♣️الجزء : 1472
برائة بقات جالسة كاترجف مامصدقاش كلامو ستوعبات شنو طرا ناضت بالزربة طلات من البالكون لقاتو ركب فطوموبيلتو وكسيرا
براءة بدون شعور دموعها تسرسبو شدات فقلبها لي ضرها جلسات فالارض و بدات كاتبكي واخا وماعارفاش علاش كاتبكي
عند سحر وعصام جالسين فالمطعم
هي لابسة كسوة فالاسود راقية جامعة شعرها من اللور ومخلية القصيصة هابطة دايرة كيكاب خفيف وعصام لابس كوستين فالازرق
السيرفور قرب عندهم وحط العشا وبعد
سحر : احم مالك هضرتك قليلة
عصام شاف فيها :والو
سحر :كيفاش والو .انا كانعرفك مزيااان علاش قالب وجهك حتى فالطوموبيل ماهضرتيش معايا
عصام : شوفي نتي مادرتي والو
سحر قرنات حاجبها :شنو درت
عصام دوز لسانو على فمو عاد هضر :فين كنتي ليوم
سحر بقات كاتفكر : والو فطرت خرجت تمشيت شوية ورجعت لبست ومشيت نشوف دانييل
عصام : اممم وقلتي ليا غادية عند دانييل ؟
سحر بقات ساكتة
عصام : واش عندك عادي تمشي عندو وانا مافخباري والو حتى نصوني عليك وتقولي ليا انا مع دانييل ؟
سحر :هاداك راه صديقي المقرب وبحال خويا
عصام حرك راسو باه :امممم وتبغي تعيطيلي انا ونقول ليك انا عند صديقتي المقربة فدارها ؟
سحر بقات ساكتة غير فكرات فالموضوع ماتقبلاتوش
عصام : سمعي اسحر مقدر انكي عشتي فامريكا وكان هو السند ديالك تما وانا مدين ليه على داكشي لي دار معاك وعارفو كيعتابرك بحال ختو . ولكن من العيب نتي مزوجة وتمشي عندو لدارو وانا مستحيل نتقبلها
سحر تنهدات : كانعتاذر عندك الحق
عصام حرك راسو : غادي نتخطا الموضوع دابا ولكن مانبغيهش يتكرر
سحر : صافي والله مايتكرر ولكن غادي ناخد اذنك هاد الايام غادي نمشي لدارو كل نهار
عصام قرن حاجبو : علاش
سحر : دانييل شاد فدارو وحدة وكيعذبها
عصام : شكون ؟؟
سحر تنهدات : اندرياا قبل ماترجع عائشة
عصام : اندريا لي خطفات ليليان ؟
سحر :اممم
عصام : ياك دانييل تكلف بيها شنو دار ؟
سحر :معيشها فالعذاب وهي مسكينة ندمات
عصام بتاسم :الحمل اثر عليك رجعتي حساسة كيفاش مسكينة ؟
