كان في واحد فاتح محل خياط في المانيا ....كل حياته فالمحل ده هو و اتنين صحابه و كان شاطر في مهنته اوي
لما اكتشفو قاره امريكا ابتدت الاخبار تنتشر عنها و ان اي حد يقدر يشتري او ياجر معدات حفر و يحفر في اي حته و يطلع معادن و دهب ...ماهي لسه صحرا و مفيش حسيب و لا رقيب
قرر انه يبيع المحل بتاعه و ياخد كل الفلوس الي محوشها و يسافر امريكا ينقب عالدهب
و فعلا عمل كده و اجر معدات و فضل يدور و يحفر من مكان لمكان .....بس للاسف ملقاش حاجه و فلوسه خلصت و صحاب المعدات سحبوها منه
لدرجه انه مكنش معاه تمن الاكل ....حتي البيت الي كان ماجره اتطرد منه لانه ميملكش حق ايجاره
بقي مشرد فالشوارع محلتهوش غير الهدوم الي لابسها
الشتا بدأ و الجو بقي تلج وهو قاعد فالشارع ميت من الجوع
واحده كانت معديه شافته كده و صعب عليها ....راحت جابتله اكل و قماش تقيل بتاع خيمه
عمل الخيمه جوه نفق عشان تحميه مالبرد شويه و بقي عايش علي الاحسان الي الناس بتقدمهوله....مش عارف يرجع بلده و لا لاقي شغل بشكله المبهدل ده
فكر شويه و قام اخد قماش الخيمه و فصل منه بنطلون بدل الي اتقطع عليه عشان يقدر يمشي فالشارع يدور علي شغل
وهو ماشي عدي علي مجموعه عمال بيبنو عماره ...رئيس العمال انتبه ليه وهو بيسال علي شغل و ساله ...انت جايب البنطلون ده منين اصله قماشه سميك و بيستحمل بهدله الشغل
فرح و قاله انا الي عامله اصلي انا اصلا خياط
رئيس العمال قاله طب انا عايزك تعملي ٣٠ واحد منه للعمال بتوعي
الراجل فرح جدا ووافق بس قاله انه معهوش فلوس يشتري الخامات الي هيحتاجها و حكاله حكايته...رئيس العمال قرر انه يديلو فلوس يشتري بيها الي هيحتاجه و كمان هيقعدو في اوضه فالعماره الي لسه بتتبني
و من هنا بدأ اول خطوه ليه في طريق النجاح و بقي مشهور فالعالم كله...ببساطه
لانه هو الي اخترع البنطلون الجينس الي عمله عشان يحمي نفسه بقماش الخيمه و مكنش فاكر انه فكرته دي هتبقي العالم كله بيستخدمها
و دخل موسوعه جينيس العالميه كاول مخترع لحاجه الكل بيستعملها
و بقي من اغني اغنياء العالم
من خياط في محل صغير ...فشل ووقع لما دخل في حاجه ميفهمهاش...لمتشرد في الشارع....لصاحب اكبر و اشهر اختراع علي مستوي العالم لحد وقتنا ده
عارفين ليه لانه فكر .....بس فكر و اخد خطوه...و الخطوه بقت خطوات....استغل موهبته او الحاجه الي هو شاطر فيها و بدا و كمل
مش مهم انك تقعي ....الاهم انك تقدري تقفي من تاني ...حتي من غير ما تستني حد يمدلك ايده...لاااااا
اسندي علي ايدك و اقفي و كملي و متبوصيش وراكي
انتي لو ماشيه في طريق هتبقي شايفاه كويس حتي لو اتكعبلتي في طوبه وارد بس مش كل شويه هتقعي لانك باصه قدامك
انما لو انتي ماشيه بس بصه وراكي صدقيني كل ثانيه هتقعي وقعه اجمد مالي قبلها
انسي امبارح لانه مش راجع تاني
و خليكي في بكره و احلمي انه هيكون اجمل ...عارفه ازاي
بايمانك بقدراتك و انك تقدري تعملي المستحيل قبل الممكن ...فشلتي ...عادي اتعلمتي من فشلك عشان لما تنجحي صدقيني هتفرحي بمحاولاتك اكتر ما هتفرحي بنجاحك
لان كل مره حاولتي فيها كنتي بتقوي اكتر و بيتولد جواكي اصرار انك توصلي
انتي تقدري....انتي جدعه...انتي قويه
انتي اتحملتي الي محدش يقدر عليه....يبقي خلي عندك يقين بجمال روحك و نور قلبك ...و انتي هتوصلي
بحبك....و واثقه فيكي
اوعي تخذليني يا سكر
فريده
