التعامل معي سهل جداً أعطني احتراماً ، أعطيك ماهو أكثر ......
ملك بحيره: وايه دخل طنط سعاد الله يرحمها ماماتت من زمان ياماما.
سارة بكره: انا وسعاد كنا جيران من زمان، كان الكل بيحبها، كانت جميله اوى وكان كل يوم يجي لها عريس شكل، وامي دايما تقطم فيا، سعاد جالها عريس ايه؟. وعملت ايه؟. وانا اللي عبرني ابوكي، وامي ماصدقت و وافقت علي طول وبعدها بكام بشهر اتقدم محمود لسعاد ووافقت عليه وجت عاشت في الشقه اللي قصادي، وكانت علي طول فرحانه وسعيده في جوازها، عكس ابوكي، اللي ربنا ريحني منه، دايما ضرب واهانه، لحد ما ربنا افتكره،والله مازعلت عليه ساعه واحده، وبعدها عرفت اني حامل فيكي، كان امي ربنا افتكرها، واخواتي كل واحد في حياته، واهل ابوكي من يوم العزاء ماحد سأل علينا من اهله،وبعدها بكام شهر ولدتك، وكنت لوحدي بحاول ادور علي شغل،
لكن سعاد كانت بتشفق عليا وتديني كل شهر شويه فلوس، الكره في قلبي زاد ليها، عايشه حياتها مع جوزها في حب وسعاده، وبعدها بفترة حملت في عشق، وماتت بعد ولادتها واالله فرحت فيها، اخيرا خلصت منها، بعدها الفلوس اللي كانت بتعطيها ليا كل شهر انقطعت، فكرت اعمل ايه؟.
ملك بسخريه: تاخدي جوازها وتتجوزيه وتربي بنتها هه.. هه..
سارة بغيظ: كنت عايزني اعمل ايه، واصرف عليكي منين، وانتي حته لحمه حمرة واسيبك مع مين وانزل اشتغل، انا عملت الصح، محمود راجل طيب بيراعي ربنا فينا يابنت بطني.
ملك بسخريه: سيبك من السيره دي ياماما وتعالي نكمل فرجه علي الفيلم احسن.
سارة بغيظ: اتفرجي ياختي خلي الفرجه تنفعك، وتمسك الهاتف وتجري ايصال....
سارة: الو يامنذر عامل ايه؟.
منذر: نعم ياعمتي خير.
سارة بمكر: عايزاك في خدمة وليك الحلاوه.
منذر بفرحه: خدمه ايه ياعمتي؟.
سارة بمكر: عارف عشق بنت جوزي.
منذر بشهوه: مين مايعرف القمر ياعمتي، البنت من ساعه خراط البنات ماخرطها، وادورت واحلوت، هي منعششه في دماغي.
سارة بمكر: عايز تتجوزها يابن اخويا.
منذر بلهفه: انا هموت واتجوزها ياعمتي، بس عمي محمود هيرفض، ده مانع دخولي البيت ياعمتي، وبيقول عليا فاشل وعواطلي.
سارة: واللي يخليك تتجوزها.
منذر بلهفه: من ايدك دي لايدك دي ياعمتي، هيعيش خدام تحت رجلك طول عمري.
سارة بضحك: تنفذ اللي هقول عليه، تروح شغلها بكره، وتخليها تترفد بفضيحه، وسيب موضوع الجواز عليا.
منذر: من النجمه ياعمتي هاروح وانفذ كل حاجه، بس كده عشق هتكرهني ياعمتي.
سارة بمكر: عندك حق ياواد،مخك لسه شغال، هات واحد من صحابك الصيع وخليه يروح بدالك.
منذر بتفكير: حاضر ياعمتي، هي بتشتغل فين؟.
سارة: في مول.... في الدور التاني في محل ملابس..
منذر: حاضر ياعمتي هبعت واحد من صاحبي الصبح يعمل الواجب معها.
سارة بضحك: شاطر يا واد يا منذر وبعدها نشوف موضوع جوازك منها.
وبعد إغلاق المكالمة....
ملك: هو صحيح ياماما هتخلي عشق تتجوز منذر ابن خالي صالح.
سارة بمكر: وليه لا هه.. هه..
ملك: ده واد صايع وشمام وعمي محمود لا يمكن يوافق عليه.
سارة بمكر: هيوافق بفضيحه يابنت بطني.
ملك بحيره: فضيحه ايه؟.
سارة : فضيحتها مع منذر يابنت بطني، شغلي دماغك بقا، محمود لما يلاقي شرفه راح، غصب عنه هيوافق علي الجواز، وبنت سعاد هتعيش حياتها ذي ماعشت زمان مع ابوكي.
ملك: وازاي بقا ياست ماما، هتعملي، الفضيحه.
سارة: سبيني افكر بروقان واتكتت الخطه في دماغي.
ملك لنفسها: امي حطت الموضوع في دماغها، ربنا يستر، وانا مالي خليني في حالي، امتي عمر يجي يطلبني رسمي، واغور من هنا، بلا قرف ووجع دماغ.
أنت تقرأ
عشق العقاب ❤🦅....
Fanfictionالعقاب: هو سيد طيور السماء و ملكهم بلا منازع.. زين الشرقاوي: شاب غني ووسيم ، ملك صناعة الحديد والصلب لقبه العقاب،شخص بارد ومنظم، عملي جدا قليل الكلام والضحك، يحب الوحد والصمت،لا يمؤمن بالحب،يجب ان تكون شريكه حياته بمواصفات تناسب مع شخصيته، رغم ك...
