" لو الأرض ماتاسعّ عناد .. ياسعه قلب نجّد " .

البارت الرابّع .

يوسف : وش بنسوي بالبنت ؟ ليه جبتها اذا مو متسليه ؟
الغريب : لاتخاف بدري على التسليه أبي أتسلى وأنا أشوف قلب عناد يحترق عليها
يوسف : تمام بس أستعجل البنت لاتقاوم والله
الغريب بضحك : معليك معليك
~ صباح اليوم الثاني ~
مُنى : نجّيد قومي أخلصي روحي لجدش رفعت الفراش ومالقت نجّد طبعاً ما أهتمت لانها ماتهتم لعيالها من الأساس
الجد علي : وين نجّد؟ ماشفتها اليوم
الكل : ماندري
عناد كان يدور على بنت عمه وجهز دوريات للبحث عنها
ضيدان : عناد مافيه شي فالمكان
عناد : غيرو الوجهه وطلعوها من تحت الارض
ضيدان : أمرك
طبعاً كان ضيدان برتبّة عسكري وكان تحت امر عناد
عناد : برجع البيت أشوف اهلي وارجع اكيد انهم انحاسوا بعد ضيعة البنيه
محمد : كيف تضيع البنت وهي معكم كيف؟؟
بينة : ماندري والله يامحمد كانت معنا وراحت تجيب ولاعه ومارجعت
محمد : لو يصير فالبنت شي بتشوفون شي عمركم ماشفتوه
فزوا الكل على دخلت عناد
الجده عفراء : تكفى ياعناد نجّد مهيب هنا ولاندري وينها
عناد : ادري بالخبر من البارح وللحين أدورها وجيت اطمنكم
الجد علي : يارب أستودعتك حفيدتي احفظها بحفظك ياكريم
عناد : ياعيال عيونكم على البنات الباقي .. صقر
صقر بشين نفس : نعم
عناد : انتبه للبنات لايصير شي فيهم لين ياتي حثلين
صقر : طيب
دخل عناد غرفته وهو كان شاك في صقر وماعنده دليل عليه ابد
بعد بحث ليله كامله غفى عناد وماصحى الا 9 مساءٍ
ضيدان : عناد !!! انت وينك الدنيا مقلوبه والبنت كملت 24 ساعه مختفيه
عناد : نمت بالغلط يلا سكر جاي
وفز عناد عشان يطلع وسمع صقر يكلم ويقول : انتبه لها شويات وجاي
وحس صقر بوجود احد وفز وطلع وعناد ماخلاه ينتبه له ابد ودخل داخل الغُرفه
عناد : الله يستر منك ياصقر اتمنى انك مانتب ورا السالفه
طلع عناد ووصل لضيدان وقال : انت وينك؟؟ اتصل ماترد والدنيا مقلوبه لقينا اثر تاجر المخدرات يوسف بشقه مشبوهه
عناد : لقيتوا يوسف!! يوسف الي محد قدر يثبت عليه ست سنين كامله!
ضيدان : الحمدلله
عناد : تجهزوا وبنداهمه بعد عشر دقايق
تجهزوا ووصلوا عند الشقة وتوزعوا العسكر بكل جهه
عناد : 1 - 2 - 3 يوسف التركي سلم نفسك
وللأسف من سوء حظ يوسف كان مُحاط بالنساء والمُسكر والمخدرات وهالشي يزيد حكمه
يوسف : هلا ملازم عناد
عناد : بتهلي وترحب بالسجن يايوسف ست سنين محد فينا قدر يثبت عليك شي ومنى عمري يوم لقيتك واثبتت تهمتك
طلعوا من الشقة بعد القبض على يوسف ومحد توقع أن نجّد موجوده بهالشقه وما اصدرت أي صوت لانها كانت بحالة اغماء
عناد : ضيدان برجع للبيت ارتاح وابدل وارجع بعد ساعه انتبه للوضع وحطوا يوسف تحت التشديد
ضيدان : حاضر سيدي
عناد رجع للبيت وللحين كان شاك بصقر ويقول بنفسه : يارب ياعضيدي ان مالك يد بسوء وتضيع من يديني وفتش غرفته وجاته صدمة عمره من اللي شافه وما توقع منه اللي شافته عينه !
_________________
ادعموني بالتصويت والتعليقات عشان أكمل 🩵 .