كان في واحد فاشل من وهو صغير حتي سن مراهقته قضاه في فشل سواء في دراسه او تعامل مع الناس
اتجوز وهو عنده ١٨ سنه و خلف بعدها بسنه...بس للاسف فشل بردو في جوازه
مراته اطلقت و اخدت منه بنته الوحيده و سابته و مشيت
حاول يشتغل حاجات كتير بس بردو فشل
فالاخر اشتغل ساعي بريد شغلانه سهله كل الي عليه انه يوصل الخطابات لاصحابها و بس
يعني سهله مش محتاجه فشل هو كل الي بيعمله بيركب عجلته و يلف بيها علي الناس يسلمهم جوابتهم و بس
بس كان فاشل اجتماعيا ملوش اصحاب ...ملوش علاقه بقرايبه
عاش حياته كلها ما بين شغله و بيته الي كان عايش فيه وحيد
حتي بنته الوحيده فشل انه يكون لها اب بجد بالتالي بعدت عنه
وصل لسن المعاش و استلم ٨٠ دولار مكافأه نهايه الخدمه
أخدهم و راح جنينه جنب بيته و قعد تحت شجره بص للفلوس البسيطه الي في ايده و قرر ينتحر ..ماهي حياته ملهاش قيمه و لا عنده و لا عند غيره و الحاجه الوحيده الي كان بيعملها خلاص راحت هيعيش ليه و لمين
قرر يكتب جواب يودع فيه بنته و يعتزرلها انه مكنش ليها الاب الي بتتمناه
بس وهو بيكتب وقف فجأه و بص للفلوس و بص لعجلته و حس انه لسه قدامه فرصه ممكن يستغلها
راح السوق أشتره مقلايه ( طاسه قلي ) و فراخ و شويه توابل. و روح بيته
طبخ فراخ بالتوابل الي اشتراها و عملها تتبيله جديده و قلاها
غلفها في علب و ركب عجلته و بدأ يلف علي كل بيوت قريته يبيع ليهم الفراخ المقليه
و من هنا ...و من بعد سن الستين بدأت حياته
و بعد ٢٥ سنه بقي عنده اشهر و اكبر سلسله مطاعم علي مستوي العالم
عارفين مين ده
كنتاكي....اه و الله ده الخواجه كنتاكي و دي قصته
ليه انا حكتهالكم عشان مش عايزه اي حاجه توقفك ...مفيش حد فاشل ..بس فيه حد مستسلم
بتستسلمي للاحباط لو فشلتي في حاجه
بتستسلمي لكلام الناس الي مش بينفع قد ما بيضر
لازم تعرفي قيمه نفسك الاول عشان الناس تعرف قيمتك و حتي لو معرفوهاش ...عادي مش فارقه
انتي لو ماشيه في طريق بس كل شويه تبصي لوري اكيد هتتكعبلي في طوبه و تقعي
انما لو ماشيه فالطريق بصه قدامك ممكن تقعي بس هتبقي الواقعه بسيطه لانك شايفه الطريق كويس
اوعي تيأسي اعتبري الدنيا دي انسان بيتحداكي ..اقفي قدامه و قولي بكل قوتك انتي بتتحديني ..و انا قبلت التحدي
ليه مش عارفه قوتك الي جواكي ...انتي جواكي قوه تقدر تعدي اي صعب ليه مش بتستغليها
عشان مستسلمه ...لو واجهتي نفسك بقدراتك صدقيني هتلاقيها تقدر تعمل كتير
انتي قويه...متخليش الدنيا تضعفك
انتي جميله....متخليش الدنيا تشوهك
انتي عاليا اوووي ...متخليش الدنيا توطيكي
حبيت اعمل الصفحه دي ندردش فيها سوي و احاول اوصلكم معلومه يمكن تفيد حد فيكم
لو عجبتكم الفكره قولولي اكمل
لاني بتمني اشوفكم مرتاحين البال والقلب
بحبكم فالله
فريده
