" لو الأرض ماتاسعّ عناد .. ياسعه قلب نجّد " .

البارت السّادس .

ناصر : وجد؟
وجد بخوف : ناصر!! وش تسوي هنا وش تبغي !!
ناصر : وجد اسمعيني تكفين بقولش كلمه وبمشي
وجد : ليه اسمع منك إن شاء الله بصفتك وش ولا من تكون!!
ناصر : فديتش اسمعيني انا طالبش بالحلال وشرع الله تقبلين فيني؟
وجد بصدمه : وش !! كيف اقبل فيك وانت اكبر مني بـ 9 سنين ! ويعدين انت رفيق عناد صح؟
ناصر : ايه رفيقه بس تكفين ياوجد اوعدش ياوجد اني اعوضش عن كل شي واكون لش سند وكل الي تبغينه بس لاطلبتش تكفين وافقي
وجد : انت للحين تحكي ! بتروح ولا ادعي العيال !
ناصر : بروح بس فكري بالموضوع التفت عليها وقال .. وجد
وجد : خير؟
ناصر : أحبّش
دخلت وجد البيت بدون ولا كلمه وماعرفت وش حست بشعور بداخلها بعد كلمة ناصر
محمد : اهّ ياميثاء محد داري بحرقة جوفي مر اسبوع ولا ادري اختي وينها ولا وش صار لها
ميثاء : يامحمد استهد بالله وبترجع إن شاء الله وتقر عيونكم
محمد : مهوب قاهرني الا امي الكل محترق قلبه على نجد الا هي ماذرفت دمعة مجامل حتى ؟
ميثاء : مهما كان هي ام وبتجي ليله وتحس بوجع فقد عيالها
رآكان : بابا وين عمه نجد؟ اشتقت لها
محمد : عمه نجد راحت عند جدك وإن شاء الله بترجع
رآكان : يارب ترجع بسرعه عشان تركبني الخيل لانها دايم تاخذني هناك وتعلمني
محمد : إن شاء الله يابوي انت
~ في مكان أخر ~
ام سعد : يابنتي وشلونتس الحين زان حالتس؟
نجّد : الحمدلله ياعمه بخير بس أنا وين؟
ام سعد : انتي في مخيمنا يابنيتي لقيتس قرب مخيمنا مغمى عليتس وجبتس يمنا لين تقومين ونعرف وش علمتس
نجّد : تكفين ياعمه عندتس جوال؟
ام سعد : لاوالله يابنيتي مامعي ، الا وش اسمتس انتي؟
نجّد : نجّد ياعمه
ام سعد : عاشت الاسامي يانجّد وانا عمتس ام سعد وحيده وعايشه لحالي في ذا المخيم
نجّد : ليه ياعمه وين عيالش؟
ام سعد : عيالي؟ عيالي كلن قضبته مرته وراحوا خلوا جنتهم على شان حريمهم
نجّد بحزن : معليش ياعمه لاتحزنين بيردهم لش ربي إن شاء الله وبالصدفة دخل سعد وما أنتبه لوجود نجد
سعد : يمه وشلونتس
ام سعد : بخير
سعد : يمه طلبتس ودي بألفين
ام سعد : وانا من وين بجيب لك؟
سعد بغضب : بتدبرينها ولا حتى ذا المخيم بنطردتس منه ونحذفتس فالشارع وانتي ابخص بنا !
ام سعد : حسبي الله ونعم الوكيل
نجّد : ياقليل الخاتمه ذي امك جنتك ونارك وشلون تقولها انك بتطردها؟؟
سعد : وانتي من بعد؟
نجّد : انا احاكيك وتقول انتي من!!
