طلعتا وانا مستعجله شديد وسايقه لي انا خايفه كدا يارب مايحصل ليهو حاجه دا سند عمتو الوحيد الفي الدنيا مابتحصل حاجه اي انا متاكده حايكون كويس وبعدين اصلا بسمه بتحب المبالغات اكيد الموضوع بسيط وهي فاهمه غلط بكون فهمت غلط
وصلتا المستشفي نزلتا طوالي مشيت الاستقبال ووصفو لي مكان العنايه لقيت عمتو قاعده في الارض وبتبكي وملاذ بي اتجاه تاني ومدنقره في الارض ناس ابوي وراشد ومعاهم رجال كتار واقفين في حته كدا براهم
امي وبسمه وبلسم وبدور بمشو وبجو واي زول عيونو مليانه دموع قلبي بقا بدق حسيت انو بجد مالك حالتو صعبه من الحاصل دا جيت ومشيت لي عمتو مني ماكانت بترد كانت بتبكي وبتقول انا السبب حصل ليهو كدا بي سببي ياريت يامالك لو ماسالتك ياريت ياولدي لو مازعلتك
بانه:ياعمتي ماتلومي نفسك ربنا كاتب كدا ودي قسمتو
عمتي مني:لا انا السبب دا كلو حصل ليهو بي سببي ياربي انتي قادر يا الله قومو لي يا الله
وكانت بتكورك بي صوت مسموع اتحركتا من جنبها مشيت لي ناس امي اي زول ماقادر يتجاوب ...
بانه:يا امي مالك كيف الدكتور قال شنو
امي:مامعروف اي شي قالو في ضربه في الراس وكسر في اليد واسي في غيبوبه الدكتور قال مامعروف يصحا متين حالتو صعبه يابانه شديد
بانه:لاحوله ولاقوة الابالله
اتحركتا من جنبهم
مشيت لي ملاذ هديتا شويه وبقينا كلنا قاعدين
جات الممرضه ادتنا الحاجات الكانت مع مالك تلفونو وكان منتهي ومكسر والمحفظه كلها دم والساعه ودبله
عمتي سالتا يابتي عليك الله ولدي كيف طمنيني عليهو مافي زول جانا ولا قال حاجه هو كويس ...
الممرضه:ياخالتو خليها علي ربنا وادعو لي الدكاتر عملو عليهم واسي الدكتور بجيكم
عمتي وهو بتمسح في دموعا بي طرف توبا رفعتا يدينا لي ربنا الله يقومك ياولدي ربنا يشفيك ويعافيك الله لايحرمني منك
جاء الدكتور وقال انو عملو العليهم وهو في غيبوبه مامعروف يصحا متين ادعو لي
عمتي من كلام الدكتور وبقت تبكي اكتر، وقالو لينا مافي داعي تكونو هنا وجودكم مامنو فايده جاء ابوي وقال لينا انتو امشو. كلكم بنقعد انا ورشيد، عمتي بقت تكورك مابخلي
شويه حاولنا معاها وطلعنا كلنا مشينا بيت ناس عمتي الساعه كانت قريب 12 ابوي قال نبيت معاهم كلنا اتوزعنا وانا وملاذ رقدنا في غرفة مالك جابت لي غيار وبقينا ساكتين ماف زول قادر يتكلم او يقول حاجه،نمتا قريب الساعه 2
صحيت الساعه 5صليت ودعيت ليهو وانتظرتا الشمس شرقت وعايزه اطلع لقيت عمتي قاعده في المصلايه بتدعي،
