حبايبي لاتنسون التصويت +التعليق بين الفقرات
"نحـو السعيـر"
الكاتبه: نور ثائر
ـــــــــــــــــــــــــــــــــــ
أنا الأرضُ التي تُعطي كما تُعطى
فإن أطعَمتها زهراً ستَسْزهـُِر
وأن اطَعمتها ناراً
يسأكُل ثوبك الشّررُ
ـــــــــــــــــــــــــــــــــــ
زهور...
جنت احجي ويا صديقتي واتصل عليَ رقم مارديت بس لح بلاتصال رديت
ـ يعني شخص ميرد عليك شكوو شلغمت
ـ منتضرج بره
حجاها وسد لخط اهنا حسيت كلبي صار دمام من الخوف خذيت اغراضي وطلعت لكيته متتضرني فعلاً اكبال الجامعه امشي خطوه وارجع عشر خطوات خايفه من يلي راح يصير كوه وصلت صعدت للسياره باوعلي بنضره من فوك ليجوه لبس لمناضر وحرك لسياره
ـ شنو تريد؟
ـ من نوصل اكلج
بقيت ساكته ومدري وين ماخذني تقريباً نص ساعه ووكفت لسياره بمكان فارغ مابي احد بس كم سياره تجي
ـ اي حياتي شلونج
ـ شتريد وليش جبتني هنا؟
ـ اتحبيني؟
باوعتله صفح ورديت
ـ لا
ـ جا ليش هيج سويتي؟
ـ جانت عندي مشاعر تجاهك اني اعترف بهذا لشي وانتَ واعدتني وكذبت عليَ كلت اختبرك واشوفك اذا رجال او لا بس للأسف طلعت واحد سافل مو بس توعد وتكذب لا وهم خاين
ـ شوفي ياعيني هاي مال خاين انه مخاينج انتِ لا حبيبتي ولا خطيبتي ولا زوجتي حته اخونج
وثاني شي انه كد كلمتي ونص دزيت اهلي بس انتو رفضتو دست على كرامتي بقندرتي وتوسلت بأخوج لأن الحل والربط كله بيده واعرفه اذا قبل يعني كلشي ينحل بس اخوج بكل مره يصدني بلعشرين مره حجيت وطلبتج من عنده واذا مصدكين هذاك هوه وروحي اسئلي بس جان نفس الجواب ونفس الصد بس مع ذالك بقيت متمسك بيج وماردت اخسرج
ـ وهسه شنو لمطلوب مني؟
ـ يعني هدي التمضرط كله وهيج جوابج؟
ـ شتريد مني يعني اوفق عليك وانتَ ماوفيت بوعدك وياي تريدني اثق بيك وانتَ مو كد الثقه ولا تستاهل احد يثق بيك
ـ انه ماكلج نبي وماغلط لا انه عندي اغلاط واهواي همينه بس صلحت نفسي بس علمودج صح جنت احجي ويا بنات وكل يوم هم الالف بنيه مو وحده بس من شفتج صدكي كلشي تغير وهذه تليفوني اذا تردي شوفي شكد يراسلن بس ولله مارد عليهن من انتِ دخلتي حياتي صرت ماشوف بنه غيرج هيج يعني صرت اشوفج مثل
"الزهره بين الحشيش"
هوه حجاها واني مالزمت ضحكتي
ـ هههههههههه
أنت تقرأ
نحو السعير
Misterio / Suspenso"سأصرخ في عزلتي، لا لكي أوقظ النائمين. ولكن لتوقظني صرختي من خيالي السجين!"
