رغبة

6- مجرم

فتحت عينيها بتثاقل وضجر بعد أن سمعت صوت منبه آذان الفجر

ريماس: هيي لمار اقفلي منبهك ده

"اغلقته محاولة منها عدم الجدال من الصباح مع اختها حتى يعدي يومها بسلام ومن ثم ذهبت إلى الحمام..."

ريماس: لمار استنيني دايرة أصلي معاك

لمار: كويس بسرعة لكن..

ريماس: تمام

وبعد أن انتهتا من الصلاة

لمار: ريماس الليلة انتي اعملي الشاي انا جسمي مكسر وتعبانة شوية

ريماس: ما تعملي انتي ما عندك كرعين ولا شنو

لمار: ياخ خلاص بمشي اعملو براي.. نفسي بس ولو لمرة وحدة تكوني مطيعة وما ترفعي لي ضغطي وتحاولي تعملي مشاكل من اقل شي وتتلامضي

"خافت ريماس من ردة فعل أختها والتي لم تعتدها منها من قبل..."

ريماس: خلاص بعملو يا لمار ومعليش لو تقلت عليكي وزعلتك مني

لمار: يسلام؟؟ يادوب وعيتي ع غلطك؟؟ لأ شكراً ما عايزة بعملو براي يعني بعملو براي ما بتفهمي انتي؟؟!

وانصرفت بغضب قبل ان تسمع رد شقيقتها

تحدثت في سرها وهي تعد الشاي والكيك بالشوكلاته: تصرفات طفولية، تصرفات طفولية، تصرفات طفولية.. تعبت انا من التصرفات الطفولية البيعملوها لي الناس اللي موجودين في حياتي واللي براها ده شنو ده ياخي عالم مريضة بالجد، لكن انا خلاص تاني ما حسكت على ايا اساءة بتجيني منهم ايا زول يتحمل عواقب افعالو من اللحظة دي ولي قدام

وسيم: برافو وأخيراً بديتي تتغيري تربيتي يا ليلي

لمار: انا مش قلت ليك تاني ما عايزة اتخيلك او اشوفك انا بسبب تعلقي الشديد ب ايا شي اتعود عليهو  وبسبب اني اتعلقت بيك بقيت عايشة في الخيال اكتر من الواقع مش اتفقنا لو جيتني في الحقيقة تاني ما حتخيلك لي لسه بتجيني؟

أردفت بحزن: خلاص كده كفايه يا وسيم!!

وسيم: مش زمان قلتي ما حتتخلي عني أبداً وحتفضلي تتخيلني لحدي ما تموتي

لمار: زمان وركز على الكلمة دي كويس الناس بتتغير تحدثت والعبرة داهمت صوتها: عليك الله خليني يا وسيم ما تجيني تاني

"حركت رأسها يميناً ويساراً في محاولة منها لإبعاد هذا الكيان الذي لم تعد تتحكم فيه وفي لحظات ظهوره لها..."

وسيم: طيب اذا ده العايزاهو

حدثها ب جملته هذه ثم اختفى فجأة

لمار: اهدي يا لمار اهدي خلاص.. ده مجرد خيال بس.. ده وهم.. حاولي كل ما يجي تسفهيهو عشان يبعد ويختفي تماماً

"صعدت للأعلى ثم توجهت نحو الشرفة حاملة معها كوب الشاي باللبن والكيك بالشوكولاته اللذان اعدتهم..."