صحيت الصباح وكان مالك لسه نايم صليت وبعدها استحميت وسرحتا شعري ومسكتا تلفوني كانت بسمه متصله، رسلتا ليها طوالي سالتني بانه انا راسي بودي وبجيب في شنو، رسلتا ليها انو والله يابسمه انا متاكده انو مالك وراهو حاجه وحاسه انو في حاجه متخبيه انا احساسي مابخيب ومتاكده ردت لي، يابانه دي كلها افتراضات ومافيها حاجه اكيده اطلعي من دائرة الشك وابدي حياتك لو عشتي كدا صدقيني ماحاترتاحي انتي بقيتي مرتو وحياتك مربوطه معاها عمرك كلو، ولوجيتي تركزي مع راجل بجيك مرض كلهم وراهم اسرار بس الست الشاطره تتجاهل وتعيش حياتا بي الاسلوب العايزاهو اسمعي نصيحتي انا دخلتا الحياه دي قبلك وبعرف اكتر منك، جاء مالك وانا ماحاسه بيهو اصلا لحدي ماباسني في خدي
مالك: صباح الخير ياوش الخير كيف اصبحتي
بانه: صباح النور صحيت متين انت؟
مالك: يعني ماطولتا لكن انتي كنتي مندمجه في تلفونك وماجايبه خبر قمتي متين انتي؟
بانه: ساعه كدا
مالك: لي ماصحيتيني ولي ماطلبتي الفطور والشاي
بانه: قلتا اخليك لمن تصحا
مالك: طيب دايره تاكلي شنو انتي
بانه: اي حاجه ماعندي طلب معين
مالك: طيب دقايق
طلب وجاء قعد جنبي قفلتا تلفوني وختيتو وفتحتا الشاشه، كنت بقلب وبفتش في اي حاجه مالك ماكان بعمل في حاجه كان بعاين وانا عامله رايحه لحدي ما الباب دقه استلم الحاجات وجاء
مالك: يلا ناكل والله انا جعان شديد حاسي انو لي شهر ما اكلتا
بانه: انا عايزه شاي بس
مالك: لالا مافي كلام من دا تاكلي اول وبعدها نشرب الشاي بدينا ناكل وشربنا الشاي وبقينا قاعدين، مالك ماسك تلفونو خليتو ودخلتا جوه رتبتا الغرفه ورقدتا جاء داخل
بعد مسافه وكنت مغمته عيوني علي اساس انو نايمه
مالك: مابتعرفي تمثلي اصلا هههههه فتحي عيونك،فتحتا عيوني وكنت ساكته ماقادره اقول حاجه
بانه:اي صاحيه في شنو
مالك:مافي اي حاجه بس انتي متغيره اي نعم نحنا بنعرف بعض في فتره بسيطه بس انا حاسي بي الحاجه دي،طوالي قمتا وقعدتا قلتا مدام جات منو احسن حاجه اصارحو طوالي
بانه:بصراحه يامالك انا ما قدرتا اصدق الكلام يوم العرس لمن وصلتني الكوفير ردت فعلك ماكانت حاجه عاديه،واحساس انو في حاجه وانت مخبي حاجه ماقادره اوقف تفكير ولاقادره اتقبل الوضع كانو مافي حاجه،حاولتا بس ماقدرتا،قام علي حيلو ورجع شعرو لي وراء
مالك:والله يابانه انا ماعارف اشرح ليك الموضوع كيف
بانه:كيف يعني
