الصمت كمان لحن بس من حزنه مش مسموع ..
في الصباح...
عشق بخجل: ممكن اخرج النهارده يابابا مع منه وسماح بعد الشغل، اجيب فستان جديد لل..
محمود بضحك: للعريس هه.. هه. خدي يابنتي الفلوسي دي معاكي، اشتري فستان حلو، وان شاء الله يوم مايجي العريس والدته هجيب جاتو وحاجات ساعقه.
عشق بحب تقبل والدها من خده وتقول: ربنا يخليكي ليا يارب، انا هروح الشغل، مع السلامه يابابا.
بعد رحيل عشق...
سارة بغيظ: مكلف نفسك جاتو وحاجات ساقعه وفستان جديد وانت وافقت خلاص علي العريس.
محمود: انا شايف الحب في بنتي ياسارة، واضح انها بتحبه لو طلع ابن حلال، هوافق عليه، انا اب يهمه سعاده بنته.
ساره بغيظ: في حاجات تانيه لازمه مع الحب.
محمود بحيره: حاجات ايه؟..
سارة: الشقه والشبكه وكمان علينا ايه وعليهم ايه، وكمان شغال ولا و مرتبه كام، مش لازم تتطمن علي مستقبل بنتك.
محمود: معاكي حق لكن قال رَسُول اللَّهِ صلى الله عليه وآله وسلم: «إِنَّ أَعْظَمَ النِّكَاحِ بَرَكَةً أَيْسَرُهُ مُؤْنَةً»..
سارة لنفسها: انا غلطانه اني بنصحك، لما يتقدم لبنتي عريس لازم يجيب شبكه بالشيء الفلاني وشقه ثلاثه اوض وفي منطقة نظيفه وكمان اتشرط براحتي.
في المحل...
عشق لسماح: زين بيرن عليا، هروح ارد وشوفي الزبون اللي معايا.
سماح بحب: من عنيا.
عشق بخجل: تفتح الخط وتقول الو يازين.
زين بحب: وحشتني، بتعملي ايه دلوقتي.
عشق: انا في المحل.
زين: كمان النهارده شغل، انتي بتتعبي نفسك.
عشق: ولا تعب ولا حاجه انا دلوقتي في اجازه، انا كنت عايزه استاذنك اخرج النهارده بعد الشغل مع منه وسماح اشتري شويه حاجات.
زين بمكر: هتشتري ايه؟.
عشق بكسوف: البس جديد يعني البسه يوم مقابلتك مع بابا.
زين بضحك: طيب ممكن اجيبلك فستان علي زوقي.
عشق بخجل: لا انا هجيبه لوحدي.
زين بحب: بهزر معاكي، خلي بالك من نفسك واشوفك قريبا مع والدتي.
عشق بتوتر: والدتك.
زين بحب: والدتي نفسها تشوفك جدا، تحبي تكلميها.
عشق بتوتر: انا..
زين بحب: معاكي والدتي...
سهير بحب: الو ياعشق انا والدة زين واسمي سهير و سمعت عنك كتير من زين ابني ونفسي اشوفك.
عشق بحب: ازيك ياطنط انا..
سهير بضحك: انا غير زين خالص، ممكن ابني يكون جاد شويه لكن انا بحب الهزار والضحك، واعتبرني زي والدتك.
عشق بحب: حاضر ياطنط.
سهير بحب: معاكي زين...
زين بحب: كلمتي والدتي.
عشق بخجل: اه كلمتها وشكلها طيبه اوي، انا هاروح اشوف شغلي، مع السلامه يازين.
زين بحب: الله يسلمك.
بعد عدة ساعات...
تخرج ملك من غرفتها...
سارة بغيظ: لابسه ومتشيكه وعلي فين العزم إن شاءلله.
ملك بإبتسامة مصطنعه: هروح اخرج مع مني صحابتي.
محمود بحب: سبيها تخرج ياسارة بدل الحبسه في غرفتها، روحي يابنتي، بس بلاش تأخير وخلي بالك من نفسك.
ملك بحب: شكرا ياعمو محمود.
محمود: معاكي فلوس بزياده يابنتي.
ملك بحب: معايا، مع السلامه.
محمود بحب: الله يسلمك.
بعد رحيل ملك....
ساره بحب: طول عمرك حنين ياسي محمود.
محمود بحب: انا بعتبر ملك بنتي التانيه ياسارة.
ساره بحب: ربنا يخليكي لينا يارب.
في شقة عمر....
ينام عمر علي الاريكه وينام عادل ممددا علي الارض بعد سهرة طويله من شرب المكيفات... وفجا يرن جرس الشقه فيستقظ عمر من النوم وبنعاس يقوم يفتح باب الشقه...
عمر بنعاس: ادخلي يا ملك.
تدخل ملك وتنصدم بما علي الطاوله من خمر وحشيش وسجائر ملفوفه وبقايا اكل دليفري وعادل النائم علي الارض.
ملك بدموع: عايز اتكلم معاك علي انفراد.
عمر: ده عادل صاحبي اللي شهد علي عقد جوازنا العرفي.
ملك: انا عارفه بس يعني..
عمر: سيبك منه وتعالي معاي غرفه النوم، نتكلم براحتنا.
ملك بدموع: حاضر..
في غرفه النوم...
ملك لعمر بدموع: لازم تجي تطلبني للجواز بسرعه. انا طلعت حامل وكلها كام شهر وبطني تكبر.
عمر بهدوء: والحل انك تجهضي ياملك، احنا اتفقنا ان جوازنا بعد التخرج.
ملك بدموع: عارفه لكن، انا دلوقتي حامل ولا يمكن اجهض طفلنا، عمر احنا لازم نتجوز وبسرعه.
عمر بغضب: اسمعي كويس ياملك انا مش بتاع جواز، احنا قضينا مع بعض وقت حلو وبمزاجك، لكن اتجوز واخلف ده مستحيل.
ملك بدموع: انت بتتكلم بجد، عمر بلاش تهزر معايا انا حبيت واتجوزتك في السر عشان بحبك.
عمر بصوت عالي: انا مش بهزر ياملك، انتي عندك حل من اتنين تجي معايا تجهضي، او تخلي البيبي ومفيش حاجه بينا.
أنت تقرأ
عشق العقاب ❤🦅....
Fiksi Penggemarالعقاب: هو سيد طيور السماء و ملكهم بلا منازع.. زين الشرقاوي: شاب غني ووسيم ، ملك صناعة الحديد والصلب لقبه العقاب،شخص بارد ومنظم، عملي جدا قليل الكلام والضحك، يحب الوحد والصمت،لا يمؤمن بالحب،يجب ان تكون شريكه حياته بمواصفات تناسب مع شخصيته، رغم ك...
