صباحك بيضحك يا قلب فريده
( لا تحزن ان الله معنا )
الرسول صلي الله عليه و سلم كان قاعد فالغار و معاه رفيق دربه سيدنا ابو بكر الصديق...
لما لقاه خايف قاله لا تحزن ان الله معنا
سيدنا ابو بكر مكنش خايف علي نفسه....كان خايف علي صاحب عمره....كان مستعد يفديه بحياته
كلنا محبوسين في نفس الغار
غار الخوف من بكره
غار الغدر و الخيانه من اقرب ما لينا
غار الفشل الي حاسه انك جواه برغم انك ممكن تكوني ابعد ما يكون عنه
غار المقارنه بينا و بين ناس احنا اصلا احسن منهم مليون مره
بس ربنا هيبعتلك حد يقولك متخافيش و متزعليش ....انا معاكي
و لو ملقتيش حد يقولها....يكفي ان ربنا سبحانه و تعالي بيقولهالك....لا تحزن ان الله معنا
كل ما تحسي بوجع جواكي قوليها
كل ما تحسي انك لوحدك فالدنيا قوليها
كل ما حد يبيعك او يغدر بيكي قوليها
في كل موقف تمري بيه و تحسي انك مش قده قوليها
هتلاقي ربنا طبطب علي قلبك و راضاكي
انا واثقه
و بحبك
فريده الحلواني
