Zawgyi // Unicode
အခုလောက်ဆို Jimin နဲ့သူ့ရဲ့သတင်းတွေကလူမှုကွန်ရက်မှာရေပန်းစားနေလောက်သည်။ TV အစီအစဉ်မှာမပါလို့ မေမေမသိရင်တောင်ဖုန်းသုံးနေတဲ့ညီမလေးကသိမှာပဲဆိုတာခန့်မှန်းမိလို့နောက်ကျမှပြန်လာတာတောင်ဧည့်ခန်းမှာသားအမိနှစ်ယောက်ထိုင်စောင့်နေသည်။
" သား..မင်းဒီနေ့အလုပ်မသွားဘူးမလား "
" ကိုကို ဒါကိုကိုမလား.."
" သားရှင်းပြပါ့မယ် "
" မင်းရှင်းပြတာကိုနားထောင်ချင်လို့ကိုစောင့်နေတာ ပြောပါဦးဘယ်လိုဖြစ်တာလဲ "
အိပ်မက်မက်လို့သွားမိရာကနေ ဒီနေ့ဖြစ်သမျှဖြစ်ကြောင်းကုန်စင်ကိုပြောပြလိုက်သည်။
" အိပ်မက်ကအိပ်မက်ပဲလေ။ ဘာဖြစ်လို့အဲ့အထိလိုက်သွားခဲ့တာလဲ သူကရွှေမင်းသားလေသား.. ဘေးမှာစောင့်ရှောက်မယ့်သူတွေဒီလောက်ပေါနေတာကို မင်းက.."
မေမေကပြောရင်းနဲ့ဒေါသထွက်လာသည်။
" ဒါဆိုမင်းအခုဘာဆက်လုပ်မှာလဲ "
" ကျွန်တော်အလုပ်ထွက်လိုက်ပြီမေမေ.."
" ဘာ!..ဒါဆို မင်းကသူ့ bodyguard လုပ်တော့မယ်ပေါ့ဟုတ်လား.. မင်းချစ်ရတဲ့ မြတ်နိုးရတဲ့အလုပ်ကိုစွန့်လွှတ်ရလောက်တဲ့အထိသူကတော်တော်အရေးပါနေတာလား.. ဟင် ငါမင်းကိုကျွေးမွေးစောင့်ရှောက်ထားတာတခြားတစ်ယောက်အတွက်အသေခံပေးမယ့် သက်တော်စောင့်လုပ်ပေးဖို့လား ဖြေစမ်းပါ.."
မေမေကသူ့ကိုထိခိုက်မှာစိုးရိမ်လို့ပြောနေတာကိုနားလည်ပေမယ့် Jimin အန္တရာယ်ရှိတာကိုကြိုမြင်နေတဲ့လူကလည်းသူတစ် ယောက်ပဲရှိတာမို့။
မေမေ့လက်ခုံလေးကိုဆုပ်ကိုင်လိုက်သည်။
" မေမေထင်သလိုမဟုတ်ပါဘူး..ကျွန်တော်အရင်တုန်းက ParkJimin ကိုအိပ်မက်မက်တာမေမေ့ကိုပြောပြသေးတယ်လေ။ မေမေကစိတ်စွဲလို့မက်တာပါလို့ပြောခဲ့တယ်။ အဲ့ဒါကျွန်တော်စိတ်စွဲလို့မက်တာမဟုတ်ဘူးမေမေ..သူတစ်ခုခုဖြစ်တော့မယ်ဆိုကျွန်တော်အမြဲတမ်းကြိုသိနေတာ။ ကျွန်တော့်အိပ်မက်တွေအတိုင်းတကယ်ဖြစ်လာတော့သတိမပေးလို့မရတော့ဘူးမေမေ..သူ့အနားမှာကျွန်တော်ရှိနေမှဖြစ်မှာ ဒါပေမယ့်အချိန်ပြည့်မဟုတ်ဘူးမေမေ ကြိုသတိပေးဖို့အတွက်ပါပဲ..."
YOU ARE READING
ʰᵉᵃʳᵗᵇᵉᵃᵗ
Fanfiction𝚉𝚊𝚠𝚐𝚢𝚒 // 𝚄𝚗𝚒𝚌𝚘𝚍𝚎 𝑱𝑱𝑲 // 𝑷𝑱𝑴 #𝑲𝒐𝒐𝒌𝑴𝒊𝒏 #𝑱𝒊𝑲𝒐𝒐𝒌 𝐬𝐭𝐚𝐫𝐭 » 𝐉𝐮𝐧. 18. 2023 𝐞𝐧𝐝 »Nov. 1. 2024
