♣️الجزء :1111
ذكرى :شوووف ليك القواااد بحالا بووحدو لي غادي يتزوج
بلقيس لاحت التوب من يديها : والله ويمرضني حتى ندير بناقص من هادشي كلو بدا يطلع ليا فراسي عزيز عليا اااه ولكن فحدود هاد التحكم بزاف لاا
ليليان : انا نهار فكرت ندير الحجاب درتو لرااسي حتى حد ماقالها ليا
بلقيس : الحجاب مزياان بالعكس حنا يعجبنا الحال تتحجب وتلبس لباس كيرضي الله ولكن هاد التدقيق لاا
صفاء بتاسمات وجلسات :ادا جينا نهضرو فالصراحة هو عندو الحق
بلقيس : يااك المرضية
ليليان : صافي هاد المدلولة حمقها الحب
صفاء :هههه لا ماشي دل غير كنفكر بعقلي كيفاش انا لابسة خيمار دابا وفضفاض وماكيبانش جسمي فمرة ونوض نلبس تكشيطة مزيرة على جسمي كلو وكتبين مفاتني
بلقيس : مالك غادي تخرجي بيها نتي غير فالدار
صفاء : ولو واخا فدار كاينين ولاد خالي رجال وانا ديما بالخمار ونهار العرس يشوفوني بداكشي زير مجاتش وفهد كنعرفو مزياان ماغاديش يعجبو الحال نلبس هادشي ومن حقو كأنسان غيور مايبغيش
بلقيس : شنوووو مانديروش هاد العرس ونتهناو
صفاء : ماما انا والله ماهامني العرس اصلا من دابا هازة الهم كيفاش غادي ننزل قدام ولاد خالي وخوتي لابسة ومقادة ، انا حياتي كلها مخبية فلبس الدراري مهشكر وواسع كيفاش دابا نلبس الكسوة بيضة لا لا مانقدرش
بلقيس حطات يديها على راسها :غادي تسطيونيي
صفاء بتاسمات وجلسات قدامها وشدات ليها فيديها
صفاء : ماما حبيبة علاش كتكبرو الموضوع هادشي انا كيجيني تاافه
بلقيس علات راسها فيها : كيجيك تافه تشوفي راسك عروسة وتفرحي بالكسوة لبيضة
صفاء ضحكات برقة : لي غادي يفرحني هو عرسي بحد ذااتو ماشي الكسوة لبيضة ،اصلا الكسوة لبيضة جاية من الغرب وماشي من تقاليدنا ولا فديننا وادا جينا نهضرو فالحق حتى هاد العرس ماخاصش نديروه مخلط
بلقيس : انا باغية غير نفرحك ابنتي
صفاء بحب : انا فرحتي هي وجودي معاكم ووسطكم وهادشي لي كتتخاصمو عليه انا ماهامنيش انا راه شفت المووت قدام عيني دوزت واحد المرحلة فحياتي خلاتني نغير نضرتي على الحياة ورجع كيبان ليا هاد التفاهات ماعندهم قيمة ،ياك غادي نديرو حفلة وغادي نفرحو بيها وانا غادي نحس بالفرحة معاكم ادن فاش غادي يهمني شنو لابسة( بتاسمات ) انا كون درتو ليا غير شي خمار ساامبل وزوين نجلس بيه مرتااحة غادي يكون حسن وغادي نكون مرتاحة وفرحانة كتر
