عرس شنو البعد 5 ايام انتو ماجادين والاشنو كيف عرس يتعمل بي السرعه دي لي في شنو يعني مش قلتو شهر ...
امي:اتصلو ناس عمتك وقالو مالك مابقدر يسافر براهو وناس الشغل ماعندهم زمن تاني عشان يدو لي عشان كدا يتمو العرس وتسافري معاهو وانتي كدا كدا يابانه الموضوع كلو مافارق معاك ايام او شهور عندك واحد مافي اي تغير
بلسم: نحنا بنحاول يابانه قدر مانقدر نتم الحاجات سريع ومابتنقص حاجه، انتي اطمني وماتشيلي هم
بانه: والله يابلسم انا مافارقه معاي يعني انا ماصدقتا اليله اخر يوم في الشغل، دايره انوم دايره ارتاح، دايره اقعد مع نفسي
امي: الحصل حصل وكل شي في الدنيا دي بحصل لي خير
بانه:طيب يا امي خير
مشيت غرفتي طوالي رقدت بي ملابسي وجزمتي،ياتري حياتي حاتكون كيف،كنت بفكر وراقده لحدي المغرب ما اتحركتا من مكاني ماتلفوني اتصل وكان دا مالك،بطني طامه شديد وماقادره اتكلم في اي حاجه
بانه:اي
مالك:انا قريب من بيتكم اطلعي
بانه:في شنو ولمن انت قريب ادخل البيت بس
مالك:لالا تعالي لي بره،داير اتكلم معاك كلمتين
بانه:طيب تمام
طلعتا جزمتي ولبستا سفنجتي،وشلتا تلفوني وطلعتا كان البيت هادي شديد لمن اتخلعتا قلتا يكون دا ما بيتنا والاشنو،وصلتا الباب وكان مالك واقف مسافه كدا،مشيت ليهو
بانه:في شنو؟ولي مادخلتا البيت
مالك:تعالي انتي مالك واقفه بعيد كدا،يازوله انا داير اخطفك
ربعتا يديني وقلتا ليهو تخطفني،معليششش والله
جراني من يدي وماشي
بانه:في شنو يامالك ولي جاري يدي كدا
ولا كانو بتكلم معاهو لحدي ماوصلنا جنب موتر واقف ركب فيهو،اطلعي يلا وخلي الكلام ياكونان،انتي جنك تحققي في اي شي،انجزي
بانه:لاطبعا مستحيل امشي معاك وفي البتاع دا وفي التوقيت،وانت جبتا الموتر دا من وين وامشي معاك كيف انا ماوريت زول لا يعني لا
بقا بتكلم بي صوت عالي يابانه انتي القلتي لي تعال وانتي القلتي لي مشتاقه ليك،والصوت ماشي عالي ونحنا في شارع بيتنا جو اولاد بقو بتلفتو يعني لو زول من الجيران طلع خلاص فضيحه زي الفضيحه وهو بكورك كدا ركبتا معاهو طوالي،بقا بضحك واتحرك طوالي
مالك:لا ماقلنا نوبه
بانه:عايني ماتتكلم معاي
مالك:لالا خير استعدي بعد كدا وبقا جاري حرفيا انا بقيت شايفه الناس بتعزي في امي وشايفه اخواني واخواتي ببكو حسيت انو خلاص الموت جاء
