعرفات شنو تدير هزات الدوا وقربات عندو كاتهضر بشوية حيت اصلا خايفة منو
عائشة :دانييل ..دانييل
دانييل حل عينيه حومر
عائشة غير شافت عينيه توترات : احم نوض شرب الدوا طالعة ليك السخانة
دانييل خنزر وماداهاش فيها ورجع غمض عينيه
عائشة هبطات لتحت عاودات عمرات البانيو بالما فيه مكعبات التلج وهزات معيلقة وطلعات
هزات عمرات المعيلقة بالدوا وقربات عندو كاترجف
عائشة :دانييل شرب هاد المعيلقة باش تنزل ليك السخانة
دانييل ماحلش عينيه
عائشة قربات المعلقة لفمو : دانييل شربها
دانييل حل عينيه مخنزر وهز يديه وضرب الملعقة حتى تلاحت نالارض والدوا لي فيها تخوا
دانييل بصوت عيان:قااااودي من قدااامي
عائشة تنهدات ومشات هزات المعيلقة دخلات نالحمام وغسلاتها ورجعات عمراتها بالدوا
شافت فيه لقاتو مغمض عينيه ماهضراتش قربات المعلقة فمو ودخلاتها بقوة حتى حل فمو مصدوم
عائشة :اه كاتكرهني وماكانلومكش ولكن شرب الدوا ماتخليش ضميري يعذبني تاني على حاجة خرا
دانييل بقى مصدوم ومشرع عينيه وسرط الدوا
عائشة شافتو بتاسمات ن تحت النقاب وجلسات فالكرسي وبدات كاتدير ليك كمادات فراسو
دانييل مامنعهاش راسو ضارو وباغي غير ينعس
بقات كاتدير فالكامادات حتى نزلات الحرارة تاني وهزات القرأن كتقرا بصوت نااقص
وصلات التامنة صباحا وعائشة مازال كاتقرا فالقران . دانييل حل عينيه راسو ضارو هز راسو لفوق كيشوف الفوطة لي فوق راسو قرن حاجبو كيتذكر شنو طرا . قرن حاجبو وتفكر عائشة ملي كانت مقابلاه بالليل غطاتو وشرباتو الدوا وكانت كاتدير ليه فوطة فراسو كل مرة كاتبردها
قلب عينيه لقاها جالسة كتقرأ فالقران مركزة معاه وكاتمتم . بقى سااكت كيحاول يسمع الكلمات لي خارجين من فمها
