القصة باللهجة الجزائرية 🇩🇿
القصة من تأليفي وهي قصة خيالية لاتمد للواقع بصلة ، كل الأفكار من عندي . لا أقبل بأي شكل من الأشكال أخذ أي جملة ونسبها لنفسك أو عملك ، أتمنى أن تستمتعوا في قراءتها
بالنسبة للشخصيات يمكنكم تخطي فصل الشخصيات وتخيل أي ممثل...
كملوا الرجال واش كانوا يديروا وراح كل واحد يبدل حوايجو ، قمرة كملت ماكلة وناضت دوشت وخرجت لابسة بنوار تع دوش بيض مرسوم فيه باندا صغير وراحت جبدت جيب مرسوم فيها ورد صغير باج مع تريكو بيض قصير يجي معاها وبليغة بيضاء وخلات شعرها مطلوق مشمخ
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خرجت مالبيت باش تروح عند أماني تصادفت سوا سوا مع إسلام خارج لابس حطة صراحة كان زل لابس شوميز كحلة مع سروال جين كحل وباسكات بيضا مع ساعة وبراسلي كحل ، تبسمت معاه وردلها التبسيمة قمرة : مساء الخير إسلام : مساء النور ، ياك سالامات ؟ عليك ؟ قمرة : ايه ايه ماكان والو برك رودة تفشت ما فهمتش كيفاه ما شفتهاش مالصباح إسلام : معليه كي ماصرالك والو هاداك الصح الروح قبل لحديدة ياك هكذا ؟ قمرة (تبسمت): عندك الحق خرجت إيلين من بيتها وشافتهم كيفكيف ، شافوا فيها منبعد إسلام حمحم وهبط ، أما إيلين فخزرت فقمرة من رأسها لرجليها وقمرة فيكسات فيها وحركتلها براسها (تاع واش تشوفي فيا ) ودخلت لبيت أماني قمرة : هادي بنت عمتك حا نكرفصها هاد اليامات راني قتلك أماني : ما تنسايش بلي بنت عمتك ثان ، كرفصيها ما عندنا ما نديروا بيها ما تصلح ما تباليي (ضحكوا ) نبداو بشعري ولا ماكياجي ؟ قمرة :شعرك منبعد ماكياج ريحي تشو هنا (قعدتها فوق كرسي تع الطابلة لي فيها مراية ) ايه شكون راح يجي كامل ؟ أماني : طاطا حياة وعمو مجيد وأميرة وسيرين بنت خالت عصام مع يماها وزوج خالاتو وحدوخرين قمرة : وهادي سيرين علاه ما نعرفوهاش ؟ (طلعت حاجبها) بسك لوكان تخرج حكاية موراها تع كانت تحبو مالصغر ومكتوبين لبعض وهاداك الخرطي نخلطها عليهم أماني(ضحكت): وشبيك باندا هههههه ما تخافيش ماكان والو من هادوا عصام قالي هادي خالتو قريبة ليماه وتتفاهم معاها قمرة : انا مارانيش خايفة عى روحي بسك ماشي انا لي راح نكمل حياتي معاهم نتي أماني :ياعمري على الباندا تاعي تخمم فيا ، حقا واش هدرتي مع إسلام قبل ما تدخلي لعندي؟ قمرة : سقساني اذا ما صرالي والو وقتلوا بلي رودة برك تفشت ماشي عفسة كبيرة وقالي معليه الروح قبل الحديدة لتم لي خرجت هديك البومة ، تقول راجلها وين تشوفو معايا تبدا تتخبط وحدها أماني(بالضحك): علاه واش دارت ثان ؟ قمرة : لبارح كيما روحنا جبنا الفاليزا مالطونوبيل (حكاتلها واش صرا ) علابالك لوكان ماشي خوك لوكان راني بعتها لمصطفى باشا ( هههههه😂😂😂) أماني : اواااه الماتش قوة هادا نجيب ماييز ونقعد نشوف قمرة : دوك نديرلك ماتشش في وجهك ونخليهم يشوفو فيه واش رايك ؟ (سكتت أماني وكملت قمرة توجدها وهي منارفيا ) جاز الوقت ووصلو فاميلة العريس واش من زغاريت واش من تعناق مام هلال خطيبة أيمن وجات عرضتها أمينة وأماني ونايلة فرحت بزاف كي عرضوها ، كي وصلت طلعت لعند أماني ولقات قمرة تعاون فيها تلبس . دقدقت هلال هلال : لعروسة نقدر ندخل ؟ أماني : اه هلا جوزي جوزي مرحبا بيك (سلمت عليها وعلى قمرة ) هادي قمرة صحبتي وختي ، قمرة هادي هلال خطيبة أيمن قمرة : الله يبارك ربي يكمللكم ان شاء الله هلال: ميرسي يعيشك لعقوبة ليك ان شاء الله قمرة : اوه ماشكيتش انا خاطيني (ضحكوا عليها) أماني : خلاص دوكا روحي وجدي روحك نتي انا نستناك هنا قمرة : اوكي وادا هبطتي ادي معاك تلفونك وابعتيلي مساج أماني : اوكي روحي برك راحت قمرة لبيتها باش تبدا توجد روحها ، جبدت شعرها لي كان نشف مالسخانة دارتو بوكلي خفيف منبعد دارت ماكياج خفيف على حساب لون اللبسة جبدت روبة تاعها علقتها ودخلت للصالدوبان تغسل يديها لي كانوا يعرقوا مالستراس ما فهمتش وعلاه
