كلنا عارفين قصه سيدنا يونس لما قعد في بطن الحوت و فضل يردد
لا اله الا انت سبحانك اني كنت من الظالمين
كلنا رميين نفسنا في ظلمه بطن الحوت
لما نستسلم لاكتأب ممكن يضيعنا يبقي احنا في بطن الحوت
لما نحس اننا ضعفاء و مش قد المواجهه يبقي احنا في بطن الحوت
لما منقدرش قيمتنا و نعرف اننا اقوياء يبقي احنا في بطن الحوت
لما نقفل دماغنا و نعمل نفسنا عاجزين عن حل مشاكلنا برغم ان كل مشكله ليها الف حل لو فكرنا صح
لو امنا بقدراتنا الي ربنا خلقها جوانا
ربنا مخلقناش ضعفاء و لا حابب يعذبنا فالدنيا
عارفه ان اوقات الابتلاء بيبقي شديد بس ربنا لما قال ( لا يكلف الله نفسا الا وسعها ) كان عارف كل انسان يقدر يشيل قد ايه عمره ابدااااا ما هيحملك فوق طاقتك ...بس انتي الي متخيله ان الحمل تقيل لانك مش عارفه قدراتك
روحي الجئي لقرايبك...لصحابك...خبطي علي كل باب اطلبي المساعده...و لما تلاقي الكل اتخلي عنك هتعرفي وقتها ان ربنا
تركك وحدك ليكفلك وحده
بعد عنك كل الناس عشان تلجأيله وهو يتكفل بيكي و يكون هو بس صاحب الفضل عليكي مش اي حد تاني
لو كنتي بتمري باذمه كبيره عليكي و خلاص كل الحلول خلصت يبقي جه الوقت الي فعلا تلغي فيه عقلك و توقفي تفكير في اي حاجه...و تلتزمي بس بالصلاه علي النبي بالصيغه الابراهيميه ..و لا تدعي و لا تقولي اي حاجه غيرها...هو مش قال صلي الله عليه و سلم : اذا تكفي همك و يغفر ذنبك و يقضي دينك
ده وعد حبيبنا النبي الذي لا ينطق عن الهوا
يبقي اعملي بكلامه و شوفي كرم ربنا عليكي
و رددي ....لا اله الا انت سبحانك اني كنت من الظالمين...لان ربنا قاله بعدها ( فانجيناه من الغم ) يعني الاجابه جات مباشرا بعدها
ردديها عشان تخرجي من ظلمه بطن الحوت الي رميتي نفسك فيها
ربنا عمره ما بيعمل حاجه لعبده الا لو كانت خير ليه حتي لو انتي شيفاها عكس كده اكيد هييجي الوقت تعرفي حكمت ربنا فالي جرالك بس انتي ثقي فيه
فريده