سعد : مالتس دخل بيني وبين امي وذا شي عائلي
ام سعد : مانيب ام احد تقلع برا
نجّد : معليه ياعمه هونيها وتهون والله يردهم لش ويرد لهم عقولهم
ام سعد : الله ييسر يابنيتي
~ في القسم ~
عناد : صقر انت مستوعب بتنسجن سنتين وتقول عادي وش العادي؟؟
صقر : ياخوي مالك دخل
عناد : الكلام ماينفع معك دام مالي دخل صرف عمرك
ضيدان : هون على روحك ياعناد وتعال معي جايبين لك خبر عن نجدّ
صقر بخوف : نجّد؟ من نجَد؟
عناد : ما اتوقع يهمك تعرف
صقر : عناد من نجّد بنت عمي حمد؟؟
عناد : ايه
صقر : ومالقيتوها ؟؟
عناد : لا
ضيدان : عناد تعال معي
عناد : شبلاك؟
ضيدان : جاتنا اخبار ان فيه بنت بمخيم وحده من الحريم الكبار والمره وحيده ومالها بنت وشاكين انها نجّد
عناد : جهز فرقتين وبنتوجه لهناك
ضيدان : ابشر
~ في المخيم ~
ام سعد : وهاذي كل القصه يابنيتي
نجّد بدموع : هملوش لان حريمهم ضاقوا منش بس؟
ام سعد بحزن : اي والله يابنيتي ولا للفقير حيله
نجّد : انا بسندش يمه ولا بخليش في هالمكان
ولا انها نجَد كلمتها الا والدوريه موجوده
عناد : احمم ياعمه !
نجّد بهمس : عنادد!!
طلعت ام سعد : هلا ياولدي
عناد : ياعمه أدور على بنت عمي مفقوده ولا ندري وين اراضيها
نجّد : انا هنا ياعناد هنا !! يارب لك الحمد
عناد : نجّد!!! وينش!!
نجّد ببكا : تكفى ياعناد ابغي ارجع للبيت
شافها عناد بكل لهفه وتمنى لو انه ضمها على صدره وأشفى جراحه جراحه الي مكبوته بصدره من كل جهه
عناد : اركبي الدوريه يانجّد
نجّد : مانيب رايحه الا لين تجي عمتي ام سعد معنا
عناد : ياعمه اركبي
ام سعد : لا ياولدي معليه بقعد في مكاني
عناد : والله ان تروحين معنا ياعمه والعين اوسع لش من البيت
ماتركت ام سعد رساله انها عند العايله الفلانيه عشان ماتدخلهم بمشاكل وراحت مع نجّد وعناد لانها مره كبيره فالسن وبحاجه لرعايه
نجّد : يوه ياعمتي ام سعد تو مابينور بيتنا
ام سعد : الله يخليتس يابنيتي
عناد : نجّد تعرفين من الي خطفش؟
نجّد بضيق : لا مالمحته دايم مغطي وجهه
عناد : اذا تذكرتي اي شي علميني
نجّد : طيب
~ في بيت ال مسعود ~
شيخه : يابنات وش رايكم نروح لغزيل وساره نوسع صدورنا؟
نوره : انتوا روحوا ولاتبطون وانا بقعد عن امي وابي
شيخه : طيب
الجد علي : لاتبطون انتبهوا لرواحكم وخلوا حثلين يوصلكم
حثلين : ابشر ، يالله تعالوا
بعد دقيقتين مشي وصلوا بحكم انهم بديره صغيره ومحفوفه
دخلوا كل البنات واخرهم نويّر الي طاحت عينها بعين حثلين فجأه وحست ان نظرته صوبتها وقربت منه وقالت : حثلين؟
حثلين : لبيش يانوير؟
نويّر : انت عشقت عقب مرتك؟
حثلين باستغراب : لا
نويّر : تفكر تحب؟
حثلين : لا والحب ان جا يجي من الله مايجوده ادمي ويحطه في قلبه
نويّر : زين حتى لو.. قاطعها حثلين
حثلين : ادخلي داخل !! صارلنا ساعه بوسط الشارع ترانا فالديره وكلن ينقد حتى لو انش بنت عمي!
نويّر : ابشر
ماعرفت نويّر للأسف انها فتحت جروح بقلب حثلين جروح من الماضي مايسكرها شي ..
__________________________
ادعموني بتعليق وتصويت عشان أكمل 🫶🏻 .