فتحتا عيوني وانا حاسه انو الحاصل دا كلو حلم ماحقيقه لقيت نفسي راقده في المستشفي ويدي فيها درب وياسمين واقفه جنبي ومالك واقف جنب الباب ومربع يدينو وبعاين لي، قلتا لي ياسمين انا وين في شنو الحصل شنو؟ البيبي يا ياسمين ماتكون جاتو حاجات، قربت مني
ياسمين: اطمني البيبي كويس ماعندو حاجه انتي دوختي وجبناك المستشفي، عاينتا لي مالك الكان واقف ما اتحرك من مكانو علي الاقل كان يجي يسآلني انا كيف، او حاسه بي شنو ياسمين كانت بتعاين وتاني طلعت قالت لي ماشه اشوف الدكتور وبجيك، طلعت وهو كان واقف بعد مسافه جاء وقف قصادي وكان بعاين لي شديد
مالك: الولد دا ابوهو منو
اتصدمتا وحسيت انو انا ماقادره اتحرك كانو اتشليت، وجسمي بقا تقيل ولساني ماقادر يتحرك من مكانو كنت بعاين ليهو وساكته
سآلني تاني بصوت عالي شديد
مالك: قلتا ليك الولد دا ابوهو منو ماسامعه والا ماعندك رد تردي بيهو، والايمكن خجلانه؟ او ماكنتي متوقعه انو انا اعرف صاح،انا ما الراجل البكون قاعد كرسي واي شي يحصل مايعرفو معليش والله انا واعي يا استاذه
بانه:انت بتقول في شنو؟
مالك:بقول في الحقيقه الكنت انا ماجايب ليها خبر ولا داري بي البحصل وراي انا قايل انو انتي واحده متربيه وقدر الثقه وبتصوني شرفك طلعتي اي كلام،عمري ماكنت متوقع انو انتي تخونيني لا وكمان تجيبي ولد منو ههههه انا غبي انا غبي عشان مديك كل الثقه انا متخلف عشان مديك ثقه ماقدرها انتي
قمتا من مكاني وعاينتا ليهو جوه عيونو
بانه:اسمع لو انت خاين دا مابيعني انو انا خنتك تمام الخباثه ماحقتي ولابخون الثقه ولابعلب بي شرفي،عشان انا متربيه احسن تربيه،وبعرف الصاح من الخطآ لو انت مابتعرف دي ماحاجه بتخصني ولو انت بتلف وبدور وبتلعب علي الحبلين معليش انا ماكدا،وانا لحدي هنا اكتفيت منك ومن عمايلك معيشني في وهم شهور في شهور وانت عايش حياتك وجادعني زي الكرسي في البيت وانت بتعمل الدايرو،واخرتا اطلع انا مابصون شرفك ومان تشك فيني اسمع يامالك لحدي هنا وكفايه
مالك:ماكفايه ولا غيرو مالم اعرف الولد الجايبه دا ولد منو
بانه:انت متخلف والاشنو كيف جايبه من وين انا كنته لافه معاك ساي نحنا مامعرسين والافهمك. شنو انت اسمع انا مابسمح ليك تطاول وتقلل من احترامي كدا،احترم نفسك وشوف انت بتقول في شنو واعرف حجم الكلام البترمي فيهو دا
بقا يكورك بي صوت عالي وبضرب يدو في الحيطه بكل قوه
مالك:عارف البقول فيهو انا. وواعي بيهو كويس بس انا عقيم كيف تكوني حامل فهميني،وجاء جنبي ورجع لي يدي علي ضهري قلتا ليك فهمييييني قبل ارتكب فيك جريمه تحصل كيف واحد عقيم مرتو تكون حامل انطقي
