“الله أكبر الله أكبر الله أكبر، لا إله إلا الله، الله أكبر الله أكبر الله أكبر، ولله الحمد، الله أكبر كبيراً والحمد لله كثيراً وسبحان الله بكرة وأصيلاً، لا إله إلا الله، وحده، صدق وعده، ونصر عبده، وأعز جنده وهزم الأحزاب وحده، لا إله إلا الله ولا نعبد إلا إياه، مخلصين له الدين ولو كره الكافرون......
في شقه محمود...
بعد صلاة العيد...
طبعا سارة نايمه بتاكل رز ولبن مع الملايكه، وملك حابسه نفسها في غرفتها بتحاول توصل لعمر اللي قافل تليفونه....
تخرج عشق من المطبخ وهي تحمل صنيه وتقول: انا عملت لك احلي كوبايه شاي وطبق كحك علي بسكوت وشويه ترمس لزوم القاعده.
محمود بحب: وشغلك ياحبيبتي.
عشق: الشغل النهارده هيبدا الساعه تسعه يعني لسه بدري يابابا هقعد معاك شويه.
محمود بحب: كل سنه وانتي طيبه ياحبيبتي واتفضلي عديتك اهي.
عشق بضحك: وانت طيب يابابا بس انا كبرت علي العديه.
محمود بحب: كبرتي ياعشق وبقتي عروسه.
عشق بدهشه: عروسه!.
محمود: امبارح بالليل كلمني شاب اسمه زين وجاي اخر الاسبوع ده يطلب ايدك لو وفقتي وطلع شاب كويس ومحترم، يبقي خير البر عاجله ونحدد معاد الخطوبه.
عشق بتوتر: بصراحه يابابا انا يعني... عايزه اتكلم معاك في حاجه كده.
محمود بقلق: خير يابنتي.
عشق بخجل: انا اعرف زين من فتره بس مش كبيرة واالله، اول مرة شوفته فيها كان في المحل اللي بشتغل فيه وكان بيشتري بدله ونسي تليفونه وجه تاني خد تليفونه وكمان اليوم اللي رحت فيه القسم وعملت محضر في الراجل اللي اتكلم معاكي مش كويس هو اللي وقف جانبي ودافع عني وراح معاي القسم ووصلني لحد هنا، واعترف بحبه وطلب ايدي للجواز، بس انا اتفاجئت والله وسابني فرصه افكر.
محمود بحب: كويس انك قولتي كل حاجه ليا وياتري فكرتي ووافقتي.
عشق بصعوبه تبلع ريقها وتقول: انا وافقت يابابا لاني حسيت معاه بالامان وخوفه عليا ودايما مراعي مشاعري وعشان كده انا طلبت منه يجي يتقدم ليا.
محمود بحنان: انتي بتحبيه ياعشق؟.
عشق بخجل: انا مش عارفه يابابا.
محمود بضحك وهو يتناول بعض من كوبايه الشاي: عشق انا اللي مربيكي وعارفك انتي بتحبيه يابنتي وده واضح من طريقه كلامك عنه وحتي شوفي خدودك اللي قلبت طماطم ههه... هه..
عشق بخجل: انا هقوم البس عشان اروح الشغل.
محمود بحب: اخيرا اطمنت عليكي ياعشق عقبال مااطمن علي ملك.
بعد قليل تخرج عشق....
محمود بإنبهار: بسم الله ماشاء، ايه القمر ده والله كبرتي يابنتي.
عشق بخجل: بجد طالعه حلوه يابابا.
محمود بحب: انتي طول عمرك حلوة يابنتي، بس الفستان حلو عليكي.
عشق بخجل: بجد عجبك ده ذوق سماح، عن اذنك هروح اعدي علي سماح ونروح الشغل مع بعض.
محمود بحب: خلي بالك من نفسك وما تتاخري.
عشق بحب: حاضر يابابا مع السلامه.
محمود بحب: الله يسلمك..
بعد عدة ساعات...
في سيارة زين...
زين بجديه: انا مش عارف انا سمعت كلامك ازاي.
سليم بضحك عشان نفسك تشوف عشق.
زين بضيق: لو عشق شافتني ممكن تزعل منى.
سليم بضحك: ماتقلق احنا راكبين عربيه مختلفه وكمان واقفين بعيد هتعرف ازاي.
وفجا تخرج عشق مرتديه فستان ابيض ضيق من الخصر وعليه بعض النقوش الفروعنيه من الاسفل وطرحه بلون النقوش بيبي بلو وتبدو كحوريه من الجنة..
زين بهيام: عشق جميله جدا.
سليم بضحك: فوق يازين لازم نمشي وراهم.
زين بغيرة: هتخرج تتفسح من غيري بالحلاوة دي، لا انا اخاف حد يعاكسها، لازم اكلمها تروح وتكنسل الخروجه دي.
سليم بسرعه: اهدي يازين احنا ماشيين واراهم وكمان تكنسل ايه، عايز اشوف منه بقالي اكتر من اسبوع نفسي اشوفها وكده عشق هتزعل منك..
زين باستغراب: وتزعل ليه؟.
سليم بجديه: اولا انت بتغير عليها بزياده وعايزه تكنسل فسحتها مع اصحابها و ممكن تعرف انك ماشي وراها.
زين بحزن: مش قادر سليم لو حد عاكسها واقرب منها انا ممكن انزل واروح اخلص عليه
سليم بضحك: اخيرا يازيزو شوفت اليوم اللي بتغير فيه علي بنت ههه.. هه..
زين بغيظ: سليم انا مستحملك بالقوة، كلمه تانيه وتنزل تاخد تاكسي.
سليم : خلاص انا سكت اهو...
أنت تقرأ
عشق العقاب ❤🦅....
أدب الهواةالعقاب: هو سيد طيور السماء و ملكهم بلا منازع.. زين الشرقاوي: شاب غني ووسيم ، ملك صناعة الحديد والصلب لقبه العقاب،شخص بارد ومنظم، عملي جدا قليل الكلام والضحك، يحب الوحد والصمت،لا يمؤمن بالحب،يجب ان تكون شريكه حياته بمواصفات تناسب مع شخصيته، رغم ك...
