10 REASONS TO LOVE YOU

Six

"ကျွန်တော်တို့ ဒီပရောဂျက်ကို Closeဖို့အတွက် အားလုံး ရယ်ဒီဖြစ်နေပါပြီ။ Legal and compliance မှာ contractလေးတွေ pendingဖြစ်နေတာကြောင့် မcloseရသေးတာ...အဲ့ဒါလေးလည်း တစ်ချက်ကူညီပေးကြပါဦးနော်..ကျွန်တော် Contractတွေ ရှေ့တစ်ပတ် Mondayကတည်းက ဟန်ဘင်းရှီးဆီ မေးလ်ပို့ထားပေးပါတယ်"

ခပ်ပြုံးပြုံးဆိုတဲ့ တစ်ဖက်ကလူရဲ့စကားကို ကြားပြီး ဟန်ဘင်းက မျက်မှောင်ကုတ်တယ်။ တကယ်တော့ ဒီမနက်တင်ဟန်ဘင်းကို အဲ့ဒီ့ကိစ္စလာပြောလို့ ဒီတစ်ပတ်ထဲ နောက်ဆုံးထားပြီး လုပ်ပေးမယ်လို့ ပြောထားပြီးသား။ ဒါကို ဌာနပေါင်းစုံပါတဲ့ အခုလို Cross-functional meeting မှာ နောက်တစ်‌ေခါက် သပ်သပ်ထုတ်ပြောတာက ဘာသဘောပါလဲ။

ကော်ပိုရိတ်တွေမှာက Compliance သိပ်ကို တင်းကြပ်တယ်။ စာချုပ်စာတမ်းမှန်သမျှက ဟန်ဘင်းတို့ legal and compliance ကို ဖြတ်ရပြီး legal teamဘက်ကနေ sign offချမပေးထားတဲ့ ဘယ်စာချုပ်နဲ့မှ အလုပ်လုပ်လို့မရ။ ဒါကြောင့်လည်း တစ်ရုံးလုံးရဲ့ ဌာနပေါင်းစုံက စာချုပ်စာတမ်းမှန်သမျှဟာ ဟန်ဘင်းတို့ teamဆီကိုပဲ ရောက်တာမလို့ သူတို့teamက တစ်ရုံးလုံးမှာ အလုပ်အရှုပ်ဆုံးteamလို့တောင် ပြောလို့ရတယ်။ ဒါကြောင့်လည်း Contractတစ်ခုကို sign offချပေးတဲ့ ကိစ္စဟာ လွယ်လွယ်ကူကူလုပ်ပေးလို့ရတဲ့ ကိစ္စမဟုတ်ပါ။

ဟန်ဘင်းက တစ်ခုခုပြန်ပြောဖို့ ပြင်လိုက်ပေမယ့် သူမပြောရသေးခင်မှာဘဲ legal and compliance team senior managerရဲ့ စကားသံထွက်လာတာမို့ ဟန်ဘင်းက ငြိမ်နေလိုက်ရတယ်။

"အော်..ဟုတ်ပြီ ဟုတ်ပြီ..မန်နေဂျာယန်း အခုလိုremindလုပ်ပေးတာ သိပ်ကျေးဇူးတင်တယ်။ ဒါနဲ့ Contract တွေက ရှေ့တစ်ပတ် Mondayကပို့ထားတာနော်...ဘယ်နှစောင် ပို့ထားတာလဲ မသိဘူး"

"၅စောင်ဗျ"

"၅စောင်?"

"အင်း...ဒါဆိုရင်တော့ မန်နေဂျာယန်းတို့ နောက်တစ်ပတ်မှ ရလိမ့်မယ်ထင်တယ်...ကျွန်မတို့ အရင်ကတည်းက Documentတစ်စောင်ကို working dayသုံးရက်ယူမယ်လို့ တရားဝင် ကြေညာထားပြီးသားလေ...ကျွန်မက ဟန်ဘင်းနောက်ကျနေတာထင်လို့ကို မန်နေဂျာယန်းကတော့ နောက်ပြီ...Contract ၅စောင်ကြီးကို တစ်ပတ်တည်းနဲ့‌တော့ ကျွန်မတို့ကို အပြတ်မဖြတ်ခိုင်းပါနဲ့ရှင်...ကျွန်မတို့ teamက တစ်ရုံးလုံးက လာသမျှ Document မှန်သမျှ စစ်‌ပေးနေရတာရှင့် ဟင်းဟင်း"