Unicode
သူမ နေ့လယ်ခင်းတွင် ဘာလုပ်ရမလဲ စဥ်းစားလိုက်သည်။ သူမက လက်ရေးလှ ထပ်မလေ့ကျင့်ချင်တော့ပေ။
စားသောက်ပြီးနောက် ကျန်းမြောင်မြောင်က မျိုးစေ့များထည့်ထားသည့် ဇလုံကို ထုတ်ကာ ကြည့်လိုက်သည်။
မျိုးစေ့များတွင် မည်သည့်ပြောင်းလဲမှုမှ မရှိဘဲ ၎င်းတို့က အသုံးပြု၍ ရနိုင်ပါ့မလား သူမ မသိပေ။သူမက သက်ပြင်းချလိုက်ပြီး မျိုးစေ့များကို ပြန်ထားလိုက်သည်။ သူမ၏ မျက်လုံးထောင့်မှနေ၍ ဗီရိုပေါ်တွင် အိတ်ပေါင်းများစွာ ရှိနေသည်ကို မြင်လိုက်ရသည်။
သူမ ယခင်က သိမ်းထားသည့် ဂျုံများကို ထုတ်ယူလိုက်သည်။ ဗီလာအတွင်းတွင် ပေါင်းဖိုတစ်ခုရှိပြီး သူမက ကိုယ်တိုင် ပေါင်မုန့်လုပ်ရန် ရည်ရွယ်၍ ဂျုံမှုန့်များ ဝယ်ယူခဲ့သည်။ သူမက မီးစက်ကို အသုံးပြု၍မရ ဖြစ်သွားမည်ဟု မည်သူကသိပါမည်နည်း။ ထို့ကြောင့် ယခုချိန်ထိ ဘာမှမလုပ်နိုင်ခဲ့ခြင်း ဖြစ်ပေသည်။သူမမှာ ပဲပင်ပေါက်နှင့် ဝက်ဆားနယ်ခြောက်များ ရှိနေလေရာ ဖက်ထုပ်လုပ်ကြည့်လျှင် ကောင်းမည်ဟု စဥ်းစားလိုက်မိပေသည်။
ကျန်းမြောင်မြောင်က ဂျုံမှုန့်ဖြူဖြူတို့ကို ကြည့်လိုက်ပြီး စတင်ရန် ပြင်လိုက်သည်။
သို့သော် ပြဿနာတစ်ခု ရှိနေပေသည်။
သူမက ဖက်ထုပ် ဘယ်လိုလုပ်ရမလဲ သိမနေပေ။
ကျန်းမြောင်မြောင်က စားပွဲရှေ့တွင် ထိုင်ကာ ယခင်က မြင်ခဲ့ဖူးသည့် လုပ်နည်းကို ပြန်တွေးကြည့်ရင်း တဆင့်ချင်းပြန်စီကြည့်လိုက်သည်။
၁. ဂျုံမှုန့်တွေကို နယ်။
၂. အစာသွပ်။
၃. အကုန်လုံးကို ရောလိပ်လိုက်
ပထမဆုံးအဆင့်နဲ့ စလိုက်ရအောင်။
အသီးအရွက်များ စိုက်ပျိုးရန်အတွက် အိမ်တွင်ရှိသမျှ ပန်းအိုးများနှင့် ရေပုံးများကို အားလုံးအသုံးပြုပစ်ခဲ့ပြီးဖြစ်ကာ ကျန်နေသေးသည့် ထည့်စရာမှာ ရေဖန်ခွက်များနှင့် ဒယ်အိုးများသာ ဖြစ်သည်။
YOU ARE READING
ငါးဆားနယ်လေးက ကမ္ဘာပျက်ကပ်စာအုပ်ထဲ ကူးပြောင်းသွားတယ် (ဘာသာပြန်)
Fantasyကျန်းမြောင်မြောင် x လုချီမင် မူရင်းစာရေးသူ - နိုင်ရှန်းဝေ့သာ