♣️الجزء :1264
اكرم كان حاضيهم بتاسم جنب حيت اشرف غاير عليها منو هو لي معتابرها كتر من ختو يمووت ومايفكرش فيها خايب
اكرم :سمعت نهار السبت غادي تديرو العرس
اشرف بتاسم :ماشي عرس غير حفلة صغيرة نعرضو الجيران وتتنكف حتى كراميلا تفرح براسها
كراميلا خرجات من البيت لابسة كسوة طويلة ومشات نالكوزينة تجيب الغدا
اكرم : الله يكمل بالخير واخا انا اخر من يعلم
اشرف :غير ماجابتهاش ماكنتشاوفوش بزااف وزيد غير مأخرا عاد طلبت من كراميلا الزواج
كراميلا دخلات وحطات الطبسيل فيه الدجاج بالمرقة والزيتون والحامض مصير
اكرم شاف فيها :ونتي اهند ماتقوليش نعلم اكرم نقول ليه بغيت نتزوج نفرحو معايا
كراميلا بقات غير كتشوف فيه عاضة على فمها اصلا ماحاسة بوالو من جيهتو بحالا ماكتعرفوش
اشرف : راه قلت لبك اخويا غير ماجابتهاش الفرصة وصافي
كراميلا مشات بالزربة نالكوزينة تجيب المونادا والخبز
اكرم :الله يكمل عليكم بالخير فرحت ليكم واخا بقى فيا الحال حيت ماعرفتش وسمعت بالخبر غير من الواليدة . كراميلا كانت كتر من ختي تمنيت هاد الخبر كنت نعرفو انا الاول
اشرف ضرب ليهعلى كتفو : كنعتاذر منك كان عليا نقولها ليك حيت عارف كانت قريبة ليك بزااف
اكرم بتاسم : ماوقع باس الاهم انكم نويتو تتزوجو وتتجمو فالحلال
كراميلا جلسات كتقطع فالخبز
اشرف :صافي تجمعنا ورتاحينا لبعضنا ماعندنا لاش نطولو انا باغيها الوالبدة باغياها ومرتاحة ليها وانا ماغاديش نلقى بحالها ادا نضربو الحديد ماحدو سخون
اكرم بتاسم وشاف فكراميلا خدودها حومر بالحشمة
اكرم : والذاكرة ديالها
اشرف :مالها
اكرم :ماغاديش تمشي تشوف الطبيب
اكرم :هي مابغاتش ولكن انا غير يدوز العرس غادي ناخدها لشي طبيب
اكرم :احم ادا مابغاتش صافي خليها فراحتها
اشرف :اصلا هي مامسوقاش نالماضي هاجباها هاد كراميلا ههه
اكرم : هههه هند صافي سميتي راسك كراميلا
كراميلا بتاسمات بخجل حشمانة منو :هه اه ولفت كراميلا وعجباتني حسن من هند
اكرم : هههه ادن حتى انا نولي نعيط ليك كراميلا
كراميلا بتاسمات وهبطات راسها
