يمكن اصعب احساس في الدنيا دي هو احساس الخيانه ماحاجه الزول بقدر ينساها او يتجاوزه عشان زي حرقة النار يمكن يروح الوجع حقها بس العلامه بتكون قاعده كل ما الزول ينساها بتخلي يتذكر، حاولتا وقدرتا اخلي مالك يشيل فكرة الدكتور وفهمتو انو انا اكلتا حاجه مانافعه معاي ..الصباح خليت مالك طل وشلتا تلفوني اتصلتا لي وجدان وياسمين قلتا ليهم تعالو لي، انا ماعايزه اظلم مالك معاي وكمان مادايره اكون نايمه علي اضاني وماحاسه بي الحوليني انا اتجاوزتا حاجات كتيره عشان العلاقه دي تستمر بس بدون اي فايده جوني بعد نص ساعه
وجدان:في شنو يابنو عامله لي اجتماع مغلق كدا من الصباح ههههه
بانه: ههههه اسي وين الصباح ياكسلانه الساعه ماشه لي 10
ياسمين: علي اساس ماعارفه وجدان الصباح عندها متين هههه
بانه: والله بصراحه انا عايزه اتكلم معاكم في موضوع ومحتاجه لي رايكم وبهمني شديد، طبعا يا ياسمين انتي براك عارفه مواعيد مالك والدوام حقو بجي متين البيت، وقال بعمل في شغل خاص وانا ماقادره استوعب كلامو دا ودا غير تفاصيل كتيره انا ماقادره احكيها بس انا جواي احساس واحساسي مابخيب
وجدان: قصدك شنو يابانه؟
ياسمين: ماتقولي انك شاكه فيهو او بخونك
بانه: بسسس انا حاسه مالك بخوني
وجدان: بانه بانه الكلام دا خطير وماحاجه ساهله انتي عارفه لو طلع احساسك دا غلط او الشك دا مافي محلو، حاتكون في فجوه بينكم كبيره شديد
ياسمين: كلام وجدان صاح وما اي زول في حاجه غامضه في حياتو معناها هو خاين
بانه: كلامكم صاح بس انتو ماعايشين معاي، ولاشايفين شكل حياتي كيف انا لحدي اسي ماوريت مالك انو انا حامل، عارفين لي عشان هو قال ماجاهز وماداير بيبي اسي
ياسمين: احتمال لمن يعرف يكون عايزو هو بحكي عن حاجه لي قدام يابانه، انتي ماتتصرفي كدا خليك واضحه معاهو
بانه: لا مابقدر حاولتا كم مره بس في حاجه بتمنعني، انا لازم اتاكد ولو طلع مابخوني بوري اي حاجه بس اسي مابقدر
وجدان: طيب تمام وحاتعرفي كيف انتي
بانه: انا جايباكم عشان دي، اعرف كيف
ياسمين: خلاص نراقب التحركات حقتو نشوف بمشي وين وبجي وين، بطلع الساعه كم، بلاقي منو بس المراقبه دي ماساهله
وجدان: اي صاح محتاجين ايام ايام ومافي زول حايعمل لينا دي
بانه: انا براقبو بس ماعندي عربيه ورخصه
ياسمين: انتي مجنونه والاشنو انتي ناسيه وضعك يعني انتي حاتكوني اليوم كلو بره، لازم نشوف زول
