" لو الأرض ماتاسعّ عناد .. ياسعه قلب نجّد " .

البارت السابّع .

~ في غرفة حثلين ~
رجع حثلين بعد ماوصل البنات ومن بعدها بان عليه الضيق
الجد علي : حثلين ؟ شبلاك يابوك ؟ وش مضيق عليك ؟
حثلين : مانيب ضايق فديتك بس حاس بصداع
الجد علي : بسم الله عليك وإن شاء الله تزين
حثلين : إن شاء الله
~ فالتحقيق ~
ضيدان : المُتهم يوسف سالم التركي اعترف أحسن لك كنا نراقب البيت وكان فيه شخص يدخل معك ومتواجد فالمكان دايم منهو !!
يوسف : واذا عرفت بتمسكه ؟ ولا بيشفع له منصب أخوه ويتبرئ ؟
ضيدان بغضب : محد يشفع له مناصب !! الكل ياخذ جزاه
يوسف : دام كذا ترا الي كان معي صقر ال مسعود اخ عناد مشعل ال مسعود
ضيدان : وش دليلك على كلامك ؟
يوسف : دليلي ان بنت عمه نجد صح ولالا ؟ وكانت مختفيه صح ولالا ؟
ضيدان : كيف تعرف عن هالموضوع !!
يوسف بضحك : كيف عرفت يعني ؟  لان هو الي اختطفها وكانت موجوده بالشقه بس محد أنتبه لها يوم داهتموا ومادري اذا موجوده للآن ولالا
ضيدان بتعجب : وليش جابها صقر للشقه ؟
يوسف : مادري
ضيدان بغضب : يوسف تكلم أفضل لاوالله اوريك نجوم القايله
يوسف بكل راحه : لو أدري بسكت مثلاً ؟ انا لحالي محكوم 20 سنه وش بخسر ؟ خاسر اهل واصحاب واحباب تتوقع اني بخاف اتكلم ؟
ضيدان : ياعسكري
العسكري : نعم سيدي
ضيدان : خذه
العسكري : حاضر سيدي
كان ضيدان واقف متعجب من الكلام الي سمعه وهل فعلاً صقر له ذنب ؟ ولا لا ؟
~ فالقسم ~
عناد : هالمره طلعتك بكفاله وحب خشوم المره الجايه بخليك تخيس هناك عشان تعرف تقرب للحرام
صقر : مايهمني ومحد قالك طلعني
عناد : انت متى تحترم نفسك وتغدي رجال ؟
صقر : كان يبحلق لعناد بنظراته وصد وخلاه
عناد : لاحول ولاقوة الا بالله يارب اعني اتحمل مصايب الدوام ولا مصايب صقر
~ فالبيت ~
ابو عناد : يبه كليت حبوبك ؟
الجده عفراء : ياكل حبوبه وهو عنيد تقول صخره مايطيع؟
ابو عناد بضحك : يايبه شبلاك خبلت امي
الجد علي : امك خبل من يوم ولدتها امها مابعد غدت صاحيه
الجده عفراء : ايه تمسكن قدام ولدك وحط البلا علي
ابو عناد : الله يخليكم لنا ولايحرمنا من وجودكم يابركة هالبيت ، يبه بجيب لك قلاص ماي واعود عشان تاكل حبوبك
الجد علي : لاوالله ياولدي مانيب ماكله
ابو عناد : وليه ياببه الله يهديك تهد صحتك ؟
الجد علي : ضايق على حثلين احس فيه شي ويكذب علي وانت تدري بغلا حثلين وعناد عندي
ابو عناد : معليه فديتك انت كل حبوبك وانا بشوف حثلين
الجد علي : بارك الله فيك ياولدي
_______________________
ادعموني بتصويت وكوُمنت عشان أكمل 💘 .