بارت الثاني
"نحو السعير"
الكاتبه: وهم
ـــــــــــــــــــــــــــــــــــــــــــــــ
وابتعدنه بعيد لاجن طيفهم ظل يعتنينه ظلت حجاياتهم عالبال ما جلمه نسينه .
ــــــــــــــــــــــــــــــــــــــــــــــــــ
دخلت سبحت وطلعت مالكيت احد أكيد طلعو
رحت للمطبخ جوعانه طلعت تفاحه غسلتها ودخلت للغرفه حطيت ماسك لوجهي وطلعت للحديقه خذيت نفس عميق وكعدت بالمرجوحه لجو هدوء وبي بروده
رفعت راسي للسما لغيوم محجبة لقمر ويتحركن بحركه كلش بطيئة لحد مراحت لغيوم وبين لقمر عيوني دمعت وذكرت كلام هذاك لشاب يلي كلي
بابه بعيد مثل لقمر ويشوفني ويسمعني بس ماكدر اشوفه ولا اسمع صوته بس هوه يسمعني ويشوفني...
هاي الكلمات هيه يلي انطتني الأمل انو ابقه عايشه وحارب لحياه وابقه منتضره بابه وأكيد راح يجي يوم وشوف بابه
بس أكيد مانسه عمو مروان ووكفاته وياي هوه يلي جان وياي بكل خطوه وجنت اناديله عمو لأن جان اكبر مني وكلش احترمه واحبه لذلك بقيت اناديله بهذا الأسم
لماضي....
سمعت اشكال الكلام عني وعن أمي
اذا أمي غلطت اني شنو ذنبي؟
كلام جدو وهوه يكول
كله بسببج لو ما انتِ جايه للدنيا جان ابني طلك أمج ومجان وصلنه لهاذه الحال
زين اني يلي طلعت من كيفي للدنيا؟
وكلام عماتي
أكيد بنت زنا منو يكول تطلع بنت اخونه؟
عمتي لثانيه ترد...
خلي نسويلها فحص ونتأكد منها ليش تربون اولاد حرام ابيتكم
زين اني شنو ذنبي اسمع كل هذا لكلام!؟
جنت اسكت وماحجي شي بطبيعتي كلش هادئه ومينسمع الي صوت بس بليل اطلع اشوف لقمر وابقه ابجي واشكي وكل ضني انو بابه جاي يسمعني وجاي يشوفني
عمو مروان أبد ما انسه فضله بيوم
فد يوم قربت لمدارس واني بس اباوع الهم راحت بتسام وفاطمه وجابن ملابس مدرسه وقرطاسيه ولبنات كلش فرحانات بس اني جنت واكفه واباوع من بعيد
دخل مروان شافني واجه يمي
مروان: ليش لحلو ضايج؟
نزلت راسي والغصه بصوتي واضحه
ـ مابيه شي
باوع عليَ ورجع باوع على البنات
مروان: تردين من هذني واشر على لملابس
أنت تقرأ
نحو السعير
Misterio / Suspenso"سأصرخ في عزلتي، لا لكي أوقظ النائمين. ولكن لتوقظني صرختي من خيالي السجين!"
