Unicode
ကျန်ရှိနေသည့် ဘက်ထရီ ရှစ်ရာခိုင်နှုန်း။
တစ်ခုခုမှားနေတာလား။ တစ်နေ့လယ်ခင်းလုံး အားသွင်းထားခဲ့တာတောင် ဒီလောက်ပဲရတာလား။ အာလူးများကို အသုံးပြု၍ အားသွင်းခြင်းကမှ ယခုထက် ပိုမြန်နိုင်လိမ့်ဦးမည် ဖြစ်သည်။
ဘက်ထရီ ၈ ရာခိုင်နှုန်း။ သူမ မည်သည့် ဂိမ်းကို ကစားနိုင်မည်နည်း။ မည်သည့်သီချင်းကို နားထောင်ရမည်နည်း။ မည်သည့်ရုပ်ရှင်ကို ကြည့်နိုင်ပါမည်နည်း။
ကျန်းမြောင်မြောင်က နေရောင်ခြည်စွမ်းအင်သုံးပါဝါဘန့်ခ်ကို ကြက်ရိုးများကဲ့သို့ ကြည့်နေလိုက်သည်။ ၎င်းက အရသာမရှိသော်လည်း လွှင့်ပစ်ရန်မှာ နှမြောစရာကောင်းလှသည်။လုချီမင်က အနားသို့ ရောက်လာခဲ့သည်။
"မင်းရဲ့ ဖုန်းကို ခဏလောက် ငှားလို့ရမလား။"
"ဘာလို့လဲ။"
"ငါ GPS ကြည့်ဖို့လိုတယ်။"
သူမ၏ မိုဘိုင်းဖုန်းမှ GPS App သည် Data များကို သိမ်းဆည်းထားပြီး ဖြစ်သောကြောင့် ယခုအချိန်တွင် အင်တာနက်မရှိတော့လျှင်ပင် မြို့၏ မြေပုံကို ကြည့်၍ရနိုင်သေးပေသည်။
လုချီမင်က ဗီလာနှင့် အနီးဆုံးစူပါမားကတ်ကို ရှာဖွေလိုက်ပြီး ၎င်းမှာ ကျန်းမြောင်မြောင် ယခင်က ပြောခဲ့သော အကွာအဝေးနှင့် တူညီကြောင်း သိလိုက်ရသည်။ ၎င်းသည် ဘတ်စ်ကားမှတ်တိုင် ခုနစ်တိုင်စာလောက် ဝေးကွာပြီး မိနစ်နှစ်ဆယ်ခန့်သွားရမည် ဖြစ်သည်။ သို့သော် ကားမောင်းသွားလျှင် အတိုဆုံးအကွာအဝေးက 2.5 ကီလိုမီတာရှိပြီး ရှစ်မိနစ်ခန့် ကြာမြင့်မည် ဖြစ်ပေသည်။
သူက ဖုန်းကို ကိုင်ထားရင်း တွေးတောနေပြီး ရုတ်တရက် မေးလိုက်သည်။
"မင်းရဲ့ အန်တီက ဘယ်အချိန်ထပ်လာမှာလဲ။"
ယခင်က အန်တီပစ္စည်းများအားလုံးက သူတို့ အသုံးပြု၍ ကုန်သွားပြီ ဖြစ်သည်။
YOU ARE READING
ငါးဆားနယ်လေးက ကမ္ဘာပျက်ကပ်စာအုပ်ထဲ ကူးပြောင်းသွားတယ် (ဘာသာပြန်)
Fantasyကျန်းမြောင်မြောင် x လုချီမင် မူရင်းစာရေးသူ - နိုင်ရှန်းဝေ့သာ