⟨ لَم يَبذُل الكَثِيرُ لإبهَارِي ، كَانَ حَنُونًا فَقَط ⟩
...
الساعة 11:00pm
كانت قاعدة في كرسي من كراسي المطبخ وبتعاين في كباية العصير الماسكاها.. سرحانة في الحصل ليها قبيل
محمود: بيان.. ارح معاي.. عايز اتفاهم معاكي في موضوع امبارح
مجد: عايز يسوقك وين؟؟ والحصل امبارح شنو؟؟
محمود: انت الدخلك شنو أصلاً؟؟
مجد: ما سألتك انا.. كلامي معاها هي..
محمود: يااااخييي؟؟! هي تخصني وانا وهي واحد.. لو سألتها معناها سألتني افهم الكلام ده يا راجل
بيان: شباب.. خلاص اهدو.. ما حصل شي يا مجد.. ماشة اتفاهم معاهو وجاية
مجد: تمام.. اتفاهمي معاهو.. انا ماشي
بتذكر تعابير وشو وهو بيعاين لي بزعل وبيشيل مفاتيحو وبيمشي.. ما عارفة هو مالو يعني!!
مسحت وشي بي يديني وانا بتنهد بحاول اخفف الزعل الجواي
بقيت اتذكر محاولات محمود وهو بيحاول يرجع علاقتنا زي الأول
ولمن ما قدرت الحق مجد
محمود مسكني من يدي وهو بيقول: ده منو ومالو قال زعلان كده؟ راجلك ولا عاقد عليك وانا ما عارف عشان يعمل حركاتو دي؟؟! انا
تاني لو شفتو قريب منك كده او بيسألك بالطريقة دي قدامي او من وراي ما يلوم الا نفسو لأني ما حرحمو تمام؟؟
بيان: اهدا طيب.. خلينا نتفاهم برواقة يا محمود
محمود: بس يا بيان
قبل ما يتم كلامو ختيت يديني في خدودو وانا بقول: هشش.. خلاص خلاص.. كلو بالهدواة بيتحلى
محمود: طيب فهميني.. ده منو يا بيان؟
بيان: ده صحبي مجد.. واحد من أصحابي المقربين
محمود: وانا ليي ما عندي علم بعلاقتكم دي؟؟
بيان: نعم؟ محمود انت ولي أمري وانا ما عارفة؟
محمود: لأ.. لأ انا ما ولي أمرك بس قريب حبقى كلو شي بالنسبة ليك
عاينت ليهو وانا مكشرة ومربعة يديني
بيان: انجز عايزني عشان شنو
عاين لي مسافة في عيوني وهو بيقول: اسف عشان بوسه امبارح
سكت مسافه تاني قال: عايز منك طلبين.. حتلبي؟
بيان: اول شي بوسه امبارح دي انا ما عافيه ليك فيها لأنو حرام وانت كده اتجاوزت حدودك معاي.. تاني شي ما حلبي قبل ما اعرف هم
شنو الطلبين
محمود: انا عارف اني اتجاوزت حدودي بس سامحيني يا بيان والله ما حعيدا
أنت تقرأ
رغبة
Rastgeleرواية سودانية بقلم ريل حمزة أحياناً يقتلاننا الألم والرغبة لدرجةِ اننا لا نستطيع النجاة منهما وبالكاد نستطيع العيش والتنفس.. .. بتمنى ليكم متابعة ممتعة☕..
