بانه دي مجرد صفقه النوعيه الزيها ديل مابعجبوني الواحده من تقول حلال وحرام مابتلزمني البتراعي لي المجتمع والعادات مابتلزمني انا لو داير عادات كان قعدتا ليها وبعدين يامهند انت من البدايه عارف انو دي مجرد لعبه ما اكتر من كدا، البخليك تتكلم في الموضوع شنو تاني،
مهند: حسيت انو تعاملك مختلف معاها عشان كدا
عزيز: لا مختلف لاغيرو كل الموضوع انو انا جاي بي الطريقه الهي دايراها
حسيت انو انا اتجمدتا في مكاني ورجولي ابت تتحرك، كانو في زول ثبتي في الارض زي الزول المشلول ماقادره اتحرك ماقادره اتنفس وماقادره اشوف، قويت نفسي ووصلتا المكتب وانا ماقادره استوعب معقوله الناس تتلاعب بي مشاعر الناس كدا؟
انا مجرد غايه يعني ما اكتر من كدا
انا كنت فريسه ساهله كدا
بجد بطني طمت شديد
"أخبرتُك ذات مرة، أني رَاهنتُ عَليك بِكُل ما أملُك وإني لا أملُك سوى قلبي، حَفرتُك بين عَصب القلب، كُنتُ أخافُ أن تعرف حجم حُبي فتتغير، كُنت صَلبةً لا ألينْ لكني أمام عينيكَ لم أعرف للثَبات طريق، أحببتُك أكثر مما ينبغي، ، لم أُبقي لنفسي شيئاً فكان الفَقد عظيم والسّلام."💔💔
قعدتا مع نفسي وحسيت انو الغلط مني وانو انا اديتو فرصه من البدايه هو ماغلطان اصلا
قبل ما اخلص طلعتا ومريت علي المستشفي
لقيت عمتو واقفه في باب الغرفه من جيت حضنتني وهي مبسوطه قالت لي مالك صحا واسي جايبنو الغرفه هنا
بانه: حمدالله ياعمتو دا خبر حلو شديد الحمدلله 😍😍😍😍♥♥
جابو الغرفه جوه والدكتور قال ساعه وبجي اشوفو تاني كان نايم
شويه شويه اخواني وناس ملاذ كلهم جو واي زول فرحان اكتر من التاني كنت في الغرفه مع عمتو مالك بداء يصحا
عمتي:مالك ياولدي انت كويس ياولدي اعفي لي كلو مني انا،عليك الله ياولدي ماتزعل مني
مالك وهو بتكلم بي صوت متقطع في شنو يا امي ولي بتتكلمي كدا،وانا وين وديك منو
عمتي سكتت مسافه وقالت ليهو دي بانه بت خالك حسن
مسك راسو وبقا يقول راسي، راسي
طلعتا بره ناديت الدكتور،وبقيت بره مع ناس ابوي الدكتور كان معاهو وعمتو مني،بقينا منتظرين بعد نص ساعه جاء طالع وكنا متلمين ابوي سالو في شنو يادكتور،
الدكتور:الضربه الفي الراس مؤثره شديد ودي خلت عندو فقدان في الذاكره يعني حاليا هو متذكر يمكن ماتفوت تلاته او اربعه حاجات عن حياتو كلها،المطلوب منكم ماتصغطو علي خلو ماتذكرو غصب عنو الحاجات دي بتسبب صداع قوي شديد والحاله حاتمشي لي اسواء
