كان فيه طالب في الثناويه العامه ...كان حلمه انه يدخل كليه الطب ...ذاكر و اجتهد وواصل الليل بالنهار عشان يوصل لحلمه
ووصل ربنا كرمه و جاب مجموع و دخل طب ..كان اسعد واحد فالدنيا
واصل اجتهاده من اول يوم ليه فالجامعه عشان يفضل متفوق سنه وري التانيه وهو مكلش و لا مل لانه عنده هدف عايز يوصله
كان بيحب ماده التشريح جداااا و من حبه ليها جاب نص جثه انسان معاه البيت و حطها في طبق كبير مليان ماده معينه عشان تحفظها من التحلل
كان طول الليل يشرح الجثه و يدرس تفاصيلها و لما ييجي ينام يحط الطبق ده تحت سريره
شهر في التاني صدره تعب جدا و مبقاش قادر يتنفس و لما راح كشف عند دكاتره كتير اكتشفو ان الماده الي حفظ فيها الجثه سببتله مرض نادر جدا في صدره و ملوش علاج حاليا و ان العلاج الي موجود هياخد سنين
حالته الماديه متسمحش انه يفضل فالمستشفي لانه لازم يكون في مكان معزول لان اي زره تراب هيشمها هتتعبه اكتر
اهله حولو اوضته كلها بمشمع زي الي بيبقي في غرف العزل كده
تعب اكتر و حزن علي حاله ..حلمه ضاع و صحابه هيتخرجو قبله وهو كان اشطر واحد فيهم
كان ابتلاء كبير بس هو حوله لنعمه معرفش قيمتها غير لما ربنا شفاه
قعد تلت سنين علي فراش المرض بس مقعدش يلوم ربنا و يقوله ليه كده يارب انا معملتش حاجه
لا بدأ يقرا يقرا كتييير في كل حاجه ممكن نتهيلها
تلت سنين قضاهم بين العلاج و القرايه و التعليم وهو نايم علي سريره
بعدها ربنا كتبله الشفي بس طلع من المحنه دي وهو
الدكتور مصطفي محمود العالم الكبير طبعا كلنا عارفينه
زي ما اتعلم كتير درس في الدين بردو و اتفقه فيه
قدر يحول المحنه الي مر بيها لمنحه ربنا ادهالو عشان يبقي العالم المشهور
لو مكنش اتصاب بالمرض ده كان هيتخرج من الكليه زيه زي اصحابه و هيبقي دكتور زي ما كان بيحلم....بس وقتها هيكون زيه زي غيره كتير
انما هو استغل رقدته انه اتعلم و اتثقف و ملامش ربنا و قاله ليه كده يارب
كل واخد منكم جواه طاقه و قوه تهد جبال و يقدر يحقق المستحيل بس للاسف انتو مش عارفين قيمه نفسكم
في كل مره هقولهالكم
متخلوش الدنيا بسوادها تبهت علي بياض قلوبكم
استعينو بربنا في اي حاجه و كل حاجه
قوليلو قويني يارب انا مش هقدر اكمل من غيرك
مفيش حد نجح ابدااا من غير ما يفشل مره و اتنين
اديسون الي اخترع المصباح الكهربائي
واحده مذيعه بتساله انت اتعلمت ايه بعد ما حاولت ميه وواحد مره
قالها اتعلمت بعد ميت محاوله فشل ان في فرصه للنجاح
اقعي ....و قومي.... و كملي
و اقفي في وش الدنيا و قوللها انا اقوي منك بربي
ديما رددي جواكي
( ان معي ربي سيهديني )
هتلاقي ربنا بيقولك
( لا تحزن ان الله معنا )
مكنتش موجهه لسيدنا ابي بكر لما كان مستخبي فالغار مع سيدنا و شفعنا محمد صلي الله عليه و سلم بس
لا ربنا بيطبطب بيها علي قلوبنا عشان منحزنش
و لما ربنا يقولك انه معاكي تفتكري ممكن تخافي من حد
ابدااااااا و الله
( اليس الله بكاف عبده )
بلي و الله ربنا اصلا هو الكفايه الوحيده الاكيده في حياتك
انا بحبك عشان كده بقولك الكلام ده ...و اتمني تعملي بيه
فريده
