" لو الأرض ماتاسعّ عناد .. ياسعه قلب نجّد " .

البّارت الأول ..

~ في بيت العايلّه تحديداً .. غُرفة الجد علي ~
الجّد علي : ياعفراء خلينا نمسي على خير وسكري الموضوع لايسمع به حدا العيال !
الجده عفراء : بس الولد محتاجك وماله غيرك ولازم ترضى عنه وتقربه منك مثل باقي أخوانه !
الجد علي : يعقب عقب سواته الي سواها وتبغيني أرضى عنه وأضفه في بيتي؟
عنّاد ركب للدور الثاني عشان يدعي جده وجدته للعشاء وقبل مايدق الباب سمع أخر نقاش الجد علي والجده عفراء :
الجده عفَراء : طلبتك ياعلي لاتخليه كسير لحاله
الجد علي : والله مايدخل بيتي هالقاتل ولايطبه تسمعيني! وسكري الموضوع لاعاد تفتحينه معي!
بدت ملامح التعجب في وجه عناد من القاتل؟ وقاتل من هو وليه جدي وجدتي يحكون عنه؟
دقّ عناد الباب بكل هدوء ما كأنه سمع شي ودخل وقال لجده وجدته أن العشاء جاهز
~ على سفرة العشاء ~
الجد علي : يازين هالعشاء دامه من تحت يديش ياوجدي
وجَّد : جعله بالعافية عليك ياحبيبي
خالد : يبه ترا بكره بإذن الله بنسري لديره دام العيال والبنات خلصوا أختباراتهم
الجد علي : توكلوا على الله وأنا وأمكم بناتي مع عمك فيصل
خالد : على خير
~ بعد العشاء في غُرفة عناد ~
عنّاد : من القاتل الي كان يحكي عنه جدي؟ ووش علاقته ببيتنا؟
صفن عناد يهوجس بالموضوع لين غلبه النعّاس ولاكنه حلف لروحه أن يعرف الموضوع ومن ورأه!
~ صباح يوم سفَرة الديره ~
عناد : يابينة ماقضيتوا !!
بينة : فديتك قضينا يلا شلوا القش
عناد : مابغيتوا وين خواتش بعد؟
بينة : بياتون بيبي بياتون
عناد : أخو حثليين!! بيبي!!
فصخ عناد عقاله وصار يركض ورا بينه فالبيت لين جودهّا وصرخت بينة تزهم حثليّن
بينة : تكفى ياحثلييين يا أخوي أفزع لأختك
حثلين : أبشري بسعدش وأنا أخو بينة
بينة : كفو ياعضيدي
شيخه : أنتوا ماتخلون عنكم الخبال وتعقلون؟
صقر : وين يعقلون أخوانش الخبلان ذول مافيهم وأحدٍ صاحي يلعبون مع البنات وهم كبر الباب !
لفوا العيال بنظرة غضب وحقد لأخوهم وحس أبو عناد وعشان يتدارك الوضع دعاهم وقال : بس ياعيال تحركوا لانتأخر على جدكم وعمانكم
ردوا العيال بصوت وأحد : أبشر
وركبوا السيارات وتوجهوا للديرة وكانت طريق 7 ساعات كاملة وفي سيارة عناد " أمه وشيخة وبينة وزوجة خالد " أنفال وباقي أطفالهم ..
قرروا يوقفون شوي بحكم أن الطريق طال وبيمرون على سوبرماركت
يتقضون للي بقى من الطريق وبعد ماتقضّوا .. لمح عناد زول شخص ما حس أنه غريب عليه لاكن الشخص صد أول ماطاحت عينه بعيّن عناد وعناد والشخص هذا كانوا رايحين لنفس المنطقه .. ما اعطى عناد للموضوع أهتمام وكمل طريقه وبعد 7 ساعات وصلوا الساعه 3 الفجر وراحوا لبيت العايله بحُكم أن هالبيت ذكرى من جدهم ويتجمعون فيه كل فتره وكانوا سابقينهم عيال عمانهم وعمامهم الباقي نزلوا القش وبلحظه يقسم عنّاد أنها هزت كل شعره بجسمه صدم عناد بجسم رقييييق وحنون وصغير بالنسبة لضخامة جسمه !
نجّد : وجع ماتشوف وين تمشي أنت؟
عناد : وجع لش أنتي محد قالش أطلعي في وجهي!! بعدين ظلام من أنتي ولا وش جابش للديوانيه!
نجّد : مهوب شغلك من أنا وجايه للديوانية جايبه فرش ومخاد لرياجيل !
عناد : طيب
أنقهر عناد بالهحجم وترد علي برد كذا؟ وفكر ينتقم منها ولاكن مايعرف من هي! وماقدر يكتشف بسبب سوء الأناره
عناد : معليه مردي بعرفش وبدري من أنتي
~ صباح أول يوم بالديره ~
طبعاً تجمعوا العيال والبنات على فطورهم بوجود جدهم وجدتهم وأبائهم البنات بنقاباتهم وقاسمين البنات بجهه والعيال بجهه وعناد كان مقروف من هالوضع وودهّ ان البنات بروح والعيال بروح عشان الكل ياخذ راحته وهو ياخذ راحته اكثر لانه مايحب يحتك ببنات غير خواته قاطع أفكار عناد الجد علي وهو يدعيه
الجد علي : وجع ياعناد من احاكي؟
عنّاد : لبيه ياجد
الجد علي : أقول ماودك تعرس؟
عنّاد : لاياجد بدري
الجد علي : الله يلين راسك ياولدي
ام عناد : ياعمي عناد مايفكر بالزواج ابد وكلمناه بالموضوع من قبل لاكنه رفض
الجد علي : مايخالف مرده بيلين راسه ويعرس
من بين كل هالبشر والكلام وناقاشات العيال مع بعضهم والبنات مع بعضهم كانت نويّر سارحه بتفاصيل حثلين جمال وجهه وشاربّه المفتول
وضحكته الي تحسها تضرب بوسط قلبها .. قاطعتها أمُها :
أم محمد : يابنت قدلي ساعه أحاكيش وين أنتي؟؟
نويّر : معش يمه
أم محمد : أقول نويّر ماودش ناخذش لعناد؟ منصب وجمال ورجوله وين بتلقين أحسن منه؟ بقول لاخيش يحاكي جدش بالموضوع " طبعاً مثل ماقلنا عيال حمد ماينقطعون من عيال عمانهم ولا بنات عمانهم "
نوير دق قلبها برعب وهي ماتتمنى زوج لها غير حثلين ولا دق قلبها بهالدنيا الا لحثلين ولاكن صار مالم يكُن فالحُسبان!
_________________________
أتمنى أن البداية تنال أعجابكم وأدعموني بتعليقاتكم
والتصويت عشان أكمل الأحداث 😢🩵🩵 .