عشق العقاب ❤🦅....

البارت 1

بسم الله الرحمن الرحيم

في مصنع العقاب للحديد والصلب..

في مكتب زين..

زين الشرقاوي:(٢٨سنه)، خريج كليه بزنيس وماسك مصنع الحديد والصلب بعد وفاة والده، شاب وسيم،عملي جدا ،بعيون زرقه وبشرة خمريه وجسم رياضي،لقبه العقاب.....

زين بعصبيه: ازاي اخسر صفقه بالملايين يا سليم؟!.

"سليم (٢٨ سنه) شاب وسيم، ذكي، مرح، بعيون عسليه وشعر بني وبشره بيضاء وانف مستقيم، خريج كليه تجاره، صديق زين من الطفولة وبيشتغل معاه في المصنع وبيحب زين."

سليم بهدوء: اهدي يازين خسرنا الصفقه خلاص، دلوقتي لازم نعرف مين سرب معلومات الصفقه.

زين ببرود: معاك حق الاهم اعرف مين الخاين؟.

سليم بتفكير:ورق الصفقه كان في الخزنه، والخزنه سليمه، مفيش اثار فتح ولاسرقه، مين غيرنا يعرف عن ورق الصفقه.
زين: حسن المحاسب وسالي السكرتيره.
سليم بحيره: تفتكر مين فيهم الخاين؟.
زين يطلب قسم المحاسبه ويقول: ابعت الاستاذ حسن.

بعد قليل

فجا صوت خبط علي الباب
زين بجديه: ادخلي..

"تدخل سالي فتاه ترتدي فستان ازرق لغايه الركبه مفتوح الصدر ضيق قليلا مع ميكاب خفيف"

سالي السكرتيرة: زين بيه الاستاذ حسن المحاسب بره.

سالي(٢٥سنه) بشره بيضاء وعيون عسليه وشعر بني كيرال قصير لغايه الكتف، خريجه الجامعه الامريكيه، تعمل في مصانع العقاب من سنتين، تجيد عده لغات.

زين بجديه: دخليه وتعالي معاها عايزك في حاجه مهمه.

يدخل المحاسب حسن مع السكرتيره سالي..

"حسن موظف( ٤٠سنه) رجل في منتصف العمر يرتدي بدله ، يعمل في شركه العقاب من اكتر من عشر سنين".

حسن بتوتر : تؤمر بحاجه يازين بيه.

زين ببرود وهو ينظر لسالي وحسن : انا خسرت صفقه مهمه النهارده بفارق بسيط، عايز اعرف مين فيكوا اللي سرب معلومات الصفقه.
حسن بسرعه: زين بيه بعد العمر ده كله اسرب معلومات صفقه مهمه.

سالي بجديه: زين بيه انا مستحيل اخون ثقة حضرتك، واخسر الشركه صفقه مهمه.

زين بهدوء: معلومات الصفقه معانا احنا الاربعه، سليم مستحيل يخون ثقتي، انا هطلب الشرطه، وبالتحقيق هاعرف الخاين.

حسن بتوتر: زين بيه بلاش الشرطه.

زين ببرود: خايف ليه انت متاكد من برائتك.

حسن بحزن انا اسف يازين بيه، انا سرب معلومات الصفقه كنت محتاج فلوس عشا.....

فجاه قام زين من مكانه بعصبيه وقال فلوس ايه تخليك تخسر الشركه اللي فاتحه بيتك صفقه بالملايين، انت بتشتغل هنا من ايام المرحوم حازم الشرقاوي(والد زين).

حسن بخوف : انا غلطت يازين بيه، ضغطوا عليا كنت محتاج فلوس لعمليه ابني.

زين بجديه: كنت طلبت مني الفلوس، انت مطرود من الشركه .
حسن بحزن: امرك يازين بيه، عمري ماهنسي جمياك.

سليم: انت هتسيبه كده.
زين: انا سبته عشان ولاده، سالي روحي كملي شغلك.
سالي:امرك يازين بيه.
سليم: طرد بس يازين، كنت دخله السجن.

زين بجديه: عارف يا سليم ايه اسوأ عقاب لحسن.

سليم بتفكير: يدخل السجن.
زين بإبتسامة: تانييب الضمير ياسليم، هيعيش طول عمره في عذاب وحاسس بالذنب.
سليم بدهشه: كنت دخله السجن ارحم، زيزو حبيبي ماتجي تسهر معايا النهارده.
زين ببرود: روح شوف شغلك.

سليم: خلاص اسهر لوحدي..

في شقه محمود المحمدي.

ساره بغيظ: بت ياعشق قومي خلصي المواعين انا حيلي اتهد في الشقه.

عشق بسخريه: حيلك اتهد يامرات ابويا علي ايه ياحسره، طول النهار بنظف لوحدي ، وبنتك البرنسيسه نايمه للعصر، واجي اريح شويه تقولي اغسلي المواعين، هو انا عايشه في البيت لوحدي عشان اعمل كل حاجه.

ساره بعصبيه: بتردي عليا يابنت سعاد، سيبي بنتي في حالها، ورحي خلصي المواعين، وحضري الغداء كمان.

عشق بغيظ: اجيب الطشط اغسل رجليكي بالمره هه هه هه....
ساره بغيظ: اضحكي ياموكوسه اضحكي والنبي لو ماقمتي تخلصي اللي طلبته منك لكون ماسكه شعرك اللي فرحانه بيه وامسح بيكي بلاط الشقه.

عشق بسخريه: اهدي شويه يامرات ابويا هيجيلك الشوجر هه هه...
ساره بغيظ: خلصي يابنت سعاد.
عشق بحزن: حاضر يامرات ابويا.

في المطبخ
عشق لنفسها وهي تغسل المواعين، حسبي الله ونعم الوكيل فيكي ياساره انتي وبنتك، يارب الاجازه تخلص، تعبت من شغل البيت، كان يوم اسود يوم مااتجوزتي بابا.

ساره:( ٤٢سنه) كانت من عشرين سنه ارمله ومعاها بنت عمرها سنه، وكانت جارة محمود المحمدي ومراته سعاد، بعد ولادة عشق تعبت سعاد وماتت، بعدها بكام شهر،اتجوزت من محمود عشان تساعده في تربيه عشق ويكون والد لبنتها ملك، قبل الجواز كان بتهتم بعشق ولكن بعد الجواز اتغير الحال،بتغير من جمال عشق .

ايه رايكم في البارت
اكمل ولا لا..