كنت بصرخ شديد جات امي جاريه، في شنو يابانه مالك بسم الله
بانه: بطني يا امي حاسه روحي عايزه تطلع، وتاني بقيت ماحاسه بي حاجه غير انو شايلني وماشين بي المستشفي دخلوني طوالي، الدكتور قال الا مثبت والوضع ما مطمن، حسيت الدنيا اتقفلت في وشي انا السبب في كل دا انا ضيعتا ولدي بي يدي كنت ببكي بصوت عالي كانو كلهم واقفين حوليني بسمه وبلسم وابوي واخواني،الدكتور قال خلوها ترتاح وماتتحرك خاااالص
امي: يا بانه اهدي الكاتبو ربنا بحصل وانتي ماعليك الاتصبري، الصبر طيب وخليها علي ربنا وان شاء الله مابتجيهو حاجه
بانه:كلو بي سببي انا
ابوي:لا يابانه ربنا كتب كدا والحاجه دي كلها مقدره والبني ادم بكون سبب فيها،ماتلومي نفسك علي اي شي ربنا لو كاتب ليهو يجي الدنيا بجي ولو ماكاتب كمان نحنا ماعندنا حاجه غير نقبل ونصبر ونلقاهو قدام
بسمه:اي بنو التوتر زاتو ماكويس ليك حاولي ارتاحي وساعتين حانطلع نمشي البيت
حاولتا انو انوم بس ماقادره،قلبي واجعني شديد بقيت صاحيه لحدي ماجينا البيت دخلوني ورقدتا طوالي،بسمه وبلسم كانو معاي
جابو لي شوربه وعصير،ماكان عندي نفس لي اي حاجه بس عشانو كنت مستعده اعمل المستحيل
ابوي كان بره ماسك تلفونو اتصل لي عمتي مني قاليها تعالي البيت راشد ورشيد ورأفت كلهم ابوي ناداهم وكانو قاعدين،امي كانت قاعده بعيد منهم شويه سمعتا صوت راشد بكورك بكورك والله ارتكب فيهو جريمه وربي الكعبه ما بخلي والله سكيني دي الاتقول لا،اخر الزمن يتهمنا في شرفنا دا كلامي القلتو ليك من البدايه يا ابوي بس انت ماسمعتا مني قلتا ليك الولد دا مانافع من البت المباريها وماشه علي كيفا ديك عرفتو مانافع والعرس دا كلو ماكنت دايرو بس انت اصريت ياها دي البت ادمرت وسمعتا بقت في الارض،اها اليله دي قول اطلقت وجاها واحد ولد حلال قال لي اطلقت نقول ليهو شنو،يعني حايصدقنا،حايقول معناها الكلام صاح
ابوي:يا راشد اي شي وليهو حل انت ماتكون متهور
رأفت:حل شنو يا ابوي الموضوع واضح ماداير اي حل،تطلق منو وتاني ماعندنا بيهم اي شغله دا واحد ما راجل،ولابترجع لي لو يموت تاني
رشيد:ياجماعه انتو خلونا نفهم الموضوع اول ونقعد معاهو نشوف السبب شنو اي شي وليهو سبب،نحنا واثقين من تربية بانه وعارفين هي شنو،بس كمان ماممكن نحكم علي زول غايب
راشد:لا والله كويس رايك شنو نمشي ليهو لحدي عندو ونطلب منو يورينا لي نكر ولدو ونحل المشكله ونرجعا لي هوي يارشيد الموضوع دا امرق منو في البدايه لو كلكم سمعتو كلامي ماكان دا حصل زحو لي الموضوع دا كلوووووو وشوفو براكم بحلو كيف انا امور الاهل ونحنا اسره دي مابتنفع معاي الغلط واحد كان قريب والا بعيد مافي حاجه بتتغير بس انتو براكم البترخو لي الاهل وانا لو اتنازلتا معناها كلامو صاح ونحنا دايرين نستر بتنا الزول بدون سمعتو عندو في الدنيا دي وهو حالتو دي بدايتو اي حياه صعبه بس لمن تكون البدايه كدا اخير النهايه ماتجي
