قمر الإنتقام

✨️الفصل الثامن والعشرون ✨️

إسلام شاف قمرة جاية مالبعيدة تبسم معاها بعد ما كامت ملامحه مشدودة كي كان يهدر مع ليديا ، ليديا ما راهيش بهلولة باش ما تفيقش على هدي زيرت على سنيها من تحت لتحت من بعد تبسمت بتسوميم
قمرة : إسلام
إسلام : خرجتوا خدمة شابة يعطيكم الصحة قمرة
قمرة بابتسامة : ولو خدمتنا
ليديا : صح إسلام عندو الحق خرجتوا خدمة هايلة قمرة
قمرة : امم ميرسي 😒
جا أمين لعندهم يهدر معاهم ومعاه أماني تان
أمين : يعطيكم الصحة على الخدمة هادي ، مكاش احسن منكم
قمرة خمست مع أماني وغمزوا بعضاهم إسلام ضحك عليهم و ليديا تبسمت .
قمرة : راهم بداو يجو الضيوف هداك هو نتوما روحو تشوفوهم
إسلام: تفضلي
أشارلها بيدو تاع ارواحي معايا وهي تبسمت وراحت تمشي قبلوا من بعد تبعهم أمين مع أماني و ليديا بقات وحدها تشعل بالغيرة من بعد همست بحقد
ليديا : نتا جبتها لروحك (يادرا الزرمومية هدي 😶)
استقبلوا إسلام و قمرة وأمين وأماني الضيوف تاعهم للمعرض الأول لهاد المجموعة تاع السيارات الجديدة ، بابات ليديا تان حضر مع خوها .
قمرة كانت واقفة قدام إسلام حتى جات ليها مرام تهدر بخفة عند ودنها
مرام : مدام هداك هو وقت يدخلوا الصحفيين راهي الثمنية
قمرة : إيه روحي مع سيليا و سارة (مساعدة تاع اماني ) دخلوهم ، بلا خالوطة مرام
مرام : حاضر بلا ما تخمي
قمرة : نتكل عليك تقدري تروحي
راحت مرام وعاودت قمرة دارت لعند إسلام مواجهين الباب
إسلام : كشما كاين ؟
قمرة : لالا برك فكرتني باش تروح دخل الصحافة هداك هو
إسلام : وقت المؤتمر (باش أمين يلقي كلمة يعني بسك هو حاكم الفرع هدا)
قمرة : نص ساعة ونبداوه مزال
داروا كي شافوا إياد جا و رياض سواسوا ، خمسوا مع بعضاهم ودخلوا لداخل . زاد جا فراس ودخل
فراس : فخر العائلة كامل هنا
ضحكوا وسلموا عليه من بعد لحق لقمرة شاف فيها
فراس : princess
سلمت عليه من بعد شافت فيه بابتسامة
قمرة : My prince ، هادي غيبة وقيل نسيت طريق تاع الدار
فراس :  الخدمة قمرة الخدمة
قمرة : ملي نشفى على روحي ونتا تقولي الخدمة ، ماراك معانا ماراك معاهم (تقصد على إسلام ولا أمين ) معامن راك ؟
فراس : راني مع لوخرين (غمزلها و ضحك هو وزاد إسلام )
قمرة ضيقت عينيها فيهم في زوج
قمرة : تضحكوا ودايريني هكا كي الأطرش في الزفة
فراس :خسارة عليك بنت خويا
قمرة : ولينا لبنت خويا فهمت
قلبت عينيها وهو عنقها بجهة يدغدغها بلعقل بلا سمير  وهي ضحكت .
جاز شوية وقت ، وقمرة كانت نط هنا ونط لهيك راهي هدرت مع فلان ، رحبت بفلان ، سلمت على فلانة حتى جات مرام عندها تهمسلها في ودنها باينة  (نسيت باش نقوللكم بلي دارو بوفيه تاع الماكلة حاجة خفيفة ماشي عشاء ولا )
مرام : لازم تجي دقيقة
قمرة : اوكي
دارت عند إنصاف وأماني لي كانت معاهم دوكا
قمرة :  فوفو دوك نجي ، مينوش عينك على الحالة هنا
أماني : بلا ما توصي
راحت مع مرام للكوزينة  وين كانوا يوجدوا في المقبلات وهادوك السناك لخفاف
قمرة : واش  كاين ؟
مرام : كاين بنادم بدل Menu تاع المقبلات لي بلا غلوتين
قمرة : كيفاش هدا !! علابالكم بلي هاد الحاجة بالذات مالازمش تغفلوا عليها ، ياك وصيت سارة
مرام : كانت واقفة معايا ، بصح كنت معاها كي مدتلهم للشا
قمرة استغفرت تكالمي روحها ، معليش حاجة يقدروا يسلكوها
قمرة : معليش نورمال ،بصح دوك عاودي مديلهم Menu  ونسحقك نتي توقفي عليهم هنا حتى يكملوا مرام تتعاود الغلطة نحاسبك نتي
مرام : حاضر مدام
خرجت مالكوزينة وشافت أمين رايح جيهة لي ملور استغربت بصح ما حبتش دخل روحها رجعت عند لبنات ولقات هلال لتم ، كانوا يقصروا